Numerology : નવું વર્ષ ૨૦૨૪ દરવાજે આવીને ઉભું છે, નવાવર્ષને વધાવવા લોકો આતુર થઈને બેઠા છે ત્યારે જે રીતે જ્યોતિષશાસ્ત્રમાં રાશિ મુજબ ભવિષ્યનો અનુમાન કરી શકાય છે. તેવી જ રીતે અંકશાસ્ત્રથી પણ મૂલાંક દ્રારા કરી શકાય છે. ત્યારે હવે નવું વર્ષ આવી રહ્યું છે ત્યારે તમારૂ અંક જ્યોતિષ (Numerology) શું કહે છે કે તમારું નવું વર્ષ કેવું રહેશે ? તો આવો 1થી 9 મૂલાંકનું આગામી વર્ષ 2024 કેવુ જશે જાણીએ.
મૂલાંક -1 ( જન્મ તારીખ- 1, 19, 28) Numerology
સૌ પ્રથમ મૂલાંક 1ની વાત કરીએ જો આપનો જન્મ 1, 19 અથવા 28 તારીખે થયો છે તો આપનો મૂલાંક 1 છે. આવનારું વર્ષ 2024 આ મૂલાંકના લોકો માટે શુભ રહેશે, તમને જીવનના તમામ ક્ષેત્રોમાં સારી તકો મળશે. આગામી વર્ષ તમારા માટે નોકરી, વ્યવસાય, શિક્ષણ, પરિવાર, પ્રેમ અને અન્ય તમામ બાબતોમાં ખૂબ જ શુભ રહેશે.
મૂલાંક -2 ( જન્મ તારીખ- 2,11,29)Numerology
જો આપનો જન્મ કોઇપણ મહિનાની 2, 11 કે 29 તારીખે થયો છે તો આપનો મૂલાંક 2 છે. આગામી વર્ષ 2 મૂલાંકના લોકો માટે ચઢાવ ઉતાર ભર્યું રહેશે,.નોકરી અને વ્યપારમાં સારા નરસા બંને પરિણામ ભોગવવા તૈયાર રહેવું પડશે.
મૂલાંક -3 ( જન્મ તારીખ – 3, 12, 30) Numerology
જો આપનો જન્મ કોઇપણ મહિનાની 3, 12, 30 તારીખે થયો હોય તો આપની મૂલાંક 3 છે. મૂલાંક 3 ખૂબ જ મહત્વપૂર્ણ છે. તેનો પ્રતિનિધિ ગ્રહ ગુરુ છે. આવી સ્થિતિમાં, મૂલાંક નંબર 3 વાળા લોકો ખૂબ જ હિંમતવાન, મજબૂત અને મહેનતુ હોય છે. તેઓ સમસ્યાઓનો સામનો કરીને ક્યારેય હાર માનતા નથી. આવનારું વર્ષ 2024 મૂળાંક 3 વાળા લોકો માટે પણ સારું સાબિત થવાનું છે.
મૂલાંક -4 (જન્મ તારીખ – 4, 13, 22) Numerology
મૂલાંક 4નો અધિપતિ ગ્રહ રાહુ છે. તેમને બોલ્ડ જીવન જીવવું ગમે છે. વર્ષ 2024માં તેમની આર્થિક સ્થિતિમાં સુધારો થવાની સંભાવના છે. 2024 નો સરવાળો 8 છે અને 8 એ શનિની સંખ્યા છે. તેથી આગામી વર્ષમાં તમે જેટલી મહેનત કરશો, તેટલા સારા પરિણામો તમને મળશે.
મૂલાંક -5 (જન્મ તારીખ – 5, 14, 23) Numerology
અંકશાસ્ત્ર મુજબ, મૂલાંક નંબર 5 નો પ્રતિનિધિ ગ્રહ બુધ છે. બુધને બુદ્ધિનો કારક માનવામાં આવે છે, તેથી મૂલાંક નંબર 5 વાળા લોકો ખૂબ જ બુદ્ધિશાળી હોય છે. અંકશાસ્ત્ર અનુસાર 5 નંબર વાળા લોકો માટે વર્ષ 2024 ખૂબ જ પ્રોત્સાહક રહેશે. નવા વર્ષમાં તેમને ઘણી નવી તકો પણ મળશે. જો કે, તમારે તમારા સ્વાસ્થ્ય વિશે સાવચેત રહેવાની જરૂર પડશે.
