Surat DCP Rajdipsinh Nakum in Deep Trouble:સુરત શહેરમાં હત્યાના પ્રયાસના આરોપીઓને જાહેરમાં ઢોર માર મારીને કાયદો હાથમાં લેનાર વિવાદાસ્પદ IPS અધિકારી અને DCP રાજદીપસિંહ નકુમની મુશ્કેલીઓમાં ભારે વધારો થયો છે. વકીલની ગંભીર રજૂઆત બાદ ગુજરાત હાઈકોર્ટે આ મામલે સુઓમોટો (Suo Motu) સંજ્ઞાન લઈને કાનૂની કાર્યવાહી શરૂ કરી દીધી છે, જેના કારણે હવે તેમની સામે સસ્પેન્શનની તલવાર લટકી રહી છે.
Surat DCP Rajdipsinh Nakum in Deep Trouble: ઘટનાની પૃષ્ઠભૂમિ: શું બન્યું હતું 13 જુલાઈએ?
સુરતના સલાબતપુરા વિસ્તારમાં હત્યાના પ્રયાસના એક કેસમાં પોલીસે પાંચ આરોપીઓની ધરપકડ કરી હતી. આ દરમિયાન ઝોનના મૂળ ડીસીપી રજા પર હોવાથી તેનો વધારાનો ચાર્જ IPS રાજદીપસિંહ નકુમને સોંપવામાં આવ્યો હતો.
ચાર્જ સંભાળતાની સાથે જ DCP નકુમે SOG ટીમની મદદથી 13 જુલાઈએ આ પાંચેય આરોપીઓનું જાહેરમાં સરઘસ કાઢ્યું હતું. આ સરઘસ દરમિયાન કાયદાની તમામ મર્યાદાઓ વટાવીને:
- આરોપીઓના વાળ પકડીને જાહેરમાં લાફા અને લાકડીઓ ફટકારવામાં આવી હતી.
- થોડે-થોડે અંતરે આરોપીઓને ઊભા રાખીને DCP નકુમ દ્વારા 25થી વધુ લાકડીના ઘા કરવામાં આવ્યા હતા.
- પોલીસ સ્ટાફે આરોપીઓને પકડી રાખ્યા હતા અને ડીસીપીએ જાહેરમાં દંડા ફટકાર્યા હતા, જેના કારણે આરોપીઓ લંગડાતા ચાલતા નજરે પડ્યા હતા.
સુરતના નાસીરનગર ડિમોલિશન વખતે પણ DCP નકુમની ઉપસ્થિતિ વિવાદોમાં રહી હતી.
Surat DCP Rajdipsinh Nakum in Deep Trouble: હાઈકોર્ટે ‘સુઓમોટો’ કેમ લીધું? એડવોકેટ ઉત્કર્ષ દવેની રજૂઆત
આ અમાનવીય અને ગેરકાયદેસર કૃત્યને ધ્યાને લઈને ગત 15 જુલાઈએ ગુજરાત હાઇકોર્ટના વરિષ્ઠ વકીલ ઉત્કર્ષ દવે દ્વારા ચીફ જસ્ટિસને એક મહત્વપૂર્ણ પત્ર લખવામાં આવ્યો હતો.
- પત્રમાં જણાવવામાં આવ્યું હતું કે ઉચ્ચ પોલીસ અધિકારીઓનું આ બેફામ વર્તન કાયદાના શાસન અને બંધારણીય લોકશાહી પર કાળો ધબ્બો છે.
- આ ઘટના ભારતીય બંધારણની કલમ 14 (સમાનતાનો અધિકાર) અને કલમ 21 (જીવવાનો અને વ્યક્તિગત સ્વતંત્રતાનો અધિકાર)નું ઘોર ઉલ્લંઘન દર્શાવે છે.
- અદાલતી ટ્રાયલ પૂર્ણ થાય તે પહેલાં કોઈપણ આરોપીને સજા કરવાનો કે જાહેરમાં અપમાનિત કરવાનો કોઈ કાનૂની અધિકાર પોલીસને નથી.
વકીલની આ સચોટ રજૂઆત બાદ હાઈકોર્ટે આ કેસને ગંભીરતાથી લઈને સુઓમોટો કાર્યવાહી શરૂ કરી છે.
Surat DCP Rajdipsinh Nakum in Deep Trouble: નિયમો અને અગાઉના ચુકાદાઓનો ખુલ્લેઆમ ભંગ
આ ઘટનાએ ફરી એકવાર સાબિત કરી દીધું છે કે પોલીસતંત્ર ઉચ્ચ અદાલતોના આદેશોની કઈ રીતે અવગણના કરે છે:
- ડીજીપીનો પરિપત્ર: તત્કાલીન ઈન્ચાર્જ ડીજીપી ડો. કે.એલ.એન. રાવ દ્વારા સ્પષ્ટ આદેશ આપવામાં આવ્યો હતો કે કોઈપણ આરોપીનું જાહેરમાં સરઘસ કાઢી શકાશે નહીં કે લાકડીથી ફટકારી શકાશે નહીં.
- ખેડા ફ્લોગિંગ કેસ (2022): ઉંઢેલા ગામના પથ્થરમારા કેસમાં હાઈકોર્ટે 4 પોલીસકર્મીઓને કોર્ટના તિરસ્કાર બદલ 14 દિવસની જેલની સજા ફટકારી હતી. આ ચુકાદા છતાં સુરત પોલીસે કોઈ બોધપાઠ લીધો નથી.
- ઐતિહાસિક ચુકાદાઓ: સુપ્રીમ કોર્ટના ‘ડી.કે. બાસુ કેસ (1997)’ અને ‘પ્રકાશ સિંહ કેસ’ ની ગાઇડલાઇન્સ મુજબ કસ્ટોડિયલ હિંસા ગંભીર ગુનો બને છે.
પોલીસ સ્ટાફ અને સરકાર પર નજર
આ કેસમાં માત્ર IPS રાજદીપસિંહ નકુમ જ નહીં, પરંતુ તેમની સાથે રહીને આ કૃત્યમાં સાથ આપનાર નીચલા સ્તરના પોલીસ કર્મચારીઓ સામે પણ મોટી કાનૂની કાર્યવાહી અને ખાતાકીય તપાસનું સંકટ તોળાઈ રહ્યું છે.
હાઈકોર્ટના કડક વલણને કારણે હવે રાજ્ય સરકારના ગૃહ વિભાગ દ્વારા આ અધિકારી સામે શું કડક પગલાં લેવામાં આવે છે અને સસ્પેન્શનની કાર્યવાહી ક્યારે થાય છે, તેના પર સમગ્ર રાજ્યની નજર છે.
વધુ સમાચાર વાંચવા માટે અંહી ક્લિક કરો: તાપી જિલ્લામાં મેઘરાજાનું જોર: વ્યારામાંથી પસાર થતી મીંઢોળા નદી બે કાંઠે વહેતી થઈ, મનકામેશ્વર મંદિરનો માર્ગ બંધ
