Weather Alert: ગુજરાતમાં કાળઝાળ ઉનાળા વચ્ચે મેઘરાજાએ ત્રીજી વખત ધબધબાટી બોલાવી છે. આજે 3 એપ્રિલના રોજ અમદાવાદ સહિત રાજ્યના અનેક જિલ્લાઓમાં વાતાવરણમાં પલટો આવ્યો હતો. અમદાવાદના પૂર્વ વિસ્તાર એવા વસ્ત્રાલ અને સિંગરવામાં ભારે પવન સાથે બરફના કરા પડતા લોકો આશ્ચર્યચકિત થઈ ગયા હતા.
Weather Alert: વેરાવળમાં મેઘરાજાની તોફાની બેટિંગ
સૌરાષ્ટ્રના દરિયાકાંઠાના વિસ્તારોમાં વરસાદે રૌદ્ર સ્વરૂપ ધારણ કર્યું હતું. ગીર સોમનાથના વેરાવળમાં માત્ર 20 મિનિટમાં 1 ઈંચ જેટલો વરસાદ ખાબક્યો હતો, જેના કારણે રસ્તાઓ પર પાણી ફરી વળ્યા હતા. આ સિવાય ભાવનગર, પાટણ અને બનાસકાંઠામાં પણ વીજળીના કડાકા-ભડાકા સાથે વરસાદી માહોલ જામ્યો હતો.
Weather Alert: બે વરસાદી સિસ્ટમ સક્રિય: હજુ પણ આગાહી
હવામાન વિભાગના વૈજ્ઞાનિક પ્રદીપ શર્માના જણાવ્યા અનુસાર, રાજ્યમાં હાલ બે વેસ્ટર્ન ડિસ્ટર્બન્સની સિસ્ટમ સક્રિય છે.
- આગામી 3 કલાક: મધ્યમ વરસાદ સાથે કરા પડવાની શક્યતા.
- 7 એપ્રિલ: ફરી એકવાર કચ્છ અને ઉત્તર ગુજરાતમાં હળવા વરસાદની આગાહી.
- તાપમાન: વરસાદને કારણે ગરમીમાં ઘટાડો નોંધાયો છે, અમદાવાદમાં આજે મહત્તમ તાપમાન 36 ડિગ્રી રહેવાની શક્યતા છે.
કેરીના પાક પર ‘માવઠા’ની માઠી અસર
એક તરફ ગરમીથી રાહત મળી છે, પરંતુ બીજી તરફ આ વરસાદ ખેડૂતો માટે આફત બનીને આવ્યો છે.
- બાગાયતી પાક: ખાસ કરીને આંબાના બગીચાઓમાં તૈયાર થયેલી કેરીને ભારે પવન અને કરાથી મોટું નુકસાન થવાની ભીતિ છે.
- રવી પાક: ખેતરમાં પડેલા જીરૂ, બાજરી અને અન્ય ઉનાળુ પાક પલળી જવાથી ખેડૂતો મુશ્કેલીમાં મુકાયા છે.
વધુ સમાચાર વાંચવા માટે અંહી ક્લિક કરો
અવકાશમાં નવો ઇતિહાસ પૃથ્વીની કક્ષા છોડી 34,000 કિમીની ઝડપે ચંદ્ર તરફ રવાના થયા 4 અવકાશયાત્રીઓ
