Ahmedabad Crime Branch Success: ગુજરાત હાઈકોર્ટ દ્વારા જાહેર કરાયેલા કેસમાં છેલ્લા બે વર્ષથી કાયદાના હાથથી બચીને ભાગતા ફરતા મોસ્ટ વોન્ટેડ આરોપીને ઝડપી પાડવામાં અમદાવાદ શહેર ક્રાઇમ બ્રાન્ચને મોટી સફળતા મળી છે. ક્રાઇમ બ્રાન્ચે “ઓપરેશન કાયાપલટ-2” અંતર્ગત એક સફળ ઓપરેશન પાર પાડીને બે વર્ષથી ફરાર આરોપી અજમલ કેની સજન ભોગીને નરોડા રોડ વિસ્તારમાંથી દબોચી લીધો છે.
Ahmedabad Crime Branch Success: બાતમીના આધારે નરોડા રોડ પરથી ધરપકડ
અમદાવાદ ક્રાઇમ બ્રાન્ચની ટીમને ચોક્કસ અને ખાનગી રાહે બાતમી મળી હતી કે, ગુજરાત હાઇકોર્ટ દ્વારા વોન્ટેડ જાહેર કરાયેલો આરોપી અજમલ કેની અમદાવાદના નરોડા રોડ વિસ્તારમાં અવરજવર કરી રહ્યો છે. આ બાતમીના આધારે ક્રાઇમ બ્રાન્ચની ટીમે વોચ ગોઠવીને આરોપીને કોર્ડન કરી ઝડપી લીધો હતો.
Ahmedabad Crime Branch Success: પોતાની ઓળખ છુપાવીને અમદાવાદમાં રહેતો હતો
પોલીસની પ્રાથમિક તપાસમાં ચોંકાવનારો ખુલાસો થયો છે કે, આ ખુંખાર આરોપી છેલ્લા બે વર્ષથી પોલીસની પકડથી બચવા માટે અમદાવાદ શહેરમાં પોતાની અસલી ઓળખ છુપાવીને આશરો લઈ રહ્યો હતો. આરોપી અજમલ કેની સામે બનાસકાંઠા જિલ્લાના અલગ-અલગ પોલીસ સ્ટેશનોમાં હત્યાના પ્રયાસ (Attempt to Murder) સહિતના અનેક ગંભીર અને માથભારે ગુનાઓ નોંધાયેલા છે.
Ahmedabad Crime Branch Success: “ઓપરેશન કાયાપલટ-2” ઝુંબેશ યથાવત્
અમદાવાદ ક્રાઇમ બ્રાન્ચના જણાવ્યા અનુસાર, શહેરમાં કાયદો અને વ્યવસ્થા જાળવી રાખવા તેમજ નાસતા-ફરતા અને વોન્ટેડ ગુનેગારોને જેલના સળિયા પાછળ ધકેલવા માટે “ઓપરેશન કાયાપલટ-2” શરૂ કરવામાં આવ્યું છે. આ ઝુંબેશ હેઠળ આગામી દિવસોમાં પણ કડક કાર્યવાહી ચાલુ રહેશે. હાલ ક્રાઇમ બ્રાન્ચે આરોપી અજમલ કેનીની અટકાયત કરી વધુ કાનૂની કાર્યવાહી માટે બનાસકાંઠા પોલીસને સોંપવાની તજવીજ હાથ ધરી છે.
વધુ સમાચાર વાંચવા માટે અંહી ક્લિક કારો: બ્રેકિંગ ન્યૂઝ સુરતમાં અઢી કિલો જેટલા પ્રતિબંધિત ‘એમ્બરગ્રીસ’ સાથે ત્રણ આરોપીઓ દબોચાયા; DRIની ઊંડી તપાસ શરૂ.
