Proud Moment for Gujarat: આજની દીકરીઓ માટે મિશાલ અને પ્રેરણારૂપ બને તેવો એક ગૌરવશાળી કિસ્સો વડોદરા જિલ્લામાંથી સામે આવ્યો છે. પાદરા તાલુકાની પ્રતિભાશાળી દીકરી વિધિ હસમુખ પરમારની ભારતીય મહિલા અન્ડર-19 ક્રિકેટ ટીમ (Indian Women’s U-19 Cricket Team) માં પસંદગી થઈ છે. માત્ર ૧૭ વર્ષની નાની ઉંમરે દેશની ટીમમાં સ્થાન મેળવીને વિધિએ પાદરા સહિત સમગ્ર ગુજરાતનું નામ દેશભરમાં રોશન કર્યું છે.
Proud Moment for Gujarat: શ્રીલંકા સામેની વન-ડે શ્રેણીમાં કરશે ભારતનું પ્રતિનિધિત્વ
વિધિ પરમાર આગામી સમયમાં શ્રીલંકા સામે યોજાનારી વન-ડે ક્રિકેટ શ્રેણીમાં ભારતીય ટીમ જર્સીમાં મેદાન પર ઉતરશે. આગામી ૩૦ જૂનથી શરૂ થઈ રહેલી આ મહત્વપૂર્ણ આંતરરાષ્ટ્રીય શ્રેણીમાં વિધિ પરમાર પોતાની ઓલ રાઉન્ડર ક્ષમતા, એટલે કે ધારદાર બોલિંગ અને આક્રમક બેટિંગનો જલવો બતાવવા માટે સજ્જ થઈ છે. ક્રિકેટ ક્ષેત્રે તેની સતત મહેનત, અદભુત સમર્પણ અને ડોમેસ્ટિક ક્રિકેટમાં ઉત્કૃષ્ટ પ્રદર્શનના પરિણામે જ તેને આ મોટું સ્થાન મળ્યું છે.
Proud Moment for Gujarat: ધોરણ-૧૨ના અભ્યાસ સાથે સર કર્યા સફળતાના શિખરો
સૌથી રસપ્રદ અને પ્રેરણાદાયી વાત એ છે કે, વિધિ પરમાર હાલમાં ધોરણ-૧૨માં અભ્યાસ કરી રહી છે. બોર્ડના વર્ષના ભણતરના દબાણની સાથે સાથે તેણે ક્રિકેટના મેદાન પર પણ પરસેવો પાડવાનું ચાલુ રાખ્યું અને રમત તેમજ શિક્ષણ બંને વચ્ચે અદભુત સંતુલન જાળવીને આ અસાધારણ સિદ્ધિ હાંસલ કરી છે.
Proud Moment for Gujarat: સમગ્ર પાદરા પંથકમાં ખુશીનો માહોલ:
વિધિની ભારતીય ટીમમાં પસંદગીના સમાચાર મળતા જ તેના પરિવારજનો, મિત્રો, સ્થાનિક કોચ અને સમગ્ર પાદરા તાલુકામાં વહેલી દિવાળી જેવો માહોલ સર્જાયો છે. સોસાયટી અને વિસ્તારના લોકો દીકરીની આ ગર્વ લેવા જેવી ઉપલબ્ધિ પર ખુશીથી ઝૂમી ઉઠ્યા છે.
Proud Moment for Gujarat: અન્ય યુવા ખેલાડીઓ માટે બની પ્રેરણા સ્રોત
વિધિ પરમારની આ ઐતિહાસિક સફળતા ગુજરાતની અન્ય અનેક દીકરીઓ અને યુવા ખેલાડીઓ માટે પોતાના સપના સાકાર કરવા માટેનું મોટું બળ પૂરું પાડશે. સ્પોર્ટ્સ જગતના અગ્રણીઓ અને સમગ્ર પાદરા પંથક તરફથી વિધિ આગામી સિરીઝમાં શાનદાર પ્રદર્શન કરે તે માટે ઉજ્જવળ ભવિષ્યની અઢળક શુભેચ્છાઓ પાઠવવામાં આવી રહી છે.
વધુ સમાચાર વાંચવા માટે અંહી ક્લિક કરો: બોપલમાં ચકચાર લોરેન્સ બિશ્નોઈ ગેંગ સાથે કનેક્શન ધરાવતો કુખ્યાત મહાવીરસિંહ ફ્લેટના ચોથા માળેથી પટકાયો, CCTV આવ્યા સામે
