CHAITAR VASAVA WIFE : તમે પુત્રો, પિતા, પતિ અને પત્નીઓને ચૂંટણીમાં એકબીજા માટે પ્રચાર કરતા જોયા અને સાંભળ્યા જ હશે, પરંતુ ગુજરાતમાં એક એવી લોકસભા બેઠક છે જ્યાં બે-બે પત્નીઓ એક પતિ માટે ચૂંટણી લડી રહી છે. આ ઘટના ગુજરાતની ભરૂચ સીટ પર જોવા મળી રહી છે જ્યાં તેમની બે પત્નીઓ શકુંતલા અને વર્ષા તેમના પતિ અને આમ આદમી પાર્ટીના ઉમેદવાર ચૈતર વસાવા માટે પ્રચાર કરી રહી છે.
ચૈતર આ આદિવાસી બહુમતી ધરાવતી બેઠક પરથી પહેલીવાર લોકસભાની ચૂંટણી લડી રહ્યાં છે. ચૈતરના માર્ગને સરળ બનાવવા માટે, તેમની બંને પત્નીઓ ભરૂચમાં ડોર ટુ ડોર પ્રચાર કરી રહી છે.એક તરફ ચૈતર એવા પુરૂષો અને યુવા મતદારોને મળીને તેમના મંતવ્યો રજૂ કરી રહ્યા છે, તો બીજી તરફ તેમની પત્નીઓ મહિલા મતદારોને રીઝવવામાં વ્યસ્ત છે.
CHAITAR VASAVA WIFE : કોણ છે ભરુચના ઉમેદવાર ચૈતર વસાવા ?
CHAITAR VASAVA WIFE : ચૈતર વસાવાએ 2014માં રાજકારણમાં પ્રવેશ કર્યો હતો. ચૈતર તે સમયે ગુજરાતમાં સરકારી નોકરી કરતા હતા. રાજકારણમાં આવવા માટે તેમણે નોકરીમાંથી રાજીનામું આપ્યું હતું.શરૂઆતમાં ચૈતર છોટુભાઈ વસાવાની પાર્ટી ભારતીય ટ્રાઈબલ પાર્ટી (BTP)માં જોડાઈ ગયા. 2017માં જ્યારે છોટુભાઈએ તેમના પુત્રને ડેડિયાપરા બેઠક પરથી મેદાનમાં ઉતાર્યા ત્યારે કમાન ચૈતરને આપવામાં આવી હતી. 2022ની વિધાનસભા ચૂંટણી પહેલા ચૈતરે BTP સામે બળવો કર્યો હતો. ચૈતરે છોટુભાઈ પર તેમની ઈચ્છા મુજબ પાર્ટી ચલાવવાનો આરોપ લગાવ્યો હતો.
ત્યારબાદ ચૈતર AAPમાં જોડાયા અને ડેડિયાપરા બેઠક પરથી ઉમેદવારી નોંધાવી હતી. ચૈતરના આ નિર્ણયને કારણે છોટુભાઈ બેકફૂટ પર આવી ગયા અને તેમણે ત્યાંથી તેમના પક્ષના ઉમેદવારનું નામ પાછું ખેંચી લીધું હતુ.ચૈતર હાલમાં આમ આદમી પાર્ટીના ગુજરાત યૂનિટના કાર્યકારી અધ્યક્ષ છે. ચૂંટણી એફિડેવિટ મુજબ ચૈતર વિરુદ્ધ 10 કેસ નોંધાયેલા છે. આમાંથી મોટાભાગના કેસ 2021 અને 2022માં દાખલ થયા છે.
CHAITAR VASAVA WIFE : વિધાનસભા ચૂંટણીમાં પહેલાવાર ચર્ચામાં આવી….
