બે સિસ્ટમ સક્રિય #gujarat #besistam #varsad #redalert #moonsoonupdate #weatherupdate – ગુજરાતમાં હાલ બે વરસાદી સિસ્ટમ સક્રિય થઈ છે, જેના કારણે રાજ્યમાં ભારેથી અતિભારે વરસાદની શક્યતા છે. એક સિસ્ટમ દક્ષિણ ગુજરાતથી બંગાળની ખાડી સુધીનું ટ્રફ છે, જ્યારે બીજી સિસ્ટમ ઉત્તર-પૂર્વ રાજસ્થાન પર સક્રિય સાયક્લોનિક સર્ક્યુલેશન છે. પરિણામે દક્ષિણ ગુજરાતના જિલ્લાઓ જેમ કે તાપી, નવસારી, વલસાડ, ડાંગ, સુરત, નર્મદા, ભરૂચ તેમજ સૌરાષ્ટ્રના ભાવનગર અને દેવભૂમિ દ્વારકામાં ભારે વરસાદનું યલો એલર્ટ જારી કરવામાં આવ્યું છે.
ગુજરાતમાં ભારેથી અતિભારે વરસાદની એલર્ટ
આગામી 7 દિવસ સુધી રાજ્યના અલગ-અલગ વિસ્તારોમાં હળવાથી મધ્યમ અને કેટલાક સ્થળોએ ભારે વરસાદની આગાહી છે. હવામાન વિભાગ પાસેથી મળતી માહિતી પ્રમાણે, સોમવારે 23 જૂને બનાસકાંઠા, દ્વારકા, પોરબંદર, રાજકોટ, જૂનાગઢ, નવસારી, વલસાડ, દાદરા અને દમણમાં રેડ એલર્ટ આપવામાં આવ્યું છે. છેલ્લા 24 કલાકમાં રાજ્યના અનેક વિસ્તારોમાં હળવાથી ભારે વરસાદ ખાબક્યો છે. આજે વહેલી સવારથી જ રાજ્યના અનેક વિસ્તારોમાં વરસાદી માહોલ જોવા મળી રહ્યો છે.
ગુજરાતમાં એક સાથે બે સિસ્ટમ સક્રિય થઈ ભારેથી અતિભારે વરસાદની એલર્ટ
હવામાન વિભાગના જણાવ્યા અનુસાર આજના દિવસમાં મધ્યમથી હળવો વરસાદ પડશે. બનાસકાંઠા, સાબરકાંઠા, અરવલ્લી, મહીસાગર, દાહોદ, છોટાઉદેપુર, પંચમહાલ, વડોદરા, ભરૂચ, આણંદ, ખેડા, ગાંધીનગર, અમદાવાદ, મહેસાણા, દમણ, વલસાડ અને દાદરા નગર હવેલીમાં વીજળીના કડાકા સાથે મધ્યમ વરસાદની આગાહી કરવામાં આવી છે જ્યાં પવનની ગતિ 40 કિલોમીટર પ્રતિ રહેશે.
આગામી સાત દિવસ સુધી રાજ્યને વરસાદ ઘમરોળશે
ગુજરાતના વધુ સમાચાર માટે જોવા માટે અહિયાં ક્લિક કરો
યુટ્યુબ પર વિડીઓ ન્યુઝ જોવા માટે
