The Real King of Gir: સાસણ ગીરએશિયાઈ સિંહોના ગઢ ગણાતા ગીરમાં પ્રવાસીઓને કુદરતનો એક એવો નજારો જોવા મળ્યો જે નસીબદાર લોકોને જ જોવા મળે છે. સાસણ નેચર સફારી પાર્કમાં સહેલાણીઓ જ્યારે વનરાજાના દર્શન કરી રહ્યા હતા, ત્યારે સિંહ અને સિંહણે તેમની નજર સામે જ એક પશુનો શિકાર કરીને જંગલના કાયદાનો પરચો આપ્યો હતો.
The Real King of Gir: ઘટનાના મુખ્ય અંશ:
- બિલ્લી પગે સિંહણની ચાલ: વાઈરલ વીડિયોમાં જોઈ શકાય છે કે સિંહણ પ્રવાસીઓની જીપ્સી પાછળ અત્યંત ચતુરાઈથી સંતાઈને શિકાર તરફ આગળ વધે છે.
- 56 સેકન્ડનો રોમાંચ: માત્ર 56 સેકન્ડના આ વીડિયોમાં સિંહણે વીજળીક ઝડપે પશુ પર તરાપ મારી તેને દબોચી લીધું હતું. આ દ્રશ્ય જોઈ જીપ્સીમાં સવાર પ્રવાસીઓ સ્તબ્ધ થઈ ગયા હતા.
- દુર્લભ ઘટના: સામાન્ય રીતે સિંહો પ્રાઈવસીમાં શિકાર કરવાનું પસંદ કરે છે, પરંતુ પ્રવાસીઓની હાજરીમાં અને વાહનોની આસપાસ આ રીતે લાઈવ શિકારની ઘટના ભાગ્યે જ કેમેરામાં કેદ થતી હોય છે.
The Real King of Gir: પ્રવાસીઓમાં અનોખો રોમાંચ
સાસણ સફારી પાર્કમાં આ ઘટનાને નજરે જોનારા પ્રવાસીઓ માટે આ જીવનભરનું સંભારણું બની ગયું છે. વન્યજીવ પ્રેમીઓ આ વીડિયોને સોશિયલ મીડિયા પર ‘કિંગ ઓફ ગીર‘ના પાવર તરીકે શેર કરી રહ્યા છે. આ ઘટનાએ ફરી સાબિત કર્યું છે કે ગીરનું જંગલ આજે પણ તેના અસલી અને આક્રમક મિજાજ માટે વિશ્વભરમાં અજોડ છે.
વધુ સમાચાર વાંચવા માટે અંહી ક્લિક કરો: સાબરમતી જેલની સુરક્ષાના ધજાગરા મેન ગેટથી જ ફરાર થયો આજીવન કેદનો કેદી!
