High-Seas Showdown: અમેરિકા અને ઈરાન વચ્ચે વધી રહેલા વૈશ્વિક તણાવ વચ્ચે યુએસ સેન્ટ્રલ કમાન્ડ (CENTCOM) એ અરબી સમુદ્રમાં એક અત્યંત મહત્વપૂર્ણ ઓપરેશન પાર પાડ્યું છે. શનિવાર, 25 એપ્રિલ, 2026 ના રોજ અમેરિકી નૌકાદળના વિનાશક જહાજે ઈરાન પર લાદવામાં આવેલી દરિયાઈ નાકાબંધી તોડવાનો પ્રયાસ કરી રહેલા વેપારી જહાજ ‘સેવાન’ (M/V Sevan) ને અટકાવ્યું છે.
High-Seas Showdown: ઓપરેશનની વિગતો: યુએસએસ પિંકનીની કાર્યવાહી
આ સમગ્ર કાર્યવાહી અમેરિકી નૌકાદળના ગાઈડેડ-મિસાઈલ ડિસ્ટ્રોયર યુએસએસ પિંકની (USS Pinckney – DDG 91) દ્વારા હાથ ધરવામાં આવી હતી.
- આ જહાજ પરથી ઉડેલા નૌકાદળના હેલિકોપ્ટરે અરબી સમુદ્રમાં ‘સેવાન’ જહાજને આંતર્યું હતું.
- અમેરિકી લશ્કરી સૂચનાઓનું પાલન ન કરનારા જહાજને આખરે નમવું પડ્યું હતું અને તેના ક્રૂ મેમ્બરોએ આત્મસમર્પણ કર્યું છે.
- હાલમાં આ જહાજ અમેરિકી નેવીના કડક સુરક્ષા કવચ હેઠળ ઈરાન તરફ પરત મોકલવામાં આવી રહ્યું છે.
High-Seas Showdown: શું છે ‘શેડો ફ્લીટ’ (Shadow Fleet)?
અમેરિકી સુરક્ષા એજન્સીઓના જણાવ્યા અનુસાર, ‘સેવાન’ એ 19 જહાજોના એવા સમૂહનો ભાગ છે જેને ‘શેડો ફ્લીટ’ તરીકે ઓળખવામાં આવે છે.
- આ જહાજો ઈરાન પર લાદવામાં આવેલા આંતરરાષ્ટ્રીય પ્રતિબંધોને નેવે મૂકીને અબજો ડોલરની કિંમતનું ઓઈલ, ગેસ, પ્રોપેન અને બ્યુટેન વિદેશી બજારોમાં ગેરકાયદે રીતે પહોંચાડે છે.
- ઈરાન પોતાની પડી ભાંગેલી અર્થવ્યવસ્થાને ટેકો આપવા માટે આ છૂપા જહાજોના કાફલાનો ઉપયોગ કરે છે. અમેરિકી ટ્રેઝરી વિભાગે આ તમામ જહાજો પર તાજેતરમાં જ કડક પ્રતિબંધો લાદ્યા હતા.
High-Seas Showdown: નાકાબંધીની અત્યાર સુધીની અસર
યુએસ સેન્ટ્રલ કમાન્ડના અહેવાલ મુજબ, અમેરિકાએ ઈરાની બંદરોમાં પ્રવેશતા અથવા ત્યાંથી નીકળતા જહાજો પર સંપૂર્ણ દરિયાઈ નાકાબંધી લાદી છે.
- નાકાબંધી શરૂ થઈ ત્યારથી અત્યાર સુધીમાં 37 જહાજોને અટકાવીને અન્ય માર્ગે વાળવામાં આવ્યા છે.
- આ અગાઉ 19 એપ્રિલે ‘તુસ્કા’ (M/V Touska) નામના જહાજ પર અમેરિકી મરીન્સે હેલિકોપ્ટર દ્વારા દિલધડક ઓપરેશન કરીને તેને કબજે કર્યું હતું.
High-Seas Showdown: મધ્ય-પૂર્વમાં વધતો તણાવ
અમેરિકા દ્વારા ઈરાનના આર્થિક સ્ત્રોતોને તોડવા માટે જે રીતે આક્રમક વલણ અપનાવવામાં આવ્યું છે, તેનાથી મધ્ય-પૂર્વના દેશોમાં યુદ્ધનો ભય વધી ગયો છે. ઈરાને પણ વળતો જવાબ આપતા હોર્મુઝની સામુદ્રધુની (Strait of Hormuz) માં અવરજવર રોકવાની ધમકી આપી છે. વૈશ્વિક બજારમાં ક્રૂડ ઓઈલના ભાવ પર પણ આ નાકાબંધીની ગંભીર અસરો જોવા મળી શકે છે.
વધુ સમાચાર વાંચવા માટે અંહી ક્લિક કરો
