Terrifying Cockpit Audio Emerges: અમેરિકાના ફ્લોરિડા રાજ્યમાં એક ભયાનક વિમાન દુર્ઘટનાએ સમગ્ર વિસ્તારમાં ખળભળાટ મચાવી દીધો છે. પામ બીચ કાઉન્ટીના રહેણાક વિસ્તારમાં લિયરજેટ 60 (Learjet 60) પ્રાઇવેટ જેટ ક્રેશ થતાં તેમાં સવાર તમામ 9 લોકોનાં મો* થયાં છે. આ વિમાન ટેક્સાસના ઑસ્ટિનથી બહામાસ જઈ રહ્યું હતું. 1 નવેમ્બર, 2026ના રોજ બપોરે આશરે 12:50 વાગ્યે આ દુર્ઘટના બની હતી. અમેરિકાના ફેડરલ એવિએશન એડમિનિસ્ટ્રેશન (FAA) અને પરિવહન વિભાગના અધિકારીઓએ અકસ્માતની પુષ્ટિ કરી છે.
Terrifying Cockpit Audio Emerges: ટ્રમ્પના માર-એ-લાગો નિવાસસ્થાન નજીક અકસ્માત
આ દુર્ઘટના ફ્લોરિડાના પામ બીચ કાઉન્ટીના ક્રેસ્ટહેવન અને ગ્રીનએકર્સ વિસ્તાર નજીક બની હતી. આ વિસ્તાર અમેરિકાના રાષ્ટ્રપતિ ડોનાલ્ડ ટ્રમ્પના માર-એ-લાગો નિવાસસ્થાનથી પણ નજીક આવેલો છે. અકસ્માત સમયે વિમાન રહેણાક વિસ્તાર નજીકના રસ્તા પર તૂટી પડ્યું હતું. ટક્કર એટલી ભયાનક હતી કે વિમાનમાં આગ લાગી ગઈ હતી અને આસપાસના વિસ્તારમાં કાળો ધુમાડો ફેલાઈ ગયો હતો. અકસ્માત બાદ રસ્તા પર મોટો ખાડો પડી ગયો હતો અને આસપાસના મકાનો સુધી કાટમાળ ફેલાયો હતો. સ્થાનિક તંત્રએ સુરક્ષાના ભાગરૂપે આસપાસના વિસ્તારના આશરે 600 લોકોને સ્થળાંતરિત કર્યા હતા.
Terrifying Cockpit Audio Emerges: પાયલટની છેલ્લી વાતચીતથી કંટ્રોલ રૂમમાં ચિંતા
આ દુર્ઘટનામાં સૌથી ચિંતાજનક બાબત વિમાનના પાયલટ અને એર ટ્રાફિક કંટ્રોલ વચ્ચે થયેલી છેલ્લી રેડિયો વાતચીત છે. અહેવાલો અનુસાર, અકસ્માત પહેલાં પાયલટે વિમાન પર બરફ જામી રહ્યો હોવાની અને મધ્યમ સ્તરની ટર્બ્યુલન્સની જાણ કરી હતી. પાયલટે હવામાનની સ્થિતિને ધ્યાનમાં રાખીને વધુ અનુકૂળ ઊંચાઈએ જવાની પણ વિનંતી કરી હતી.
ત્યારબાદ અચાનક વિમાનની સ્થિતિ બગડવા લાગી હતી. પાયલટે એર ટ્રાફિક કંટ્રોલને જણાવ્યું હતું કે વિમાન ઝડપથી નીચે જઈ રહ્યું છે અને તે ઓવરસ્પીડની સ્થિતિમાં છે. રેડિયો સંદેશમાં પાયલટે ‘મે ડે’ કહીને ઇમરજન્સી જાહેર કરી હતી. ત્યારબાદ વિમાન પ્રતિ મિનિટ હજારો ફૂટની ઝડપે નીચે જવા લાગ્યું હતું. ફ્લાઇટ ટ્રેકિંગ ડેટામાં પણ વિમાનના અત્યંત ઝડપી અવરોહણની વિગતો સામે આવી છે.
Terrifying Cockpit Audio Emerges: ‘અમે જમીન સાથે અથડાવાના છીએ’
એર ટ્રાફિક કંટ્રોલ સાથેની વાતચીત દરમિયાન પાયલટે વિમાન પર ફરીથી નિયંત્રણ મેળવવાનો પ્રયાસ કર્યો હતો. કંટ્રોલ રૂમમાંથી પાયલટને આશ્વાસન આપવામાં આવી રહ્યું હતું અને કોઈપણ જરૂરી ઊંચાઈ પસંદ કરવાની છૂટ આપવામાં આવી હતી. જોકે, વિમાનની સ્થિતિ સતત ગંભીર બની રહી હતી.
પાયલટે ‘અમે જમીન સાથે અથડાવાના છીએ’ એવો સંદેશ આપ્યો હતો. ત્યારબાદ કોકપિટમાંથી ગભરાટભર્યા અવાજો સંભળાયા હતા. રિપોર્ટમાં નોંધાયેલા અંતિમ સંદેશમાં ‘હે ભગવાન, હવે અમારી પાસે સમય નથી’ જેવા શબ્દો સંભળાયા હોવાનું જણાવાયું છે. થોડી જ ક્ષણોમાં રેડિયો સંપર્ક તૂટી ગયો હતો અને વિમાન જમીન સાથે અથડાયું હતું.
Terrifying Cockpit Audio Emerges: તપાસમાં સામે આવશે અકસ્માતનું સાચું કારણ
અમેરિકાના પરિવહન સચિવ શોન ડફીએ આ દુર્ઘટનાને અત્યંત દુઃખદ ગણાવી હતી. FAA અને નેશનલ ટ્રાન્સપોર્ટેશન સેફ્ટી બોર્ડ (NTSB) દ્વારા તપાસ શરૂ કરવામાં આવી છે. તપાસ એજન્સીઓ વિમાનના ફ્લાઇટ ડેટા, હવામાનની સ્થિતિ, પાયલટની વાતચીત અને ટેક્નિકલ પાસાઓની તપાસ કરશે.
પ્રાથમિક અહેવાલોમાં વિમાન પર બરફ જમવો, વરસાદ અને ટર્બ્યુલન્સ જેવી પરિસ્થિતિઓનો ઉલ્લેખ થયો છે. જોકે, આ પરિબળો જ અકસ્માતનું કારણ બન્યાં હતાં કે કેમ તે અંગે હજુ સત્તાવાર નિષ્કર્ષ આવ્યો નથી. તપાસ પૂર્ણ થયા બાદ જ આ ભયાનક દુર્ઘટનાનું ચોક્કસ કારણ જાણી શકાશે
વધુ સમાચાર વાંચવા માટે અંહી ક્લિક કરો: પાંચમી T20માં ભારતની હાર છતાં 3-2થી સિરીઝ જીતી: ન્યૂઝીલેન્ડે 7 વિકેટે હરાવ્યું, સેફર્ટની 93 રનની ધમાકેદાર ઇનિંગ્સ
