Market Recovery: ગયા અઠવાડિયે શુક્રવારના ભારે ઘટાડા બાદ, આ સપ્તાહના પ્રથમ કારોબારી દિવસે એટલે કે સોમવારે ભારતીય શેરબજારમાં ફરી તેજીનો કરંટ જોવા મળ્યો છે. સપ્તાહની શરૂઆત ગ્રીન સિગ્નલ સાથે થતાં રોકાણકારોમાં ઉત્સાહ જોવા મળ્યો હતો. આજના કારોબારના અંતે બોમ્બે સ્ટોક એક્સચેન્જનો મુખ્ય ઇન્ડેક્સ સેન્સેક્સ (Sensex) ૨૯૧ પોઈન્ટના વધારા સાથે ૭૭,૦૯૪ ના સ્તરે બંધ રહ્યો હતો.
બીજી તરફ, નેશનલ સ્ટોક એક્સચેન્જનો ઇન્ડેક્સ નિફ્ટી (Nifty) પણ ૮૯ પોઈન્ટના ઉછાળા સાથે ૨૪,૧૦૨ ની મહત્વપૂર્ણ સપાટી વટાવીને બંધ થયો હતો. આજના બજારમાં ખાસ કરીને મીડિયા અને ફાર્મા સેક્ટરના શેરોમાં સૌથી વધુ લેવાલી (ખરીદી) જોવા મળી હતી, જેને કારણે બજારને મોટો સપોર્ટ મળ્યો હતો.
Market Recovery: શુક્રવારના ઘટાડા બાદ બજારે રિકવરી કરી
ઉલ્લેખનીય છે કે, ગયા અઠવાડિયાના છેલ્લા કારોબારી દિવસે એટલે કે શુક્રવારે બજારમાં મોટો કડાકો બોલાયો હતો. શુક્રવારે સેન્સેક્સ લગભગ ૬૦૭ પોઈન્ટ ઘટીને ૭૬,૮૦૨ પર અને નિફ્ટી ૧૫૪ પોઈન્ટ ઘટીને ૨૪,૦૧૩ ના સ્તરે બંધ થયો હતો. જોકે, સોમવારે માર્કેટે શાનદાર વાપસી કરીને નુકસાની મોટેભાગે સરભર કરી લીધી છે.
Market Recovery: એશિયન બજારોમાં મિશ્ર માહોલ
ભારતીય બજાર ઉપરાંત એશિયાના અન્ય પ્રમુખ શેરબજારોમાં આજે મિશ્ર વલણ જોવા મળ્યું હતું. જાપાન અને સાઉથ કોરિયાના બજારમાં તેજી રહી હતી, જ્યારે હોંગકોંગનું બજાર ઘટાડા સાથે બંધ થયું હતું.
| ઇન્ડેક્સ | દેશ | લેવલ | પોઇન્ટ ચેન્જ | ટકાવારી ચેન્જ |
| કોસ્પી (Kospi) | સાઉથ કોરિયા | ૯,૧૧૫ | +૬૨ | +૦.૬૯% |
| નિક્કેઈ (Nikkei) | જાપાન | ૭૨,૩૫૪ | +૧,૧૦૪ | +૧.૫૫% |
| હેંગસેંગ (Hang Seng) | હોંગકોંગ | ૨૩,૭૬૯ | -૧૫૬ | -૦.૬૫% |
Market Recovery: અમેરિકી બજારમાં પણ અગાઉ તેજી નોંધાઈ હતી
ગુરુવારે અમેરિકી શેરબજારો મજબૂતી સાથે બંધ રહ્યા હતા, જેની હકારાત્મક અસર પણ વૈશ્વિક બજારો પર વર્તાઈ રહી છે.
| ઇન્ડેક્સ | લેવલ | પોઇન્ટ ચેન્જ | ટકાવારી ચેન્જ |
| ડાઉ જોન્સ | ૫૧,૫૬૫ | +૭૨ | +૦.૧૪% |
| નાસ્ડેક | ૨૬,૫૧૮ | +૪૯૬ | +૧.૯૧% |
| S&P 500 | ૭,૫૦૧ | +૮૦ | +૧.૦૮% |
Market Recovery: FII અને DII ના ખરીદ-વેચાણના આંકડા (ચોખ્ખું રોકાણ)
વિદેશી સંસ્થાકીય રોકાણકારો (FII) એ શુક્રવારે બજારમાં મોટી ખરીદી કરી હતી, જેણે આજના બજારના સેન્ટિમેન્ટને બૂસ્ટ આપ્યું છે.
નોંધ: નીચે આપેલા તમામ આંકડા કરોડ રૂપિયામાં છે.
| કેટેગરી | તાજેતરના (શુક્રવાર) | છેલ્લા ૮ દિવસ | છેલ્લા ૩૦ દિવસ |
| DII (સ્થાનિક રોકાણકારો) | -૧,૧૬૦ | +૩,૯૧૯ | +૯૦,૮૫૯ |
| FII/FPI (વિદેશી રોકાણકારો) | +૪,૮૫૯ | +૩,૧૮૬ | -૬૬,૭૭૯ |
તજજ્ઞોના મતે, વિદેશી રોકાણકારો (FII) ની ૪,૮૫૯ કરોડ રૂપિયાની નવી ખરીદી અને સ્થાનિક સ્તરે ફાર્મા-મીડિયા શેર્સમાં આવેલી તેજીના કારણે સોમવારે ભારતીય બજારે ફરી પોતાની મજબૂત પકડ સાબિત કરી છે.
વધુ સમાચાર વાંચવા માટે અંહી ક્લિક કરો: ગોંડલમાં ચારિત્ર્યની શંકા રાખી પતિએ જ પત્નીને પતાવી દીધી, જીવ બચાવવા દોડેલી મહિલાને બાજુની વાડીમાં આંતરી ક્રૂર હત્યા
