Market Rally: મંગળવારના ઘટાડા બાદ આજે એટલે કે બુધવાર, 6 મેના રોજ ભારતીય શેરબજારમાં જોરદાર તેજીનો કરંટ જોવા મળ્યો છે. વૈશ્વિક બજારોમાંથી મળેલા મજબૂત સંકેતો અને મિડલ-ઈસ્ટમાં તણાવ હળવો થવાની આશા પાછળ સ્થાનિક બજારમાં ચોમેર ખરીદી નીકળી હતી. આજના કારોબારના અંતે BSE સેન્સેક્સ 941 પોઈન્ટના પાવરફુલ ઉછાળા સાથે 77,959 ના સ્તરે બંધ થયો છે. બીજી તરફ, NSE નિફ્ટી પણ 298 પોઈન્ટ વધીને 24,331 ની સપાટી પર બંધ રહ્યો છે.
સેન્સેક્સના ટોચના 30 શેરોમાંથી 21 શેર્સ ગ્રીન ઝોનમાં (વધારા સાથે) અને 9 શેર્સ રેડ ઝોનમાં બંધ રહ્યા હતા. આજના ટ્રેડિંગ સેશનમાં ઓટો, ફાર્મા, ફાઇનાન્સિયલ સર્વિસિસ, બેન્કિંગ અને રિયલ્ટી સેક્ટરના શેરોમાં રોકાણકારોની ભારે લેવાલીના કારણે 2% થી વધુનો ઉછાળો નોંધાયો હતો.
Market Rally: બજારમાં તેજી લાવનારા 3 મુખ્ય પરિબળો
- મિડલ-ઈસ્ટમાં શાંતિની આશા: અમેરિકા અને ઈરાન વચ્ચે યુદ્ધવિરામને લઈને સકારાત્મક સમાચારો વહેતા થયા છે. અમેરિકી રાષ્ટ્રપતિ ડોનાલ્ડ ટ્રમ્પ દ્વારા શાંતિ સમજૂતીના સંકેતો અપાતા રોકાણકારોનો સેન્ટિમેન્ટ મજબૂત થયો છે.
- ક્રૂડ ઓઈલના ભાવમાં મોટો ઘટાડો: જિયોપોલિટિકલ તણાવ ઓછો થવાની આશા અને ‘સ્ટ્રેટ ઓફ હોર્મુઝ’માંથી જહાજોની સુરક્ષિત અવરજવર માટે ‘પ્રોજેક્ટ ફ્રીડમ’ની જાહેરાત થતાં જ આંતરરાષ્ટ્રીય બજારમાં ક્રૂડ ઓઈલનો ભાવ 110 ડોલરની નીચે સરકી ગયો છે. ભારત જેવા તેલ આયાતકાર દેશ માટે આ બહુ મોટા રાહતના સમાચાર છે.
- ગ્લોબલ માર્કેટની મજબૂતી: ગત સેશનમાં અમેરિકી બજારો (S&P 500 અને Nasdaq) રેકોર્ડ હાઈ પર બંધ થયા હતા. જેની પાછળ આજે એશિયન બજારો જેવા કે સાઉથ કોરિયાનો કોસ્પી, જાપાનનો નિક્કેઈ અને હોંગકોંગના હેંગસેંગમાં પણ જોરદાર તેજી રહી હતી, જેની સીધી પોઝિટિવ અસર દલાલ સ્ટ્રીટ પર જોવા મળી.
Market Rally: આજના ટોપ ગેનર્સ અને લૂઝર્સ (Nifty 50)
આજના કારોબારમાં એરલાઇન કંપની ઇન્ડિગોના શેરમાં 7% થી વધુનો બમ્પર ઉછાળો જોવા મળ્યો હતો, જ્યારે સરકારી તેલ કંપની ONGC નફાખોરીના કારણે ટોપ લૂઝર બની હતી.
Market Rally: ટોપ 5 ગેનર્સ
| કંપની | બંધ ભાવ (₹) | ફેરફાર (₹) | ફેરફાર (%) |
| ઇન્ડિગો | 4,550 | +310.90 | +7.34% |
| TMPV | 357 | +16.50 | +4.85% |
| શ્રીરામ ફાઇનાન્સ | 1,003 | +38.00 | +4.02% |
| ટ્રેન્ટ (Tata Group) | 4,299 | +160.30 | +3.88% |
| ડો. રેડ્ડીઝ | 1,321 | +48.60 | +3.78% |
Market Rally: ટોપ 5 લૂઝર્સ
| કંપની | બંધ ભાવ (₹) | ફેરફાર (₹) | ફેરફાર (%) |
| ONGC | 282 | -6.70 | -2.53% |
| L&T | 3,996 | -59.00 | -1.46% |
| રિલાયન્સ ઇન્ડસ્ટ્રીઝ | 1,443 | -20.50 | -1.22% |
| પાવર ગ્રીડ | 317 | -2.85 | -0.92% |
| ઇન્ફોસિસ | 1,170 | -8.70 | -0.74% |
Market Rally: ગ્લોબલ માર્કેટ ટ્રેકર્સ (એશિયા અને અમેરિકા)
વૈશ્વિક સ્તરે બજારોમાં રોકાણકારોનો ઉત્સાહ ચરમસીમાએ જોવા મળ્યો હતો. સાઉથ કોરિયાના માર્કેટે સિંગલ ડેમાં 6% થી વધુનો જમ્પ માર્યો હતો.
- એશિયન બજારો: કોસ્પી (સાઉથ કોરિયા) 448 પોઇન્ટ (+6.45%) વધીને 7,385 પર, હેંગસેંગ (હોંગકોંગ) 315 પોઇન્ટ (+1.22%) વધીને 26,214 પર અને નિક્કેઈ (જાપાન) 228 પોઇન્ટ વધીને 59,513 પર બંધ રહ્યા.
- અમેરિકી બજારો (5 મે): ડાઉ જોન્સ 356 પોઇન્ટ (+0.73%) વધીને 49,298 પર, નાસ્ડેક 258 પોઇન્ટ (+1.03%) વધીને 25,326 પર અને S&P 500 ઇન્ડેક્સ 58 પોઇન્ટ વધીને 7,259 ના સ્તરે બંધ આવ્યો હતો.
Market Rally: સંસ્થાકીય રોકાણકારોની મુવમેન્ટ (FII અને DII ડેટા)
બજારમાં સ્થાનિક સંસ્થાકીય રોકાણકારો (DII) સતત ખરીદી કરીને ભારતીય બજારને ટેકો આપી રહ્યા છે, જ્યારે વિદેશી રોકાણકારો (FII) નફો બુક કરી રહ્યા છે.
- આજનો દિવસ: DII એ બજારમાં +2,603 કરોડ રૂપિયા ની નેટ ખરીદી કરી, જ્યારે FII એ -3,622 કરોડ રૂપિયા નું નેટ વેચાણ કર્યું.
- છેલ્લા 7 દિવસ: DII દ્વારા કુલ 10,854 કરોડની ખરીદી સામે FII એ 8,834 કરોડ રૂપિયાના શેર વેચ્યા છે.
(નોંધ: આંકડા કરોડ રૂપિયામાં છે)
મંગળવાર, 5 મેના રોજ સેન્સેક્સ 251 પોઈન્ટ તૂટીને 77,017 પર બંધ રહ્યો હતો, જેની સામે આજે બજારે શાનદાર વાપસી કરીને રોકાણકારોની સંપત્તિમાં મોટો ઉમેરો કર્યો છે.
વધુ સમાચાર વાંચવા માટે અંહી ક્લિક કરો
