Pakistan on Brink of Collapse: મધ્ય પૂર્વમાં વધતા યુદ્ધના તણાવની સૌથી ભયાનક અસર પાકિસ્તાન પર જોવા મળી રહી છે. ઈરાન અને અમેરિકા વચ્ચેના સંઘર્ષને કારણે હોર્મુઝ સ્ટ્રેટ (Strait of Hormuz) માર્ગ બંધ થતા પાકિસ્તાનનું અર્થતંત્ર વેન્ટિલેટર પર આવી ગયું છે. દેશમાં ઇંધણની એવી અછત સર્જાઈ છે કે સરકારે શાળાઓ બંધ કરી ફરી ‘વર્ક ફ્રોમ હોમ’ લાગુ કરવાની નોબત આવી છે.
Pakistan on Brink of Collapse: ઇંધણના ભંડાર ખાલી: ડરાવતા આંકડા
પાકિસ્તાન સરકારના સત્તાવાર અહેવાલ મુજબ, દેશ પાસે હવે ગણતરીના દિવસોનું જ ઇંધણ બચ્યું છે:
- ક્રૂડ ઓઇલ: માત્ર ૫ થી ૭ દિવસનો સ્ટોક.
- પેટ્રોલ: આઘાતજનક રીતે ૧ દિવસનો પણ રિઝર્વ સ્ટોક નથી.
- LPG: ૧૫ દિવસનો જથ્થો ઉપલબ્ધ.
- ડીઝલ: ૨૬-૨૮ દિવસ ચાલે તેટલો સ્ટોક.
આ ગંભીર સ્થિતિને જોતા, પાકિસ્તાન એરલાઇન્સ માટે ઇંધણની અછતની ચેતવણી (NOTAM) જારી કરનાર વિશ્વનો પ્રથમ દેશ બની ગયો છે.
Pakistan on Brink of Collapse: હોર્મુઝ સ્ટ્રેટનો ગાળિયો અને મોંઘું વીમો
દુનિયાનું ૨૦% ક્રૂડ ઓઇલ જ્યાંથી પસાર થાય છે તે હોર્મુઝ સ્ટ્રેટ ઈરાને બંધ કરી દેતા સાઉદી અરેબિયા અને કુવૈતથી આવતો સપ્લાય અટકી ગયો છે.
- વીમાના દરોમાં ઉછાળો: દરિયાઈ માર્ગે ઓઇલ લાવતા જહાજોના વીમાના પ્રીમિયમ $૩૦,૦૦૦થી વધીને $૪,૦૦,૦૦૦ સુધી પહોંચી ગયા છે. આ ખર્ચ પાકિસ્તાન માટે વહન કરવો અશક્ય બની રહ્યો છે.
Pakistan on Brink of Collapse: ‘કોવિડ કાળ’ જેવી સ્થિતિ: ઇંધણ બચાવવા માસ્ટર પ્લાન
શાહબાઝ શરીફ સરકાર ઇંધણનો વપરાશ ઘટાડવા માટે આકરા નિર્ણયો લેવાની તૈયારીમાં છે:
- ઓનલાઇન શિક્ષણ: શાળાઓ અને કોલેજો બંધ કરી શિક્ષણને ફરી ઓનલાઇન મોડ પર લઈ જઈ શકાય છે.
- વર્ક ફ્રોમ હોમ: સરકારી અને ખાનગી ઓફિસોમાં કર્મચારીઓને ઘરેથી કામ આપવાની યોજના છે જેથી વાહનોનો વપરાશ ઘટે.
- ટ્રાફિક નિયંત્રણ: બિનજરૂરી અવરજવર પર પ્રતિબંધ મૂકવાની પણ વિચારણા ચાલી રહી છે.
Pakistan on Brink of Collapse: અર્થતંત્ર પર મોટો ખતરો
પહેલેથી જ દેવાના ડુંગર નીચે દબાયેલા પાકિસ્તાન માટે આ ઉર્જા સંકટ ‘દુકાળમાં અધિક માસ’ જેવું સાબિત થશે. જો આગામી એક અઠવાડિયામાં સપ્લાય ચેઈન શરૂ નહીં થાય, તો પાકિસ્તાનમાં ટ્રાન્સપોર્ટ અને વીજળી વ્યવસ્થા સંપૂર્ણપણે ઠપ્પ થઈ શકે છે, જે મોંઘવારીને આસમાને પહોંચાડશે.
વધુ સમાચાર વાંચવા માટે અંહી ક્લિક કરો
