યુદ્ધ વચ્ચે ક્રૂડના ભાવ #crudeoil #iranwar #inflation #crudehike #crudeprice – મધ્ય-પૂર્વમાં ઈરાન-ઈઝરાયેલ યુદ્ધમાં અમેરિકાની એન્ટ્રી પછી તે વધુ વિનાશક બનવાની આશંકા છે, જેના પગલે સોમવારે સવારે ક્રૂડ ઓઈલની કિંમતોમાં આગ લાગી હતી. ક્રૂડ ઓઈલ પ્રતિ બેરલ 81 ડોલરને પાર પહોંચી ગયું છે. જોકે, ભારત માટે રાહતની વાત છે.
યુદ્ધ વચ્ચે ક્રૂડના ભાવ પ્રતિ બેરલ 81 ડોલરને પાર પહોંચ્યું
અમેરિકાએ ઈરાનના પરમાણુ મથકો પર હુમલા કર્યા પછી હવે ઈરાન હોરમુઝની ખાડીમાં ક્રૂડ અને વ્યાપારિક જહાજોની અવર-જવર પર પ્રતિબંધ મૂકે તેવી આશંકા છે. પરિણામે વૈશ્વિક સ્તરે ક્રૂડ ઓઈલમાં જંગી ઊછાળો આવ્યો છે. સોમવારે ક્રૂડના ભાવ જાન્યુઆરી પછી તેની ટોચ પર છે. બ્રેન્ટ ક્રૂડ અને ડબલ્યુટીઆઈ પહેલા સત્રમાં 3 ટકાથી વધુ ઉછળ્યા હતા અને ક્રમશઃ 81.40 ડોલર અને 78.40 ડોલરને પાર પહોંચી ગયા હતા.
યુદ્ધ વચ્ચે ક્રૂડના ભાવ બ્રેન્ટ ક્રૂડ અને ડબલ્યુટીઆઈ પહેલા સત્રમાં 3 ટકાથી વધુ ઉછળ્યા
જોકે આ ઉછાળો લાંબો સમય ટકી શક્યા નહીં. બ્લૂમબર્ગ મુજબ બ્રેન્ટ ક્રૂડનો ઓગસ્ટ વાયદાનો ભાવ 2.61 ટકા ઉછળીને પ્રતિ બેરલ 79.19 ડોલરને પાર થઈ ગયા છે. ડબલ્યુટીઆઈના રેટમાં પણ 2.75 ટકાનો વિસ્ફોટ થયો છે અને તે પ્રતિ બેરલ 75.86 ડોલરને પાર ગયો છે. ભારતના કુલ ક્રૂડ ઓઈલનો મોટો હિસ્સો હોરમુઝની ખાડીમાંથી જ આવે છે, પરંતુ ક્રૂડ ઓઈલના ભાવ વધારાની ભારત પર આંશિક અસર પડે તેવી શક્યતા છે.
ક્રૂડમાં ભાવવધારાની ભારત પર આંશિક અસરની સંભાવના
નિષ્ણાતોએ કહ્યું કે, ક્રૂડ ઓઈલના મોરચે ભારતની સ્થિતિ એકંદરે સારી છે. ભારત માટે રશિયાથી લઈને અમેરિકા અને બ્રાઝિલ સુધીના વૈકલ્પિક સ્રોત કોઈપણ અછતને સરળતાથી પૂરી કરી શકે છે. રશિયન ક્રૂડ હોરમુઝની ખાડીમાંથી આવતું નથી. તે સુએઝ નહેર, કેપ ઓફ ગુડ હોપ અથવા પ્રશાંત મહાસાગરથી આવે છે. બીજીબાજુ ભારત અમેરિકા, પશ્ચિમ આફ્રિકા અને લેટિન અમેરિકાથી પણ ક્રૂડ મંગાવી શકે છે, જોકે તે થોડું મોંઘી આવી શકે છે.
યુદ્ધ વચ્ચે ક્રૂડના ભાવ
મધ્ય-પૂર્વમાં કતાર ભારતનો મુખ્ય પૂરવઠાકાર છે, પરંતુ તે હોરમુઝ ખાડીનો ઉપયોગ નથી કરતું. ઓસ્ટ્રેલિયા, રશિયા અને અમેરિકામાં ભારતના એલએનજીના અન્ય સ્રોત પર પણ કોઈ અસર નહીં થાય. જોકે, વિશ્લેષકોનું કહેવું છે કે પશ્ચિમ એશિયામાં તણાવ વધવાની અસર નજીકના સમયમાં ક્રૂડના ભાવ પર પડશે અને ભાવ 80 અમેરિકન ડોલર પ્રતિ બેરલ વધી શકે છે.
ગુજરાતના વધુ સમાચાર માટે જોવા માટે અહિયાં ક્લિક કરો
યુટ્યુબ પર વિડીઓ ન્યુઝ જોવા માટે
