IPL 2026: IPL 2026ની 12મી મેચ આજે સાંજે 7:30 વાગ્યે કોલકાતાના ઐતિહાસિક ઈડન ગાર્ડન્સ સ્ટેડિયમમાં રમાશે. આ મેચમાં યજમાન કોલકાતા નાઈટ રાઈડર્સ (KKR) અને શાનદાર ફોર્મમાં ચાલી રહેલી પંજાબ કિંગ્સ (PBKS) સામસામે ટકરાશે. કોલકાતા તેની શરૂઆતની બંને મેચ હારી ચૂક્યું છે, જ્યારે પંજાબે ગુજરાત અને ચેન્નઈ જેવી મજબૂત ટીમોને હરાવીને વિજયી શરુઆત કરી છે.
IPL 2026: આમને-સામનેનો રેકોર્ડ (Head-to-Head)
રેકોર્ડની દૃષ્ટિએ કોલકાતાનો પક્ષ ભારે રહ્યો છે:
- કુલ મેચ: 35
- KKR ની જીત: 21
- PBKS ની જીત: 13
- અનિર્ણિત: 01 ઈડન ગાર્ડન્સ પર પણ KKR નો હાથ ઉપર છે, જ્યાં તેઓએ પંજાબ સામે 14 માંથી 9 મેચ જીતી છે.
IPL 2026: સ્ટાર પર્ફોર્મર્સ પર નજર
- કોલકાતા (KKR): યુવા ખેલાડી અંગક્રિષ રઘુવંશી શાનદાર ફોર્મમાં છે, તેણે 2 મેચમાં 2 અડધી સદી સાથે 103 રન બનાવ્યા છે. બોલિંગમાં બ્લેસિંગ મુઝરબાની એ 4 વિકેટ ઝડપી છે.
- પંજાબ (PBKS): કૂપર કોનોલી 108 રન સાથે બેટિંગમાં પંજાબની કરોડરજ્જુ સાબિત થઈ રહ્યો છે. જ્યારે બોલિંગમાં વિજયકુમાર વૈશાખ 2 મેચમાં 5 વિકેટ લઈને ઘાતક સાબિત થયો છે.
પિચ અને હવામાનનો મિજાજ
ઈડન ગાર્ડન્સની પિચ બેટિંગ માટે સ્વર્ગ સમાન માનવામાં આવે છે. અહીં રમાયેલી છેલ્લી મેચમાં હૈદરાબાદે 226 રનનો તોતિંગ સ્કોર બનાવ્યો હતો. જોકે, ક્રિકેટ પ્રેમીઓ માટે ચિંતાના સમાચાર એ છે કે આજે કોલકાતામાં વરસાદની 57% સંભાવના છે, જે મેચમાં ખલેલ પહોંચાડી શકે છે.
બંને ટીમોની સંભવિત પ્લેઇંગ-12
- KKR: અજિંક્ય રહાણે (કેપ્ટન), કેમરન ગ્રીન, અંગક્રિષ રઘુવંશી, રિંકુ સિંહ, રમનદીપ સિંહ, અનુકૂલ રોય, સુનીલ નારાયણ, વરુણ ચક્રવર્તી, વૈભવ અરોરા, કાર્તિક ત્યાગી, બ્લેસિંગ મુઝરબાની, ફિન એલન.
- PBKS: પ્રભસિમરન સિંહ, કૂપર કોનોલી, શ્રેયસ ઐયર (કેપ્ટન), નેહલ વઢેરા, શશાંક સિંહ, માર્કસ સ્ટોઈનિસ, માર્કો યાનસેન, ઝેવિયર બાર્ટલેટ, વિજયકુમાર વૈશાક, અર્શદીપ સિંહ, યુઝવેન્દ્ર ચહલ, પ્રિયાંશ આર્ય.
વધુ સમાચાર વાંચવા માટે અંહી ક્લિક કરો
ગુજરાતના ત્રણ મોટા શહેરોની RTO કચેરીઓને બોમ્બથી ઉડાવવાની ધમકી ભારે અફરાતફરી
