Fire Breaks Out at Private Plant Near Mithapur: દેવભૂમિ મીઠાપુર નજીક આવેલી એક ખાનગી કંપનીમાં અચાનક આગ લાગવાની ઘટના સામે આવી છે. કંપનીના કન્વેયર બેલ્ટમાં અચાનક કોઈ કારણોસર આગ ભભૂકી ઉઠતાં અફરાતફરીનો માહોલ સર્જાયો હતો. જોકે, ફાયર વિભાગની તાત્કાલિક કામગીરીને કારણે એક મોટી દુર્ઘટના ટળી ગઈ છે.
Fire Breaks Out at Private Plant Near Mithapur: ઓખા ફાયર વિભાગે સમયસૂચકતા વાપરી
ઘટનાની જાણ થતાં જ ઓખા ફાયર વિભાગની ટીમ તાત્કાલિક ઘટનાસ્થળે દોડી ગઈ હતી. ફાયર વિભાગના કાફલાએ ભારે જહેમત બાદ સમયસૂચકતા વાપરીને આગ પર સંપૂર્ણ કાબૂ મેળવી લીધો હતો, જેના કારણે આગ વધુ ફેલાતી અટકી હતી.
Fire Breaks Out at Private Plant Near Mithapur: તમામ કામદારો સુરક્ષિત: મોટી જાનહાનિ ટળી
સૌથી રાહતના સમાચાર એ છે કે આગ લાગી ત્યારે કંપનીમાં હાજર તમામ કામદારોને સુરક્ષિત રીતે બહાર કાઢી લેવામાં આવ્યા હતા. ફાયર ફાઈટર્સ અને કંપનીના સ્ટાફની તત્પરતાને કારણે આ ભીષણ આગમાં કોઈ પણ પ્રકારની જાનહાનિ થઈ નથી.
આગ લાગવાનું કારણ હજુ અકબંધ
કન્વેયર બેલ્ટમાં આગ કયા કારણોસર લાગી તે હજી સુધી જાણી શકાયું નથી. આગ લાગવાનું ચોક્કસ કારણ હજુ પણ અકબંધ છે. આ અંગે ફાયર વિભાગ દ્વારા ઊંડાણપૂર્વક તપાસ શરૂ કરવામાં આવી છે.
વધુ સમાચાર વાંચવા માટે અંહી ક્લિક કરો: બોરસદ નગરપાલિકાની પ્રથમ સામાન્ય સભામાં ભારે ધમાસણ ચર્ચા વગર માત્ર 5 જ મિનિટમાં 37 કામો મંજૂર કરાતા વિપક્ષનો હોબાળો
