GPRB Announces Exam Date: ગુજરાત પોલીસ ભરતી બોર્ડ (GPRB) દ્વારા ટેકનિકલ કેડરની વિવિધ જગ્યાઓ માટે સરકારી નોકરીની તૈયારી કરતા ઉમેદવારો માટે એક મહત્વના સમાચાર સામે આવ્યા છે. જાહેરાત ક્રમાંક GPRB/202526 (2, 3, 4) હેઠળ યોજાનારી ટેકનિકલ સંવર્ગની ૯૫૦ જગ્યાઓ માટેની લેખિત પરીક્ષાની તારીખ જાહેર કરી દેવામાં આવી છે. આ તમામ મહત્વની જગ્યાઓ માટેની મુખ્ય લેખિત પરીક્ષા આગામી ૨૩ ઓગસ્ટ, ૨૦૨૬ (રવિવાર) ના રોજ યોજાશે. તારીખ જાહેર થતાં જ હજારો ઉમેદવારોની તૈયારીઓ હવે અંતિમ તબક્કામાં પહોંચી ગઈ છે.
GPRB Announces Exam Date: કઈ કેડરમાં કેટલી જગ્યાઓ પર થશે ભરતી?
આ ભરતી પ્રક્રિયા અંતર્ગત ટેકનિકલ ક્ષેત્રના કુલ ૯૫૦ પદો ભરવામાં આવશે, જેમાં મુખ્યત્વે નીચે મુજબની જગ્યાઓનો સમાવેશ થાય છે:
- પોલીસ સબ ઇન્સ્પેક્ટર – PSI (વાયરલેસ): ૧૭૨ જગ્યાઓ
- ટેકનિકલ ઓપરેટર: ૬૯૮ જગ્યાઓ
- હેડ કોન્સ્ટેબલ ડ્રાઇવર મિકેનિક (ગ્રેડ-૧): ૪૫ જગ્યાઓ
GPRB Announces Exam Date: જાન્યુઆરીમાં ભરાયા હતા ફોર્મ, ૨૧ જૂને લેવાઈ હતી પ્રિલિમ
ઉલ્લેખનીય છે કે, આ આકર્ષક જગ્યાઓ માટે જાન્યુઆરી ૨૦૨૬ના મહિનામાં ઓનલાઈન અરજીઓ મંગાવવામાં આવી હતી. જેમાં ઇલેક્ટ્રોનિક્સ, કોમ્યુનિકેશન, આઇટી, કોમ્પ્યુટર સાયન્સ, ઓટોમોબાઈલ અને મિકેનિકલ એન્જિનિયરિંગની ડિગ્રી કે ડિપ્લોમા ધરાવતા હજારો લાયક ઉમેદવારોએ ફોર્મ ભર્યા હતા. આ તમામ ઉમેદવારો માટે ગત ૨૧ જૂન, ૨૦૨૬ના રોજ પ્રિલિમિનરી પરીક્ષા યોજાઈ હતી, અને હવે તેના આગામી ચરણ તરીકે ૨૩ ઓગસ્ટે મુખ્ય લેખિત પરીક્ષા લેવામાં આવશે.
GPRB Announces Exam Date: એડમિટ કાર્ડ ટૂંક સમયમાં થશે જાહેર
પરીક્ષાની તારીખ જાહેર થવાની સાથે જ પોલીસ ભરતી બોર્ડ આગામી દિવસોમાં ઉમેદવારો માટેના એડમિટ કાર્ડ (કોલ લેટર), પરીક્ષા કેન્દ્રોની યાદી અને સમય સહિતની વિગતવાર માહિતી સત્તાવાર વેબસાઇટ પર અપલોડ કરશે. બોર્ડ દ્વારા ઉમેદવારોને કોઈપણ અફવાઓથી દૂર રહીને માત્ર સત્તાવાર સૂચનાઓ પર જ નજર રાખવાની સલાહ આપવામાં આવી છે.
વધુ સમાચાર વાંચવા માટે અંહી ક્લિક કરો: ‘સુનતે હો ના બિનોદ… કામ બોલતા હૈ’: સાણંદમાં CG સેમિ. પ્લાન્ટનું પીએમ મોદીના હસ્તે ઉદ્ઘાટન, વર્ષે બનશે ૫ અબજ ચિપ્સ
