Tapi Cyber Crime Mega Crackdown: તાપી સાયબર ક્રાઈમની ટીમને એક બહુ મોટી સફળતા મળી છે. પોલીસના ખાસ ઓપરેશન ‘મ્યુલ હંટ 2.0’ (Operation Mule Hunt 2.0) અંતર્ગત વ્યારામાંથી સાયબર ફ્રોડના નાણાં સગેવગે કરનાર એક મુખ્ય આરોપીને દબોચી લેવામાં આવ્યો છે. આ સમગ્ર નેટવર્કનો વ્યાપ દેશભરમાં ફેલાયેલો હોવાનું સામે આવ્યું છે.
Tapi Cyber Crime Mega Crackdown: આરોપીની ઓળખ:
- નામ: આકાશ કુમાવત
- રહેવાસી: દાદરી ફળીયું, વ્યારા (તાપી)
બેંક ખાતામાંથી કરોડોના વ્યવહારોનો ખુલાસો:
પોલીસની પ્રાથમિક તપાસ દરમિયાન ચોંકાવનારી વિગતો સામે આવી છે. આરોપી આકાશ કુમાવતના અલગ-અલગ બેંક ખાતાઓમાંથી ₹5.12 કરોડથી વધુ રૂપિયાના શંકાસ્પદ વ્યવહારો મળી આવ્યા છે, જે સાયબર ફ્રોડ દ્વારા મેળવવામાં આવ્યા હતા.
Tapi Cyber Crime Mega Crackdown: 10% કમિશનની લાલચમાં ખોલાવતો હતો ખાતા:
આરોપી આકાશ કમિશનની લાલચમાં આ આખી ગેંગ સાથે જોડાયો હતો. તે અલગ-અલગ બેંકોમાં પોતાના નામના ખાતા ખોલાવતો અને સાયબર ઠગાઈના પૈસા પોતાના ખાતામાં મંગાવી, 10 ટકા કમિશન રાખીને બાકીના નાણાં સગેવગે કરી આપવાનું કામ કરતો હતો.
Tapi Cyber Crime Mega Crackdown: દેશભરમાં 65 ગુનાઓ સાથે કનેક્શન:
આ નેટવર્ક કેટલું મોટું છે તેનો અંદાજ એ વાત પરથી લગાવી શકાય કે, તપાસ દરમિયાન દેશભરમાંથી નોંધાયેલી 65 જેટલી સાયબર ફરિયાદોના તાર આ કૌભાંડ સાથે જોડાયા છે. આ ફરિયાદોમાં કુલ ₹12.75 કરોડથી વધુની ઓનલાઇન ઠગાઈ થઈ હોવાનું સપાટી પર આવ્યું છે.
પોલીસની કડક કાર્યવાહી:
તાપી પોલીસે આ મામલે અત્યાર સુધીમાં કુલ 5 આરોપીઓ સામે ગુનો નોંધી લીધો છે. પકડાયેલા આરોપી આકાશ કુમાવતની સઘન પૂછપરછ ચાલી રહી છે, જેના આધારે આ રેકેટમાં સામેલ અન્ય ચાર સાગરીતોને ઝડપી પાડવા માટે પોલીસે ચક્રો ગતિમાન કર્યા છે.
વધુ સમાચાર વાંચવા માટે અંહી ક્લિક કરો: જેતપુર-જૂનાગઢ હાઈવે પર હૃદયદ્રાવક અકસ્માત એક GRD જવાનનું મોત, અન્ય એક ગંભીર
