Weather Paradox in Gujarat: ગુજરાતના વાતાવરણમાં અત્યારે મિશ્ર અસર જોવા મળી રહી છે. એક તરફ સૌરાષ્ટ્ર અને દક્ષિણ ગુજરાતના કેટલાક ભાગોમાં મેઘગર્જના સાથે વરસાદી માહોલ છે, તો બીજી તરફ મે મહિનાની આકરી ગરમીએ પ્રકોપ દેખાડવાનું શરૂ કર્યું છે. હવામાન વિભાગે આગામી 9 થી 12 મે દરમિયાન રાજ્યમાં ગરમીનું ‘યલો એલર્ટ’ જાહેર કર્યું છે.
Weather Paradox in Gujarat: વલસાડ અને તાપીમાં વરસાદી માહોલ
- વલસાડ: જિલ્લાના ધરમપુર અને કપરાડા તાલુકાના અંતરિયાળ વિસ્તારોમાં અચાનક વાતાવરણ પલટાયું હતું અને કમોસમી વરસાદ નોંધાયો હતો.
- તાપી: વાલોડ પંથકમાં પણ ભારે પવન અને ગાજવીજ સાથે વરસાદી માહોલ જામ્યો હતો, જેના કારણે બજારમાં દોડધામ મચી ગઈ હતી.
- અન્ય જિલ્લાઓ: અગાઉ ગીર સોમનાથના ઊના અને ગીર ગઢડા તેમજ મહિસાગર જિલ્લામાં પણ પવન સાથે વરસાદ પડ્યો હતો.
Weather Paradox in Gujarat: આકરી ગરમી અને હીટવેવની આગાહી
- ગરમ શહેરો: આજે રાજ્યના 8 શહેરોમાં તાપમાન 40 ડિગ્રીને પાર કરી ગયું છે. સુરેન્દ્રનગર 43.5 ડિગ્રી સાથે રાજ્યનું સૌથી ગરમ શહેર રહ્યું છે, જ્યારે અમદાવાદમાં પારો 42.3 ડિગ્રીએ પહોંચ્યો હતો.
- યલો એલર્ટ (9-12 મે): હવામાન વિભાગ અનુસાર, 9 મેથી ગરમીનો નવો રાઉન્ડ શરૂ થશે. કચ્છ, દ્વારકા અને રાજકોટમાં હીટવેવની આગાહી સાથે યલો એલર્ટ અપાયું છે.
- સ્થિતિ ગંભીર બની શકે: 11 અને 12 મે દરમિયાન બનાસકાંઠા, સુરેન્દ્રનગર, રાજકોટ, અમદાવાદ, સુરત અને વડોદરા જેવા શહેરોમાં હીટવેવની સ્થિતિ વધુ ગંભીર બનવાની શક્યતા છે.
દેશભરના હવામાનની સ્થિતિ
- વરસાદ અને જાનહાનિ: ઉત્તર પ્રદેશ, બિહાર અને હરિયાણા સહિત 9 રાજ્યોમાં વરસાદી માહોલ છે. બિહારના પૂર્ણિયામાં વીજળી પડવાથી 2 લોકોના મોત થયા છે.
- હિમવર્ષા: ઉત્તરાખંડના કેદારનાથ ધામ અને ઊંચી પર્વતમાળાઓ પર સતત ચોથા દિવસે હિમવર્ષા ચાલુ છે.
વધુ સમાચાર વાંચવા માટે અંહી ક્લિક કરો: યુઝવેન્દ્ર ચહલ વિવાદમાં ફ્લાઇટમાં ઈ-સિગારેટ પીતા હોવાનો વીડિયો વાયરલ, ‘નો ફ્લાય લિસ્ટ’નું જોખમ
