PM Modi on Trump Incident: અમેરિકાની રાજધાની વોશિંગ્ટન ડીસીની હિલ્ટન હોટલમાં આયોજિત હાઈ-પ્રોફાઈલ ‘વ્હાઇટ હાઉસ કોરેસ્પોન્ડન્ટ્સ ડિનર’ દરમિયાન થયેલા ગોળીબારની ઘટનાએ સમગ્ર વિશ્વમાં ચિંતા જન્માવી છે. આ હિંસક ઘટના પર ભારતના વડાપ્રધાન નરેન્દ્ર મોદીએ આકરો વિરોધ નોંધાવતા લોકશાહીના મૂલ્યો પર ભાર મૂક્યો છે.
PM Modi on Trump Incident: PM મોદીએ વ્યક્ત કરી રાહત અને ચિંતા
વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ X પર પોતાની પોસ્ટ દ્વારા આ ઘટનાની કડક શબ્દોમાં નિંદા કરી છે. તેમણે લખ્યું:
“વોશિંગ્ટન ડીસીની એક હોટલમાં બનેલી તાજેતરની સુરક્ષા ઘટના બાદ એ જાણીને રાહત થઈ છે કે રાષ્ટ્રપ્રમુખ ટ્રમ્પ, ફર્સ્ટ લેડી મેલાનિયા ટ્રમ્પ અને ઉપરાષ્ટ્રપતિ જેડી વેન્સ સુરક્ષિત છે. હું તેમની નિરંતર સુરક્ષા અને કુશળતા માટે હૃદયપૂર્વક શુભેચ્છા પાઠવું છું. લોકશાહીમાં હિંસા માટે કોઈ સ્થાન નથી અને તેની એક સ્વરે નિંદા થવી જોઈએ.”
PM Modi on Trump Incident: ઘટનાની ગંભીરતા: જ્યારે ગોળીઓ ગાજી
જ્યારે હોટલના બોલરૂમમાં ડિનર પ્રોગ્રામ ચાલી રહ્યો હતો, ત્યારે અચાનક ફાયરિંગ શરૂ થયું હતું. સુરક્ષા એજન્સીઓ (સીક્રેટ સર્વિસ) એ ત્વરિત કાર્યવાહી કરીને ડોનાલ્ડ ટ્રમ્પ અને તેમના પરિવારને સુરક્ષિત સ્થળે ખસેડ્યા હતા. ટ્રમ્પે પાછળથી પુષ્ટિ કરી હતી કે સુરક્ષા એજન્સીઓએ બહાદુરીપૂર્વક શૂટરની ધરપકડ કરી લીધી છે અને હવે પરિસ્થિતિ નિયંત્રણમાં છે.
PM Modi on Trump Incident: વૈશ્વિક સ્તરે પ્રત્યાઘાત
માત્ર ભારત જ નહીં, પરંતુ અન્ય દેશોએ પણ આ હુમલાની ટીકા કરી છે. વેનેઝુએલાના કાર્યકારી રાષ્ટ્રપતિ ડેલ્સી રોડ્રિગેઝે પણ આ ઘટના પર દુઃખ વ્યક્ત કરતા જણાવ્યું હતું કે, શાંતિમાં માનનારા સમાજ માટે હિંસા ક્યારેય ઉકેલ કે વિકલ્પ હોઈ શકે નહીં.
લોકશાહી પર ખતરો?
વૈશ્વિક નેતાઓ આ ઘટનાને લોકશાહી પ્રણાલી પરના હુમલા તરીકે જોઈ રહ્યા છે. પીએમ મોદીના નિવેદને ફરી એકવાર સ્પષ્ટ કર્યું છે કે રાજકીય મતભેદો ગમે તેટલા હોય, પરંતુ હિંસાનો માર્ગ ક્યારેય સ્વીકાર્ય હોઈ શકે નહીં. હાલમાં અમેરિકન તપાસ એજન્સીઓ એ તપાસ કરી રહી છે કે હુમલાખોરનો મુખ્ય હેતુ શું હતો અને તેની પાછળ કોઈ મોટું ષડયંત્ર હતું કે કેમ.
વધુ સમાચાર વાંચવા માટે અંહી ક્લિક કરો
ગોંડલ હાઈવે પર કાળમુખો અકસ્માત ટાયર ફાટતાં પીકઅપ પલટી, બે શ્રમિકોના કમકમાટીભર્યા મોત