મૂલાંક -6(જન્મ તારીખ –6, 15, 24) Numerology
અંકશાસ્ત્ર અનુસાર, મૂળ નંબર 6 નો પ્રતિનિધિ ગ્રહ શુક્ર છે. શુક્રને વૈભવી ગ્રહ માનવામાં આવે છે, તેથી 6 નંબરના લોકો ફેશનેબલ, કલા પ્રેમી અને સંગીત અને નૃત્ય પારંગત હોય છે. 6 નંબર વાળા લોકો માટે વર્ષ 2024 ખૂબ જ પ્રોત્સાહક રહેશે. તેઓ આ નવા વર્ષમાં પોતાના માટે મોટી કાર જેવી મોંઘી વસ્તુઓ પણ ખરીદી શકે છે.
મૂલાંક – 7 ( જન્મ તારીખ 7, 16, 25 ) Numerology
મૂલાંક નંબર 7 વાળા લોકો વર્ષ 2024માં આર્થિક સમૃદ્ધિ હાંસલ કરે તેવી શક્યતા છે, જોકે તેમણે પોતાના ખર્ચાઓ પર નિયંત્રણ રાખવું પડશે. આ વર્ષે 7 નંબરના લોકોએ પોતાના સંબંધોમાં ઊંડાણપૂર્વક અને સમજદારીથી કામ કરવું પડશે. તમારી નાની ભૂલ તમારા સંબંધોમાં અંતરનું કારણ બની શકે છે. 7મા નંબર વાળા લોકો માટે વર્ષ 2024 કારકિર્દીની દ્રષ્ટિએ સફળ રહેવાની સંભાવના છે. તમને તમારી પસંદગીની નોકરી મળી શકે છે, અને જેઓ પહેલાથી નોકરી કરે છે તેમના માટે પ્રમોશનની તકો છે.
મૂલાંક – 8 (( જન્મ તારીખ 8, 17, 26 ) Numerology
અંકશાસ્ત્ર અનુસાર, મૂલાંક 8 નો પ્રતિનિધિ ગ્રહ શનિ છે. 8 મૂલાંક વાળા લોકો આધ્યાત્મિક હોય છે. તેઓને ભૌતિકવાદી પણ ગણવામાં આવે છે, પરંતુ તેઓ એ પણ જાણે છે કે બંને વચ્ચે સંતુલન કેવી રીતે જાળવવું. તેઓ ખૂબ જ મહત્વાકાંક્ષી હોય છે અને તેથી જ તેમની નજર માત્ર સફળતા પર જ હોય છે. જો કે, તેઓ દાન કરવામાં પણ આગળ છે. 2024 તેમના માટે સારું વર્ષ રહેવાનું છે, કારણ કે 2024નો સરવાળો પણ 8 છે.
મૂલાંક – 9 ( જન્મ તારીખ 9, 18, 27 ) Numerology
વર્ષ 2024 નંબર 9 માટે સફળતાનું વર્ષ બની શકે છે. નોકરીયાત લોકો માટે પણ સમય સારો રહેશે. કામમાં તમને પ્રતિષ્ઠા મળશે. જો કે, નાણાકીય દૃષ્ટિકોણથી, તમારે થોડી સાવધ રહેવાની જરૂર પડી શકે છે.
આશા રાખીએ તમારું નવું વર્ષ શુભ ફળદાયી રહે.
તમે આ પણ વાંચી શકો છો
Feng Shui Mirror : ખરાબ શક્તિઓને ઘરમાં આવતા રોકશે આ એક વસ્તુ
ayodhya : 11 જાન્યુઆરીથી અમદાવાદથી સીધા અયોધ્યા ફ્લાઈટ , બુકિંગ શરુ
