Veg Thali Price : મોંઘવારીએ આમ તો માઝા મૂકી છે, પરંતુ એક રીપોર્ટ એવો દાવો કરે છે કે ડીસેમ્બર માસમાં ગુજરાતી થાળી બનાવવા પાછળના ખર્ચની કિંમતમાં ૩ ટકા જેટલો ઓછો ખર્ચ થયો છે, એટલે કે તમારી ગુજરાતી થાળી સસ્તી થઇ છે. જોકે આજ રીપોર્ટમાં એવું પણ કહેવામાં આવ્યું છે કે આ જ વેજ થાળી પાછળ વર્ષ-2023નો અંદાજ નીકાળવામાં આવે તો ગુજરાતી થાળી 12 ટકા જેટલી મોંઘી બની છે. ડુંગળી અને ટામેટાની કિંમતોમાં ઘટાડા બાદ ડિસેમ્બરમાં શાકાહારી (વેજ) ભોજનની થાળીની કિંમતમાં 3% નો ઘટાડો નોંધાયો હતો.
Veg Thali Price : જાણો રિપોર્ટમાં શું થયો ખુલાસો
ક્રિસિલ માર્કેટ ઈન્ટેલિજન્સ એન્ડ એનાલિટિક્સ (MI&A) રિસર્ચના ‘રાઈસ રોટી રેટ’ના એક રિપોર્ટ અનુસાર ડિસેમ્બરમાં ઘરમાં બનેલી વેજ થાળીના ખર્ચમાં ક્રમશઃ 3% સુધીનો ઘટાડો આવ્યો છે. રીપોર્ટમાં જણાવામાં આવ્યું છે કે વેજ થાળીની કિંમતો ઘટવા પાછળનું મુખ્ય કારણ ડુંગળી અને ટામેટાં સસ્તાં થયા છે તે છે.
Veg Thali Price : એક થાળીએ કેટલાં ભાવ ઘટ્યાં
Veg Thali Price : જો ડિસેમ્બરની વાત કરવામાં આવે તો ડુંગળીના ભાવ 14% અને ટામેટાનાં ભાવ 3% ઘટ્યાં હતા. તહેવારી સિઝન અનુસાર ઘરના રસોડામાં વપરાતા આ શાકભાજીના ભાવ ઘટ્યાં છે.જેથી ઘરે થાળી તૈયાર કરવાના સરેરાશ ખર્ચની ગણતરીમાં આ મહત્વનો ભાગ ભજવે છે, આ રીપોર્ટ ઉત્તર, દક્ષિણ, પૂર્વ અને પશ્ચિમ ભારતમાં થાળી તૈયાર કરવાની કિંમતોના આધારે તૈયાર કરાય છે. આ સાથે થાળીની કિંમતમાં ફેરફાર અનાજ, દાળ, શાકભાજી, મસાલા, ખાદ્ય તેલ અને રસોઈ ગેસની કિંમતોના આધારે પણ થાય છે.
Veg Thali Price : વાર્ષિક આધારે વેજ થાળીની કિંમત 12% વધી
રિપોર્ટમાં દાવો કરાયો હતો કે વાર્ષિક આધારે વેજ થાળીની કિંમત 12% વધી ગઇ હતી. તેમાં દાવો કરાયો હતો કે ડુંગળી અને ટામેટાંની કિંમતોમાં ક્રમશઃ 82 અને 42% નો વધારો થવાને કારણે આ થાળી મોંઘી થઈ હતી.
તમે આ પણ વાંચી શકો છો
500 વર્ષથી આ રાજપૂતોએ રામ મંદિર માટે લીધેલી છે અનોખી પ્રતિજ્ઞા
