YEAR ENDER 2023 : ચાલો જાણીએ વર્ષ 2023માં બનેલી આવી 10 ઘટનાઓ, જે ભારત માટે યાદગાર રહી.
YEAR ENDER 2023: વર્ષ 2023 અલવિદા કહી રહ્યું છે. આપણે બધા નવા વર્ષ 2024ને આવકારવા તૈયાર છીએ. પસાર થતા વર્ષમાં દેશે ઘણી સિદ્ધિઓ હાંસલ કરી છે. ઘણા રેકોર્ડ બનાવ્યા. PRIME MINISTER NARENDRA MODIના નેતૃત્વમાં ભારતે આ વર્ષે ઘણી એવી સિદ્ધિઓ હાંસલ કરી છે, જે ઇતિહાસના પાનાઓમાં નોંધાયેલી છે. ચાલો જાણીએ ભારત માટે વર્ષ 2023ની 10 યાદગાર ક્ષણો…
1. G-20 સમિટ
9 અને 10 સપ્ટેમ્બરના રોજ ‘ભારત મંડપમ’ ખાતે ભારતની અધ્યક્ષતામાં G-20 SUMMITનું આયોજન કરવામાં આવ્યું હતું. પ્રથમ વખત સમિટમાં વિકસિત દેશોનો એક્કો ન ચાલ્યો. અમેરિકી રાષ્ટ્રપતિ જો બાઈડેન, ઈટાલિયન પીએમ જ્યોર્જિયા મેલોની, બ્રિટિશ વડાપ્રધાન ઋષિ સુનક, ફ્રાંસના રાષ્ટ્રપતિ ઈમેન્યુઅલ મેક્રોન સહિત ઘણા મોટા નેતાઓએ સમિટમાં હાજરી આપી હતી.
2. ચંદ્રયાન-3નું સોફ્ટ લેન્ડિંગ
આ વર્ષે ચંદ્રયાન-3 ચંદ્રની સપાટી પર સફળતાપૂર્વક લેન્ડ થયું છે. આ સાથે ભારત ચંદ્રના દક્ષિણ ધ્રુવ પર ઉતરનાર વિશ્વનો પ્રથમ દેશ બન્યો છે. જ્યારે ચંદ્રની સપાટી પર લેન્ડના મામલે ભારત વિશ્વનો ચોથો દેશ છે
3. દેશને નવી સંસદ ભવન મળી
28 મેના રોજ પીએમ મોદીએ નવી સંસદ ભવન દેશને સંપૂર્ણ ધાર્મિક વિધિઓ સાથે સમર્પિત કર્યું હતું. 4 માળની નવી સંસદ ભવન કુલ 64500 ચોરસ મીટર વિસ્તારમાં બનેલી છે. 862 કરોડના ખર્ચે નવી સંસદ ભવન તૈયાર કરવામાં આવી છે.
4. એશિયન ગેમ્સમાં મેડલની સંખ્યા 100ને પાર
ભારતે આ વખતની એશિયન ગેમ્સમાં ઈતિહાસ રચ્યો હતો. 28 ગોલ્ડ, 38 સિલ્વર અને 41 બ્રોન્ઝ સાથે ભારતીય ખેલાડીઓએ દેશ માટે કુલ 107 મેડલ જીત્યા હતા. 72 વર્ષના ઈતિહાસમાં આ પહેલીવાર બન્યું જ્યારે ભારતીય ખેલાડીઓએ એશિયન ગેમ્સમાં 100થી વધુ મેડલ જીત્યા.
5. ઓસ્કારમાં ભારત
13 માર્ચ, 2023 ના રોજ, સમગ્ર ભારત માટે એક ગર્વની ક્ષણ આવી જ્યારે RRRના ગીત નાટુ નાટુ અને The Elephant Whisperers એ ઓસ્કાર 2023 જીત્યો. 25 માર્ચ 2022ના રોજ રિલીઝ થયેલી રાજામૌલીની ફિલ્મ RRR ના નાટુ-નાટુ ગીતે ઓસ્કાર પહેલા ગોલ્ડન ગ્લોબ એવોર્ડ જીતીને ઈતિહાસ રચ્યો હતો.
6. PM મોદીને 5 દેશોમાંથી સર્વોચ્ચ સન્માન મળ્યું
વર્ષ 2023માં પીએમ મોદીને પાંચ દેશોમાંથી સર્વોચ્ચ સન્માન મળ્યું હતું. પીએમ મોદીને 2016 થી 2023 સુધી લગભગ 14 દેશો તરફથી વિશેષ સન્માન મળ્યા છે. આમાં ફિજીનું સર્વોચ્ચ સન્માન, ગિનીનું સર્વોચ્ચ સન્માન, ઇજિપ્તનું સર્વોચ્ચ સન્માન સામેલ છે.
7. ભારતમાં વિશ્વનું સૌથી ઝડપી 5G રોલઆઉટ
ભારતે વિશ્વનું સૌથી ઝડપી 5G રોલઆઉટ હાંસલ કરીને વધુ એક રેકોર્ડ બનાવ્યો છે. 5G નેટવર્ક દેશના 738 જિલ્લાઓ અને લગભગ 100 મિલિયન યુઝર્સને સેવા આપે છે. 5G નું આટલું ઝડપી રોલઆઉટ એ ભારતની તકનીકી ક્ષેત્રમાં પ્રગતિનો મોટો પુરાવો છે.
8. વિશ્વમાં સૌથી ઝડપથી વિકસતું અર્થતંત્ર
ભારતને આ વર્ષે વિશ્વની સૌથી ઝડપથી વિકસતી અર્થવ્યવસ્થાનો ખિતાબ મળ્યો છે. ભારતે દાવો કર્યો છે કે તે વિશ્વના ટોચના 3 દેશોમાં સામેલ થશે, જે આનો ઉત્તમ પુરાવો છે. (YEAR ENDER 2023)
9. ભારતને સૌથી લાંબી ક્રૂઝ MV વિલાસની ભેંટ
વડાપ્રધાન નરેન્દ્ર મોદીએ આ વર્ષે વિશ્વની સૌથી લાંબી રિવર ક્રૂઝ અને ભારતનું પ્રથમ નિર્મિત ક્રૂઝ શિપ એમવી ગંગા વિલાસ લોન્ચ કર્યું. આ ક્રૂઝ 51 દિવસમાં 3200 કિમીનું અંતર કાપે છે અને તેનું રૂટ બાંગ્લાદેશ થઈને આસામના ડિબ્રુગઢ ખાતે પૂરું થાય છે.
10. ભારતને વિશ્વનું સૌથી મોટું ધ્યાન કેન્દ્ર મળ્યું (YEAR ENDER 2023)
પીએમ મોદીએ તાજેતરમાં ઉત્તર પ્રદેશના વારાણસીમાં વિશ્વના સૌથી મોટા ધ્યાન કેન્દ્ર સ્વરવેદ મહામંદિરનું ઉદ્ઘાટન કર્યું છે. સાત માળના આ મહા મંદિરમાં એક સાથે 20 હજાર લોકો ધ્યાન કરી શકે છે. તેને પૂર્ણ કરવામાં લગભગ 20 વર્ષ લાગ્યાં. આ સ્વર્વેદ મહામંદિર 3,00,000 ચોરસ ફૂટના વિશાળ વિસ્તારમાં ફેલાયેલું છે.
આશા રાખીએ છે કે નવા વર્ષ 2024માં પણ ભારત ઘણા રેકોર્ડ બનાવે
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