CHAITAR VASAVA WIFE : ચૈતર વસાવાની બંને પત્નીઓ પહેલીવાર વિધાનસભાની ચૂંટણી દરમિયાન ચર્ચામાં આવી હતી. ચૈતર ડેડિયાપાડા બેઠક પરથી AAPના સિમ્બોલ પર ચૂંટણી લડ્યા હતા. ચૈત્રને મદદ કરવા માટે, તેની બંને પત્નીઓએ ચાર્જ સંભાળ્યો હતો.ચૈતર આ ચૂંટણી 40 હજાર મતોથી જીતવામાં સફળ રહ્યા હતા. તેમણે ભારતીય જનતા પાર્ટીના હિતેશ કુમારને હરાવ્યા હતા. ભરૂચમાં ભાજપની આ એકમાત્ર બેઠક હતી. અહીં કોંગ્રેસના ઉમેદવારની જામીનગીરી જપ્ત કરવામાં આવી હતી.
CHAITAR VASAVA WIFE : ચૈતર વસાવાની બન્ને પત્નીઓને જાણો
CHAITAR VASAVA WIFE : ચૈતરભાઈ વસાવાને 2 પત્નીઓ અને 3 બાળકો છે. ચૂંટણી એફિડેવિટ મુજબ, શકુંતલાને એક અને તેમની બીજી પત્ની વર્ષાના બે બાળકો છે. 34 વર્ષીય ચૈતર આદિવાસી સમુદાયમાંથી આવે છે, જ્યાં બે વાર લગ્ન કરવાની પરવાનગી છે. ચૂંટણી સોગંદનામા મુજબ ચૈતરભાઈ વસાવાના પ્રથમ પત્ની શકુંતલા વસાવા છે. શકુંતલાનો વ્યવસાય ખેતી અને વેપાર છે. શકુંતલા જિલ્લા પંચાયતના પ્રમુખ પણ રહી ચૂક્યા છે.2014 પહેલા શકુંતલા ગુજરાત સરકારમાં કામ કરતી હતી, પરંતુ તેમના પતિના રાજકારણમાં પ્રવેશ્યા બાદ તેમણે આ નોકરી છોડી દીધી હતી. નોકરી છોડી ત્યારથી શકુંતલા આદિવાસી મહિલાઓની લડાઈ લડી રહી છે.પોતાના લગ્ન વિશે શકુંતલા એક ઈન્ટરવ્યુમાં કહે છે – અમે સાથે ભણતા હતા. આ સમય દરમિયાન અમે લગ્ન કરવાનું નક્કી કર્યું. શકુંતલા એક બાળકની માતા પણ છે.
વર્ષા વસાવા- વર્ષા ચૈતરની બીજી પત્ની છે. ચૈતરે દાખલ કરેલા એફિડેવિટમાં વર્ષાને ગૃહિણી ગણાવી છે. શકુંતલાના એક વર્ષ પછી ચૈતરે વર્ષા સાથે લગ્ન કર્યા હતા.વર્ષા પણ સરકારી નોકરીમાં રહી ચૂકી છે, પરંતુ તેણે પતિ માટે નોકરીમાંથી રાજીનામું આપી દીધું હતું. ચૂંટણી એફિડેવિટ મુજબ વર્ષા પાસે 3 લાખ 50 હજાર રૂપિયાની જ્વેલરી છે. વર્ષાના નામે લગભગ 4 લાખ રૂપિયાની પ્રોપર્ટી પણ છે.જ્યારે ચૈતર અને શકુંતલા જેલમાં હતા, ત્યારે વર્ષા જ સરકાર સામે મોરચો સંભાળે છે. આ સમય દરમિયાન વર્ષા તેના પતિ અને શકુંતલા માટે કોર્ટથી લઈને જમીન સુધી લડતી રહી.એક ઈન્ટરવ્યુમાં વર્ષાએ કહ્યું હતું કે હું, ચૈતર અને શકુંતલા સાથે ભણતા હતા. બાદમાં અમે અહીં લગ્ન કર્યા. અમે બધા સારી રીતે જીવીએ છીએ.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
