તમિલનાડુના મુખ્યમંત્રી એમ.કે. સ્ટાલિને શું કરી માંગ?

તમિલનાડુના મુખ્યમંત્રી એમ.કે. સ્ટાલિને કેન્દ્રને તામિલનાડુની બોટ પર માલદીવ દ્વારા લાદવામાં આવેલ રૂ. 2.25 કરોડનો દંડ માફ કરવા વિનંતી કરી હતી.તમિલનાડુના મુખ્યમંત્રી એમ.કે. સ્ટાલિને સોમવારે કેન્દ્રને તામિલનાડુની એક બોટ પર માલદીવ દ્વારા લાદવામાં આવેલ રૂ. 2.25 કરોડનો દંડ માફ કરવા અને ધરપકડ કરાયેલા 12 માછીમારો અને તેમની બોટને સુરક્ષિત મુક્ત કરવા વિનંતી કરી હતી.વિદેશ મંત્રી એસ જયશંકરને લખેલા પત્રમાં મુખ્યમંત્રીએ કહ્યું કે માલદીવ કોસ્ટ ગાર્ડે 22 ઓક્ટોબરે તામિલનાડુમાંથી 12 માછીમારોની ધરપકડ કરી હતી અને તેમની બોટ પણ કથિત રીતે ટાપુ રાષ્ટ્રના પ્રાદેશિક જળસીમામાં પ્રવેશવા બદલ જપ્ત કરવામાં આવી હતી.1 નવેમ્બર, 2023ના રોજ, માલદીવે માછીમારીના જહાજના સંચાલક પર MVR 42,00,000 (આશરે રૂ. 2.25 કરોડ)નો દંડ લાદ્યો હતો. માલદીવના સત્તાવાળાઓએ માહિતી આપી છે કે નોટિસ મળ્યાના 30 દિવસની અંદર દંડ ચૂકવવો આવશ્યક છે અને જ્યાં સુધી દંડ ચૂકવવામાં ન આવે ત્યાં સુધી જહાજ તેમના દ્વારા અટકાયતમાં રાખવામાં આવશે.મુખ્યમંત્રીએ કહ્યું, તેથી, આ માછીમારો વતી, હું તમને તાત્કાલિક દરમિયાનગીરી કરવા અને જહાજ પર લાદવામાં આવેલ દંડની માફીની માંગ કરવા વિનંતી કરું છું. મુખ્યમંત્રીએ માછીમારો અને તેમની ફિશિંગ બોટને વહેલી તકે મુક્ત કરવાની ખાતરી કરવા જયશંકરને વિનંતી કરી હતી. તેમણે કહ્યું, હું માનું છું કે તમારો સમયસર હસ્તક્ષેપ આ માછીમારો અને તેમના પરિવારોને રાહત આપી શકે છે, જેઓ અત્યારે અત્યંત મુશ્કેલ પરિસ્થિતિનો સામનો કરી રહ્યા છે.

વાંચો અહીં મહારાષ્ટ્રના મંત્રી ધનંજય મુંડેએ શું કરી માંગ ?