IPL 2026 Controversy: ભારતીય ક્રિકેટ ટીમના લેગ સ્પિનર અને આઈપીએલમાં પંજાબ કિંગ્સ તરફથી રમી રહેલા યુઝવેન્દ્ર ચહલ મુશ્કેલીમાં મુકાઈ શકે છે. સોશિયલ મીડિયા પર વાયરલ થયેલા એક વીડિયોમાં દાવો કરવામાં આવ્યો છે કે ચહલ ફ્લાઇટમાં મુસાફરી દરમિયાન ઈ-સિગારેટ (વેપ) પી રહ્યો હતો. આ ઘટના બાદ ચહલ પર હવાઈ મુસાફરી કરવા પર પ્રતિબંધ મુકાઈ શકે તેવી શક્યતા સેવાઈ રહી છે.
IPL 2026 Controversy: વીડિયોમાં શું જોવા મળ્યું?
- વાયરલ વીડિયોમાં ચહલ ઈ-સિગારેટ પીતો અને તેને છુપાવવાનો પ્રયાસ કરતો હોવાનું જણાય છે.
- રિપોર્ટ્સ મુજબ, પંજાબ કિંગ્સે તેમની ટીમના ટૂરનો વીડિયો પોસ્ટ કર્યો હતો, જેમાં ચહલનો આ ભાગ જોવા મળતા વિવાદ સર્જાયો હતો.
- જોકે, વિવાદ વધતા પંજાબ કિંગ્સે પોતાના સોશિયલ મીડિયા એકાઉન્ટ પરથી આ વીડિયો ડિલીટ કરી દીધો છે.
IPL 2026 Controversy: કાયદાકીય જોખમ અને નિયમોનું ઉલ્લંઘન
- હવાઈ મુસાફરીના નિયમો: ફ્લાઈટમાં સિગારેટ કે ઈ-સિગારેટ પીવા પર સંપૂર્ણ પ્રતિબંધ છે, કારણ કે તેનાથી આગ લાગવાનું જોખમ રહે છે.
- નો ફ્લાય લિસ્ટ: આ નિયમનું ઉલ્લંઘન કરવા બદલ ચહલને ‘નો ફ્લાય લિસ્ટ’માં મૂકવામાં આવી શકે છે, જેનાથી તેની હવાઈ યાત્રા પર રોક લાગી શકે છે.
- ભારતમાં પ્રતિબંધ: ભારત સરકારના ‘ઈ-સિગારેટ નિષેધ અધિનિયમ (PECA) 2019’ હેઠળ દેશમાં ઈ-સિગારેટનું વેચાણ અને ઉપયોગ સંપૂર્ણપણે પ્રતિબંધિત છે.
રિયાન પરાગનો અગાઉનો કિસ્સો
IPL 2026 ની આ સિઝનમાં ઈ-સિગારેટનો આ બીજો વિવાદ છે. અગાઉ 28 એપ્રિલે રાજસ્થાન રોયલ્સના કેપ્ટન રિયાન પરાગ ડ્રેસિંગ રૂમમાં વેપિંગ કરતા ઝડપાયા હતા. આ બદલ BCCIએ રિયાન પરાગ પર મેચ ફીના 25% દંડ ફટકાર્યો હતો.
ચહલના અગાઉના દાવા પર સવાલ
IPL 2026 શરૂ થતા પહેલા ચહલે એક ઇન્ટરવ્યૂમાં દાવો કર્યો હતો કે તેણે છેલ્લા 6 મહિનાથી દારૂ છોડી દીધો છે જેથી તે યુવાનો માટે આદર્શ બની શકે. હવે આ વીડિયો સામે આવ્યા બાદ સોશિયલ મીડિયા પર તેની શિસ્ત અંગે સવાલો ઉઠી રહ્યા છે.
વધુ સમાચાર વાંચવા માટે અંહી ક્લિક કરો: શેરબજારમાં મામૂલી ઘટાડો, સેન્સેક્સ 114 પોઈન્ટ તૂટ્યો, FMCG શેરોમાં વેચવાલીનું દબાણ
