Russia’s Deadly Assault on Ukraine: રશિયા અને યુક્રેન વચ્ચેનું યુદ્ધ હવે અત્યંત ભયાનક સ્તરે પહોંચી ગયું છે. રવિવારે રશિયાએ યુક્રેન પર અત્યાર સુધીનો સૌથી મોટો અને પ્રલયકારી હુમલો કર્યો છે. રશિયન સેનાએ આખી રાત દરમિયાન 600 ડ્રોન અને 90 મિસાઈલો સહિત કુલ 690 હુમલા કરીને યુક્રેનની રાજધાની કિવ સહિતના વિસ્તારોને ધ્રુજાવી દીધા હતા. આ ભીષણ હુમલામાં 4 લોકોના મોત થયા છે અને ડઝનબંધ લોકો ઘાયલ થયા છે, જ્યારે શાળા, બજાર અને રહેણાંક વિસ્તારો બળીને ખાખ થઈ ગયા છે.
Russia’s Deadly Assault on Ukraine: ત્રીજી વખત ઘાતક ‘ઓરેશ્નિક’ મિસાઈલનો ઉપયોગ
આ હુમલાની સૌથી ચિંતાજનક બાબત એ છે કે રશિયાએ તેમાં પરમાણુ હથિયાર લઈ જવામાં સક્ષમ એવી સુપરસોનિક ‘ઓરેશ્નિક’ (Oreshnik) બેલિસ્ટિક મિસાઈલનો ઉપયોગ કર્યો હતો. ઇતિહાસમાં રશિયાએ માત્ર ત્રીજી વખત આ મિસાઈલ છોડી છે, જે યુક્રેનના બિલા ત્સેરક્વા શહેર નજીક પડી હતી. યુક્રેનના વિદેશ મંત્રી આન્દ્રી સિબીહાના જણાવ્યા અનુસાર, આ મિસાઈલમાં હાલ ‘ડમી વોરહેડ’ (નકલી દારૂગોળો) લગાવવામાં આવ્યો હતો.
Russia’s Deadly Assault on Ukraine: શું છે ઓરેશ્નિક મિસાઈલ?
અમેરિકાના મતે આ એક મધ્યમ અંતરની બેલિસ્ટિક મિસાઈલ છે. તેની ગતિ અને ઉડવાની રીત એટલી ફાસ્ટ છે કે યુક્રેનની વર્તમાન એર ડિફેન્સ સિસ્ટમ માટે તેને હવામાં રોકવી અશક્ય સમાન છે.
Russia’s Deadly Assault on Ukraine: હુમલાના મુખ્ય અંશો અને નુકસાની
- કિવ મુખ્ય ટાર્ગેટ: યુક્રેનિયન એરફોર્સે 690 માંથી 604 હથિયારોને હવામાં તોડી પાડ્યા હતા, પરંતુ ઘણી બેલિસ્ટિક મિસાઈલો સીધી કિવ પર પડી હતી.
- જાહેર સંપત્તિને નુકસાન: રાષ્ટ્રપતિ ઝેલેન્સકીએ જણાવ્યું કે રશિયાએ જાણી જોઈને નાગરિકોને નિશાન બનાવ્યા છે. હુમલામાં પાણી પુરવઠાની સુવિધા ખોરવાઈ ગઈ છે, એક આખું બજાર બળી ગયું છે અને શાળાઓ-ઘરો નાશ પામ્યા છે.
- ઝેલેન્સકીનો પુતિન પર પ્રહાર: ઝેલેન્સકીએ ગુસ્સામાં કહ્યું, “તેઓ (રશિયા) ખરેખર પાગલ થઈ ગયા છે. વિશ્વના દેશોએ મોસ્કોમાં બેઠેલા વૃદ્ધ વ્યક્તિ (પુતિન) પર એટલું દબાણ કરવું જોઈએ કે તેઓ યુદ્ધ રોકે.”
Russia’s Deadly Assault on Ukraine: ઓરેશ્નિક મિસાઈલનો અત્યાર સુધીનો ઈતિહાસ
| ક્રમ | સમય | ક્યાં હુમલો કર્યો? | ટાર્ગેટ અને વિગત |
| ૧ | 21 નવેમ્બર 2024 | દ્નીપ્રો શહેર | પિવદેનમાશ એરોસ્પેસ પ્લાન્ટ પર પ્રથમ પ્રયોગ. |
| ૨ | જાન્યુઆરી 2026 | પશ્ચિમી યુક્રેન (લ્વીવ) | લ્વીવ સ્ટેટ એવિએશન રિપેર પ્લાન્ટને નિશાન બનાવ્યો. |
| ૩ | મે 2026 (હાલમાં) | બિલા ત્સેરક્વા (કિવ નજીક) | ડમી વોરહેડ સાથે રાજકીય ભય ફેલાવવાનો પ્રયાસ. |
Russia’s Deadly Assault on Ukraine: પુતિનનો દાવો: “યુક્રેનના આતંકી હુમલાનો જવાબ આપ્યો”
રશિયન રાષ્ટ્રપતિ વ્લાદિમીર પુતિને આ હુમલાને યુક્રેનની કાર્યવાહીનો જવાબ ગણાવ્યો છે. પુતિનનો આરોપ છે કે શુક્રવારે યુક્રેનના ડ્રોને રશિયા હસ્તકના લુહાન્સ્ક ક્ષેત્રમાં એક કોલેજ હોસ્ટેલ પર હુમલો કર્યો હતો, જેમાં નિર્દોષ બાળકો સહિત માર્યા ગયેલા લોકોની સંખ્યા વધીને 18 થઈ ગઈ છે. જોકે, યુક્રેનિયન સેનાએ આ આરોપોને નકારી કાઢતા કહ્યું કે તેઓ માત્ર મિલિટરી લોકેશનને જ ટાર્ગેટ કરે છે.
Russia’s Deadly Assault on Ukraine: વૈશ્વિક સ્તરે ઘેરા પ્રત્યાઘાતો
રશિયાના આ પગલાથી યુરોપિયન દેશો ભારે નારાજ છે:
- યુરોપિયન યુનિયન (EU): ઓરેશ્નિકનો ઉપયોગ એ માત્ર રાજકીય ભય પેદા કરવાનો અને પરમાણુ શક્તિ પ્રદર્શનનો ખતરનાક પ્રયાસ છે.
- ફ્રાન્સ (ઇમેન્યુઅલ મેક્રોન): આ રશિયા તરફથી ભારે ઉશ્કેરણીજનક કૃત્ય છે.
- જર્મની (ફ્રીડરિચ મર્ઝ): આ અત્યંત બેજવાબદાર પગલું છે, જર્મની યુક્રેનની સાથે મજબૂતીથી ઊભું રહેશે.
વધુ સમાચાર વાંચવા માટે અંહી ક્લિક કરો
