Traffic Rules Tightened: ભારત સરકારના રોડ ટ્રાન્સપોર્ટ અને હાઈવે મંત્રાલય દ્વારા કેન્દ્રીય મોટર વાહન નિયમોમાં ખૂબ જ કડક સુધારા કરવામાં આવ્યા છે. હવે જો તમે ટ્રાફિક નિયમોનું વારંવાર ઉલ્લંઘન કરશો તો માત્ર દંડ ભરીને છૂટી શકાશે નહીં, પરંતુ ડ્રાઇવિંગ લાયસન્સ ગુમાવવાનો પણ વારો આવી શકે છે. ગુજરાત સરકાર દ્વારા પણ રાજ્યના નાગરિકોને આ નવા નિયમોનું પાલન કરવા અને બાકી ઈ-ચલણ સમયસર ભરી દેવા તાકીદ કરવામાં આવી છે.
Traffic Rules Tightened: નવા નિયમોની 5 મહત્વની બાબતો:
1. લાયસન્સ થશે સસ્પેન્ડ: નવા સુધારા મુજબ, જો કોઈ વાહનચાલક કે માલિકના નામે એક જ વર્ષમાં 5 કે તેથી વધુ વખત ઈ-ચલણ ઈશ્યુ થશે, તો તેમનું ડ્રાઇવિંગ લાયસન્સ તાત્કાલિક ધોરણે સસ્પેન્ડ કરવાની કાર્યવાહી કરવામાં આવશે.
2. ફરિયાદ માટે 45 દિવસની મુદત: જો તમને લાગે કે ઈ-ચલણ ભૂલથી ફાટ્યું છે, તો તમે ચલણ મળ્યાના 45 દિવસમાં ‘ઈ-ચલણ પોર્ટલ’ પર ઓનલાઈન વાંધો રજૂ કરી શકશો. જો 45 દિવસમાં કોઈ ફરિયાદ નહીં થાય, તો ચલણ આપોઆપ સ્વીકૃત માની લેવામાં આવશે.
3. વાહન પોર્ટલ પર ‘બ્લોકિંગ’: ચલણ સ્વીકાર્યાના 30 દિવસમાં જો રકમ નહીં ભરો, તો તમારું વાહન ‘વાહન પોર્ટલ’ પર “Not to be transacted” શ્રેણીમાં મૂકી દેવાશે. આનો અર્થ એ કે, જ્યાં સુધી દંડ નહીં ભરાય ત્યાં સુધી તમે વાહન વેચી શકશો નહીં, પાસિંગ કરાવી શકશો નહીં કે આર.સી. બુક સંબંધિત કોઈ પણ સરકારી કામ કરી શકશો નહીં.
4. ચલણ ન ભર્યું તો સેવાઓ બંધ: વાહન બ્લોક થવાને કારણે મોટર વાહનના સરકારી ટેક્સ સિવાયની તમામ વહીવટી પ્રક્રિયાઓ જેવી કે ડ્રાઇવિંગ લાયસન્સ રિન્યુઅલ કે અન્ય અરજીઓ પર રોક લગાવી દેવામાં આવશે.
5. ફરિયાદ નકારાય તો શું? જો તમે કરેલી ફરિયાદ સત્તાધિકારી નકારી કાઢે, તો 30 દિવસમાં પૂરી રકમ ભરવી પડશે અથવા 50% ડિપોઝિટ ભરીને કોર્ટમાં અપીલ કરવાની રહેશે. જો આ બંને નહીં કરો, તો 15 દિવસમાં વાહન બ્લોક કરી દેવાશે.
Traffic Rules Tightened: સરકારની અપીલ:
ગુજરાત સરકાર દ્વારા નાગરિકોને નમ્ર અપીલ કરવામાં આવી છે કે કાયદાકીય ગૂંચવણો અને લાયસન્સ સસ્પેન્ડ થવા જેવી સ્થિતિથી બચવા માટે ટ્રાફિક નિયમોનું ચુસ્ત પાલન કરો અને બાકી રહેલા ઈ-ચલણ સત્વરે ભરી દો.
વધુ સમાચાર વાંચવા માટે અંહી ક્લિક કરો
જેતપુરમાં અરેરાટી ચારણિયા ગામે રમતા રમતા પાણીની કુંડીમાં પડી જતાં અઢી વર્ષના માસૂમનું મોત
