Manjalpur Assembly By-Election:વડોદરા શહેરમાં રાજકીય સરગરમીઓ વચ્ચે આજે માંજલપુર વિધાનસભા બેઠકની પેટાચૂંટણી માટેનું પ્રશાસનિક આયોજન આખરી તબક્કામાં પહોંચી ગયું છે. માંજલપુર બેઠક પર યોજાનારી આ મહત્વપૂર્ણ પેટાચૂંટણીને લઈને વહીવટી તંત્ર દ્વારા તમામ તૈયારીઓ પૂર્ણ કરી લેવામાં આવી છે અને આવતીકાલે સવારથી મતદાન પ્રક્રિયાનો પ્રારંભ થશે. મતદાન શાંતિપૂર્ણ અને ન્યાયી વાતાવરણમાં સંપન્ન થાય તે માટે ચૂંટણી પંચ અને જિલ્લા વહીવટી તંત્ર દ્વારા ચુસ્ત બંદોબસ્ત તેમજ વ્યવસ્થાઓ ગોઠવવામાં આવી છે.
Manjalpur Assembly By-Election:મતદાન સામગ્રીનું વિતરણ અને સુરક્ષિત રવાના
આવતીકાલે યોજાનાર મતદાન પહેલાં ચૂંટણી પ્રક્રિયામાં રોકાયેલા તમામ અધિકારીઓ અને પોલિંગ સ્ટાફને EVM (ઈલેક્ટ્રોનિક વોટિંગ મશીન), VVPAT અને અન્ય જરૂરી ચૂંટણી સામગ્રીનું વિતરણ સઘન સુરક્ષા વચ્ચે કરવામાં આવ્યું છે. ચૂંટણી સામગ્રી મેળવ્યા બાદ પોલિંગ સ્ટાફના કર્મચારીઓ પોલીસ બંદોબસ્ત સાથે નિર્ધારિત કરેલા 28 રૂટ પર પોતાના મતદાન મથકો તરફ રવાના થયા છે. આખી પ્રક્રિયામાં કોઈ પણ પ્રકારની અનિયમિતતા ન સર્જાય તે માટે ઉચ્ચ અધિકારીઓ સતત દેખરેખ રાખી રહ્યા છે.
Manjalpur Assembly By-Election:મતદારો અને મતદાન કેન્દ્રોની વિગત
આ પેટાચૂંટણીમાં માંજલપુર બેઠક પર કુલ 2,19,494 મતદારો પોતાના મતાધિકારનો ઉપયોગ કરશે, જેમાં પુરુષ અને મહિલા મતદારો ઉત્સાહભેર ભાગ લેશે. મતદારોને મતદાન કરવામાં કોઈ અગવડ ન પડે અને લાંબી લાહોરો ન થાય તે માટે ચૂંટણી પંચ દ્વારા સમગ્ર વિસ્તારમાં કુલ 260 મતદાન કેન્દ્રો તૈયાર કરવામાં આવ્યા છે. તમામ મતદાન કેન્દ્રો પર વીજળી, પાણી, દિવ્યાંગો માટે રેમ્પ અને વ્હીલચેર જેવી પ્રાથમિક સુવિધાઓ પણ ઉપલબ્ધ કરાવવામાં આવી છે.
Manjalpur Assembly By-Election:વહીવટી તંત્રની કડક નજર અને અપીલ
આ અંગે વડોદરા જિલ્લા કલેક્ટર અનિલ ધામેલિયાએ જણાવ્યું હતું કે, “માંજલપુર વિધાનસભા બેઠકની પેટાચૂંટણી નિષ્પક્ષ, મુક્ત અને ભયમુક્ત વાતાવરણમાં યોજાય તે માટે તંત્ર દ્વારા તમામ એડવાન્સ આયોજન કરી લેવામાં આવ્યું છે. સંવેદનશીલ કેન્દ્રો પર વધારાની સુરક્ષા ફોર્સ તૈનાત કરવામાં આવી છે અને કાયદો તથા વ્યવસ્થાની સ્થિતિ જાળવવા પોલીસ સતત પેટ્રોલિંગ કરી રહી છે.” કલેક્ટરે તમામ મતદારોને અપીલ કરી છે કે તેઓ લોકશાહીના આ મહાપર્વમાં ઉત્સાહભેર જોડાય અને પોતાના મતાધિકારનો અચૂક ઉપયોગ કરે.
આ પણ વાંચો :ધોલેરા નજીક ભયાનક અકસ્માત, કાર પલટી ખાતા આગ લાગતા પત્ની અને 1 વર્ષના પુત્રનું જીવતા સળગી જવાથી કરુણ મોત
