Surat Pilgrims Stranded in Kedarnath: સુરતથી કેદારનાથ દર્શન માટે ગયેલા શ્રદ્ધાળુઓ ભારે વરસાદના કારણે મુશ્કેલીમાં મુકાયા છે. અલથાણ વિસ્તારના 14 લોકોનું ગ્રૂપ બાબા કેદારના દર્શન માટે ઉત્તરાખંડ પહોંચ્યું હતું. દરમિયાન કેદારનાથ અને આસપાસના વિસ્તારમાં સતત વરસાદના કારણે યાત્રીઓની મુશ્કેલી વધી હોવાનું સામે આવ્યું છે.
મળતી માહિતી મુજબ, ગ્રૂપના 14 સભ્યોમાંથી 3 યાત્રીઓને હેલિકોપ્ટર મારફતે રેસ્ક્યૂ કરીને સલામત સ્થળે ખસેડવામાં આવ્યા છે, જ્યારે બાકીના 11 યાત્રીઓ હજુ ફસાયેલા હોવાનું જણાવાયું છે. યાત્રીઓ દ્વારા સ્થાનિક સ્તરે પૂરતી મદદ અને યોગ્ય પ્રત્યુત્તર ન મળતો હોવાનો આક્ષેપ કરવામાં આવ્યો છે.
Surat Pilgrims Stranded in Kedarnath: રંજનબેને રડતાં-રડતાં સરકારને કરી અપીલ
આ મુશ્કેલ પરિસ્થિતિ વચ્ચે અલથાણના રંજનબેન પંચાલનો એક વીડિયો સોશિયલ મીડિયા પર સામે આવ્યો છે. વીડિયોમાં રંજનબેન ભાવુક થઈને ગુજરાત સરકારને મદદ માટે અપીલ કરતા જોવા મળે છે.
તેમણે જણાવ્યું કે તેઓ થોડા દિવસ પહેલાં કેદારનાથ પહોંચ્યા હતા અને સતત વરસાદને કારણે ત્યાં ફસાઈ ગયા છે. તેમણે સરકારને અપીલ કરી કે તેમના ગ્રૂપના લોકોને સુરક્ષિત રીતે પરત લાવવા માટે તાત્કાલિક મદદ કરવામાં આવે.
‘પ્લીઝ અમને હેલ્પ કરો…’ એવી અપીલ કરતી વખતે રંજનબેન ભાવુક થઈ જાય છે અને તેમની આંખોમાં આંસુ આવી જાય છે.
Surat Pilgrims Stranded in Kedarnath: તંબુમાં આશરો, ધુમ્મસ વચ્ચે યાત્રીઓની હાલાકી
વીડિયોમાં આસપાસનો વિસ્તાર પણ દેખાડવામાં આવ્યો છે. ભારે વરસાદ અને ધુમ્મસભર્યા વાતાવરણ વચ્ચે અનેક યાત્રીઓ મુશ્કેલીમાં હોવાનું જોવા મળે છે. કેટલાક લોકો તંબુઓમાં આશરો લેતા હોવાનું પણ વીડિયોમાં દેખાય છે.
કેદારનાથ જેવા ઊંચાઈવાળા પર્વતીય વિસ્તારમાં હવામાન ખરાબ થતાં યાત્રીઓની અવરજવર અને રેસ્ક્યૂ કામગીરી પણ પડકારરૂપ બની શકે છે.
Surat Pilgrims Stranded in Kedarnath: સુરતમાં પરિવારજનોમાં ચિંતા
બીજી તરફ, યાત્રીઓનો વીડિયો સામે આવ્યા બાદ સુરતમાં તેમના પરિવારજનોમાં પણ ચિંતા વધી છે. પરિવારજનો દ્વારા ફસાયેલા તમામ યાત્રીઓને સુરક્ષિત રીતે બહાર કાઢવા માટે તાત્કાલિક મદદની માંગ કરવામાં આવી રહી છે.
પરિવારજનોની માંગ છે કે ગુજરાત સરકાર અને સંબંધિત ડિઝાસ્ટર મેનેજમેન્ટ તંત્ર ઉત્તરાખંડના સ્થાનિક વહીવટીતંત્ર સાથે સંકલન કરીને ફસાયેલા યાત્રીઓની સ્થિતિ અંગે ચોક્કસ માહિતી મેળવે અને તેમને સુરક્ષિત સ્થળે પહોંચાડવા માટે જરૂરી કાર્યવાહી કરે.
હાલમાં 14માંથી 3 યાત્રીઓનું રેસ્ક્યૂ થયાનું જણાવાઈ રહ્યું છે, જ્યારે બાકીના 11 યાત્રીઓની સુરક્ષિત વાપસી માટે પરિવારજનો મદદની રાહ જોઈ રહ્યા છે.
આ પણ વાંચો :લાખો ફોલોઅર્સ ધરાવતી સોશિયલ મીડિયા ઇન્ફ્લુએન્સર નિધિ તિવારીનું અવસાન
