Major Security Scare: વડાપ્રધાન નરેન્દ્ર મોદીના આગામી ઓસ્ટ્રેલિયા પ્રવાસ પહેલાં એક ચોંકાવનારા સમાચાર સામે આવ્યા છે. PM મોદીને જાનથી મારી નાખવાની ધમકી મળતા જ ઓસ્ટ્રેલિયાની સુરક્ષા એજન્સીઓ એલર્ટ થઈ ગઈ છે. ઓસ્ટ્રેલિયન ફેડરલ પોલીસ (AFP) આ સમગ્ર મામલે અત્યારે ગંભીરતાથી તપાસ ચલાવી રહી છે.
Major Security Scare: ફેસબુક પર ધમકી: “મોદી પોતાના મોત માટે આવી રહ્યા છે”
‘ધ ઓસ્ટ્રેલિયા ટુડે’ના એક અહેવાલ અનુસાર, આ ધમકી સોશિયલ મીડિયા પ્લેટફોર્મ ફેસબુક પર આપવામાં આવી હતી. ઓસ્ટ્રેલિયામાં યોજાનારા “મેલબર્ન મીટ્સ મોદી” કાર્યક્રમના પ્રચાર માટે મુકવામાં આવેલી એક પોસ્ટની નીચે આ વિવાદાસ્પદ કોમેન્ટ કરવામાં આવી હતી.
શું લખ્યું હતું ધમકીભરી પોસ્ટમાં? અબુ મુસ્તફા નામના ફેસબુક એકાઉન્ટ પરથી લખવામાં આવ્યું હતું કે: “કાર્યક્રમ દરમિયાન સ્ટેડિયમની છત બંધ રાખવી જોઈએ, નહીં તો તે ઓસ્ટ્રેલિયામાં પોતાના મોત માટે આવશે.”
Major Security Scare: તપાસ એજન્સીઓ એક્શનમાં: IP એડ્રેસ ટ્રેસ કરાયું
આ ધમકી સામે આવતા જ ઓસ્ટ્રેલિયન ફેડરલ પોલીસ તાત્કાલિક હરકતમાં આવી ગઈ છે. પ્રાથમિક તપાસમાં સુરક્ષા એજન્સીઓએ આ ધમકીભરી પોસ્ટ સાથે સંકળાયેલા IP એડ્રેસની ઓળખ કરી લીધી છે અને આરોપી સુધી પહોંચવા માટે ચક્રો ગતિમાન કર્યા છે. PM મોદીની સુરક્ષાને ધ્યાનમાં રાખીને ઓસ્ટ્રેલિયાના સુરક્ષા પ્રોટોકોલને વધુ કડક કરી દેવામાં આવ્યો છે.
Major Security Scare: શું છે PM મોદીનો ઓસ્ટ્રેલિયા પ્રવાસનો કાર્યક્રમ?
- પ્રવાસની તારીખ: 8 જુલાઈથી 10 જુલાઈ
- મુખ્ય કાર્યક્રમ: “મેલબર્ન મીટ્સ મોદી”
- ક્યારે યોજાશે: 9 જુલાઈ
- ક્યાં યોજાશે: માર્વેલ સ્ટેડિયમ, મેલબર્ન
આ કાર્યક્રમમાં વડાપ્રધાન મોદી પ્રવાસી ભારતીયોને સંબોધિત કરે તેવી પૂરેપૂરી શક્યતા છે. જોકે, આ ધમકી બાદ હવે સ્ટેડિયમ અને તેની આસપાસની સુરક્ષા વ્યવસ્થા લોખંડી કરી દેવામાં આવી છે. વૈશ્વિક નેતાની સુરક્ષામાં કોઈ ચૂક ન રહી જાય તે માટે ભારત અને ઓસ્ટ્રેલિયાની એજન્સીઓ સતત સંપર્કમાં છે.
વધુ સમાચાર વાંચવા માટે અંહી ક્લિક કરો
