IPL 2026 Final: આજે ૩૧ મે, ૨૦૨૬ના રોજ અમદાવાદનું નરેન્દ્ર મોદી સ્ટેડિયમ એક ઐતિહાસિક પળનું સાક્ષી બનવા જઈ રહ્યું છે. આઈપીએલ ૨૦૨૬ (IPL 2026)ની ફાઈનલ મેચમાં હોમ ટીમ ગુજરાત ટાઈટન્સ (GT) અને રોયલ ચેલેન્જર્સ બેંગ્લોર (RCB) સામસામે છે. આ હાઈવોલ્ટેજ મેચને લઈને મોટેરા વિસ્તારમાં ક્રિકેટ પ્રેમીઓનું કીડીયારું ઉભરાયું છે અને આખું અમદાવાદ જાણે ક્રિકેટના રંગે રંગાઈ ગયું છે.
IPL 2026 Final: સેલેબ્સ અને VVIP મહેમાનોનું આગમન
આ મેગા ઈવેન્ટનો રોમાંચ માણવા માટે બોલિવૂડ કલાકારો વરૂણ ધવન, પૂજા હેગડે અને મૃણાલ ઠાકુર ખાસ અમદાવાદ આવી પહોંચ્યા છે. આ દરમિયાન સ્ટેડિયમની બહાર એક અનોખો નજારો જોવા મળ્યો જ્યારે BCCI સેક્રેટરી જય શાહ પોતાની પર્સનલ કારના બદલે સાદગી અપનાવીને સામાન્ય બસમાં બેસીને સ્ટેડિયમ તરફ રવાના થયા હતા. આ ઉપરાંત, વિરાટ કોહલીની ડાયહાર્ડ ફેન અને કન્નડ અભિનેત્રી-સિંગર નિમિકા રત્નાકર પણ સ્ટેડિયમમાં લાલ ટોપમાં RCBને સપોર્ટ કરવા હાજર રહી છે.
IPL 2026 Final: વિરાટનો હમશકલ અને RCBનો ‘રાવણ’
નરેન્દ્ર મોદી સ્ટેડિયમની બહાર ચાહકો અવનવા વેશ ધારણ કરીને પહોંચ્યા હતા. કિંગ કોહલી જેવો જ આબેહૂબ દેખાતો એક યુવક સ્ટેડિયમ બહાર આકર્ષણનું કેન્દ્ર બન્યો હતો, જેની સાથે સેલ્ફી લેવા ફેન્સે પડાપડી કરી હતી. બીજી તરફ, RCBનો એક ક્રેઝી ફેન પોતાના માથા પર ટીમ પરફોર્મન્સ અને ખેલાડીઓના ફોટોગ્રાફ્સ લગાવીને ‘રાવણ’ના અનોખા લુકમાં જોવા મળ્યો હતો, જે સોશિયલ મીડિયા પર વાયરલ થઈ રહ્યો છે.
IPL 2026 Final: ‘આવવા દે…’ વિરુદ્ધ ‘RCB… RCB…’
ગુજરાત ટાઇટન્સને પ્રોત્સાહિત કરવા માટે પ્રખ્યાત ક્રિકેટ ફેન અરુણ હરિયાણવી પણ સ્ટેડિયમ પહોંચ્યો હતો. સ્ટેડિયમના ગેટ નંબર ૧ ની બહાર GTના ચાહકોએ ‘આવવા દે… આવવા દે…’ના જોરદાર નારા લગાવ્યા હતા. રસપ્રદ વાત એ છે કે, સ્ટેડિયમમાં એવા પણ પરિવારો જોવા મળ્યા હતા જેમાં અડધા સભ્યો RCBના લાલ રંગમાં અને અડધા GTના બ્લુ રંગમાં સજ્જ થઈને એકબીજાની ટીમને ચિયર કરી રહ્યા હતા.
IPL 2026 Final: મેટ્રોમાં પગ મૂકવાની જગ્યા નહીં, કડક બંદોબસ્ત:
ફાઇનલ મેચના પગલે અમદાવાદ મેટ્રો ટ્રેનમાં ક્રિકેટ રસિકોની ભારે ભીડ જોવા મળી હતી. ટ્રેનમાં પગ મૂકવાની પણ જગ્યા ન હોવા છતાં લોકો ભારે ઉત્સાહમાં હતા. લાખોની જનમેદનીને નિયંત્રિત કરવા માટે પોલીસ દ્વારા સ્ટેડિયમની આસપાસ કડક સુરક્ષા બંદોબસ્ત ગોઠવવામાં આવ્યો છે.
IPL 2026 Final: દોઢ કલાકમાં ૪૫ હજાર ટિકિટો સાફ!
આ મેચનો ક્રેઝ એટલો છે કે સવારે ૧૦ વાગ્યે ઓનલાઈન ટિકિટોનું વેચાણ શરૂ થતાં જ માત્ર ૧.૫ કલાકમાં ૪૫,૦૦૦ જેટલી ટિકિટો વેચાઈ ગઈ હતી. શરૂઆતની દોઢ કલાકમાં જ ૩૦ ટકા ટિકિટો બુક થઈ ગઈ હતી, જે દર્શાવે છે કે આ ફાઇનલ જોવા માટે ફેન્સ કેટલા આતુર છે.
વધુ સમાચાર વાંચવા માટે અંહી ક્લિક કરો
