Dholera Car Crash Tragedy: અમદાવાદ જિલ્લાના ધોલેરા પંથકમાં ચાંદની હોટલ નજીક મંગળવારે સાંજે એક હૃદયદ્રાવક માર્ગ અકસ્માત સર્જાયો હતો. મૂળ ધોલેરાના ઓતરિયા ગામના અને હાલ સુરત ખાતે રહેતા કાકડિયા પરિવારની કાર અચાનક અકસ્માતનો ભોગ બન્યા બાદ પલટી મારી ગઈ હતી. પલટી ખાતાની સાથે જ કારમાં ભીષણ આગ ફાટી નીકળી હતી અને થોડી જ ક્ષણોમાં સમગ્ર વાહનને પોતાની ઝપેટમાં લઈ લીધું હતું.
આ ગોઝારા અકસ્માતમાં કારમાં સવાર જતીનભાઈ અને તેમના પિતા સવજીભાઈ સમયસર બહાર નીકળી જવામાં સફળ રહ્યા હતા, પરંતુ કારના દરવાજા જામ થઈ જવાના કારણે અથવા અન્ય કોઈ કારણસર જતીનભાઈની પત્ની અમીબેન અને તેમનો એક વર્ષનો માસૂમ પુત્ર ધનુષ અંદર જ ફસાઈ ગયા હતા. આગ એટલી ભયાનક હતી કે બંને મા-દીકરા કારની અંદર જ ભડથું થઈ ગયા હતા અને ઘટનાસ્થળે જ કમકમાટીભર્યા મોતને ભેટ્યા હતા.
Dholera Car Crash Tragedy: પતિનો હૈયુ ફાટી નાખે તેવો કલ્પાંત
આંખની સામે જ પત્ની અને ફૂલ જેવા માસૂમ પુત્રને આગમાં સળગતા જોઈને યુવાન પતિ જતીનભાઈ બેહાલ થઈ ગયા હતા. તેઓ રસ્તા પર ઉપસ્થિત લોકો સામે હાથ જોડીને આજીજી કરી રહ્યા હતા કે, “તમે કેટલા બધા લોકો છો, કારને સીધી કરી આપો…” પરંતુ આગની ભીષણતા એટલી વધુ હતી કે કોઈની પણ નજીક જવાની હિંમત ચાલી નહીં, અને પિતા નિકટ ઊભા રહીને લાચાર બનીને આ ભયાનક દ્રશ્ય જોતા રહ્યા.
Dholera Car Crash Tragedy: પ્રશાસનની કાર્યવાહી
ઘટનાની જાણ થતાં જ સ્થાનિક લોકો, પોલીસ તેમજ બચાવ ટીમ તાત્કાલિક ઘટનાસ્થળે દોડી આવી હતી. ફાયર અને બચાવ ટીમે ભારે જહેમત બાદ આગ પર કાબૂ મેળવ્યો હતો. પોલીસે મૃતકોના નશ્વર દેહને પોસ્ટમોર્ટમ અર્થે ખસેડીને સમગ્ર દુર્ઘટના પાછળના ચોક્કસ કારણો જાણવા માટે કાયદેસરની તપાસ હાથ ધરી છે.
વધુ સમાચાર વાંચવા માટે અંહી ક્લિક કરો
શેરબજારમાં સાધારણ નરમાઈ, અને નિફ્ટીમાં સામાન્ય ઘટાડો, ક્રૂડ ઓઈલ સસ્તું થયું
