Tragedy Near Jodiya: જામનગર જિલ્લાના જોડીયા તાલુકામાં જામદુધઈ રોડ પર બુધવારે સવારે એક ભયાનક માર્ગ અકસ્માત સર્જાયો હતો. સનસાઇન સ્કૂલ પાસે આગળ જતાં ટ્રકે અચાનક બ્રેક મારતા પાછળ આવી રહેલી બોલેરો પીકઅપ વેન ધડાકાભેર અથડાઈ હતી. આ અકસ્માતમાં બોલેરો ચાલક યુવાનનું ઘટનાસ્થળે જ મોત નીપજ્યું છે, જ્યારે અન્ય એક વ્યક્તિને ગંભીર ઈજાઓ પહોંચી છે.
Tragedy Near Jodiya: અચાનક બ્રેક મારતા સર્જાયો અકસ્માત
મળતી માહિતી મુજબ, ઉત્તર પ્રદેશના વતની અબ્દુલગફાર અબ્દુલમજીદ મન્સૂરી (ઉ.વ. 35) પોતાની બોલેરો પીકઅપ લઈને દેવભૂમિ દ્વારકાના વરવાળા ખાતેના ઉર્ષના મેળામાંથી પરત ફરી રહ્યા હતા. તેઓ મોરબી જિલ્લાના આમરણ ખાતે ભરાનારા મેળામાં જઈ રહ્યા હતા ત્યારે સવારે 9 વાગ્યાની આસપાસ જામદુધઈ ગામ પાસે આ દુર્ઘટના બની હતી. આગળ જઈ રહેલા ટ્રક ચાલક ધર્મેન્દ્રકુમાર પાલે અચાનક અને બેદરકારીપૂર્વક બ્રેક મારતા પાછળ આવતી બોલેરો ટ્રકના ઠાઠામાં ઘૂસી ગઈ હતી.
Tragedy Near Jodiya: એકનું મોત, એક ઇજાગ્રસ્ત
આ અકસ્માત એટલો જોરદાર હતો કે બોલેરો ચાલક અબ્દુલગફારને માથાના તેમજ શરીરના ભાગે ગંભીર ઈજાઓ પહોંચતા તેમનું પ્રાણપંખેરુ ઉડી ગયું હતું. જ્યારે તેમની સાથે સવાર રામસેવક સોનકર નામના શખ્સને માથામાં ઈજા પહોંચતા તેમને તાત્કાલિક સારવાર માટે ખસેડવામાં આવ્યા છે.
પોલીસ કાર્યવાહી
મૃતકના નાના ભાઈ અબ્દુલજબ્બાર મન્સૂરીએ આ મામલે જોડીયા પોલીસ સ્ટેશનમાં ટ્રક ચાલક વિરુદ્ધ ફરિયાદ નોંધાવી છે. પોલીસે ભારતીય ન્યાય સંહિતા (BNS) 2023 ની કલમ 106(1), 125(એ), 281 અને મોટર વ્હીકલ એક્ટ હેઠળ ગુનો નોંધી વધુ તપાસ હાથ ધરી છે.
વધુ સમાચાર વાંચવા માટે અંહી ક્લિક કરો
ગુજરાતીઓને ગરમીમાંથી મળશે આંશિક રાહત પારો 2 થી 3 ડિગ્રી ગગડશે, જાણો હવામાન વિભાગની આગાહી
