Shameful Negligence in Rajkot: રાજકોટ શહેરમાં પર્યાવરણ અને લોકોના આરોગ્ય સાથે ગંભીર ચેડાં થવાની વધુ એક ઘટના સામે આવી છે. શહેરની લાલપરી નદીના પટમાં મોટી માત્રામાં એક્સપાયર થયેલી (મુદત પૂરી થયેલી) દવાનો જથ્થો બિનવારસી હાલતમાં ફેંકાયેલો મળી આવતા ચકચાર મચી ગઈ છે.
Shameful Negligence in Rajkot: 3 જેટલા થેલા ભરીને ફેંકાઈ દવાઓ
મળતી માહિતી મુજબ, લાલપરી નદીના પટમાં કોઈ અજાણ્યા શખ્સો દ્વારા અનેક અલગ-અલગ પ્રકારની એક્સપાયરી દવાઓથી ભરેલા ૩ જેટલા મોટા થેલા ફેંકી દેવામાં આવ્યા છે. નિયમ અનુસાર, મુદત પૂરી થયેલી મેડિકલ વેસ્ટ અને દવાઓનો વૈજ્ઞાનિક ઢબે અને યોગ્ય પ્રક્રિયા દ્વારા જ નિકાલ કરવાનો હોય છે. તેમ છતાં, નિયમોને નેવે મૂકીને આ પ્રકારે ખુલ્લામાં દવાઓ ફેંકી દેવાતા અનેક સવાલો ઊભા થયા છે.
Shameful Negligence in Rajkot: આ જ જગ્યાએ અગાઉ પણ ફેંકાયો હતો સરકારી દવાઓનો જથ્થો
આ કોઈ પ્રથમ ઘટના નથી! રાજકોટમાં અગાઉ પણ આ જ સ્થળે સરકારી દવાઓનો મોટો જથ્થો બિનવારસી હાલતમાં ફેંકવામાં આવ્યો હતો. વારંવાર એક જ જગ્યાએ આ પ્રકારે દવાનો જથ્થો ફેંકવામાં આવતો હોવાથી સ્થાનિકોમાં પણ ભારે રોષ જોવા મળી રહ્યો છે. અનુમાન લગાવવામાં આવી રહ્યું છે કે, આ કૃત્ય કોઈ મેડિકલ હોલસેલર અથવા દવાના મોટા વિક્રેતાઓ દ્વારા પોતાના પાપ પર પડદો પાડવા માટે કરવામાં આવ્યું હોઈ શકે છે.
Shameful Negligence in Rajkot: સૌથી મોટો સવાલ: તંત્ર કેમ કોઈ કાર્યવાહી કરતું નથી?
આ ઘટના બાદ તંત્રની કામગીરી સામે મોટા સવાલો ઉઠી રહ્યા છે:
- જો વારંવાર આ પ્રકારે જોખમી દવાનો નિકાલ ખુલ્લામાં કરવામાં આવે છે, તો ડ્રગ્સ વિભાગ અને કોર્પોરેશનનું તંત્ર કેમ ઊંઘતું ઝડપાયું છે?
- બેદરકારો સામે હજુ સુધી કેમ કોઈ કડક કાનૂની કાર્યવાહી કે તપાસ કરવામાં આવતી નથી?
- જો આ દવાઓ કોઈ પશુ ખાઈ જાય અથવા ચોમાસામાં નદીના પાણી સાથે ભળે, તો લોકોના સ્વાસ્થ્યનું શું?
સ્થાનિક લોકો હવે માગ કરી રહ્યા છે કે આ મામલે તાત્કાલિક સીસીટીવી ફૂટેજ અને દવાની બેચ લિસ્ટ ચેક કરીને જવાબદારો સામે કડક પગલાં લેવામાં આવે.
વધુ સમાચાર વાંચવા માટે અંહી ક્લિક કરો: ભરત ચૌહાણ મોત કેસ: પીએમ રિપોર્ટમાં ચોંકાવનારા ખુલાસા બાદ પોલીસ તપાસ સામે ઉઠ્યા સવાલો.
