RRvsDC : ઈન્ડિયન પ્રીમિયર લીગ (આઈપીએલ)ની 17મી સિઝનની મેચ નંબર-9માં ગુરુવારે (28 માર્ચ) આજે દિલ્હી કેપિટલ્સ (ડીસી) રાજસ્થાન રોયલ્સ (આરઆર) સામે ટકરાશે. બંને ટીમો વચ્ચેની આ મેચ જયપુરના સવાઈ માનસિંહ સ્ટેડિયમમાં રમાશે. રાજસ્થાન રોયલ્સે પ્રથમ મેચમાં લખનૌ સુપર જાયન્ટ્સ (એલએસજી)ને 20 રને હરાવ્યું હતું. બીજી તરફ દિલ્હી કેપિટલ્સને તેની પ્રથમ મેચમાં પંજાબ કિંગ્સ (PBKS)ના હાથે 4 વિકેટે હારનો સામનો કરવો પડ્યો હતો.
RRvsDC : ઋષભ પંત આ રેકોર્ડ બનાવશે
RRvsDC : આ મેચમાં તમામની નજર દિલ્હી કેપિટલ્સના કેપ્ટન રિષભ પંત પર રહેશે. આ મેચમાં એન્ટ્રી કરીને રિષભ એક મોટો રેકોર્ડ પોતાના નામે કરી લેશે. રિષભ IPLમાં દિલ્હી કેપિટલ્સ માટે 100 મેચ રમનાર ખેલાડી બનશે. હાલમાં, રિષભ દિલ્હી કેપિટલ્સ માટે સૌથી વધુ મેચ રમવાના મામલે અમિત મિશ્રાની બરાબરી પર છે. પંત અને મિશ્રાએ આઈપીએલમાં દિલ્હી કેપિટલ્સ માટે 99-99 મેચ રમી છે.
કાર અકસ્માતને કારણે 453 દિવસ બહાર રહ્યા બાદ પંત મુલ્લાનપુરમાં તેના નવા હોમ ગ્રાઉન્ડ પર પંજાબ કિંગ્સ સામે પરત ફરતી વખતે માત્ર 13 બોલ (18 રન) જ ટકી શક્યો હતો. જોકે પંતે વિકેટ પાછળ પ્રભાવિત કર્યો અને જીતેશ શર્માને પણ સ્ટમ્પ કર્યા. તેની પ્રથમ મેચના પ્રારંભિક ડરને દૂર કર્યા પછી, હવે પંત ટૂંક સમયમાં તેની લય શોધવા માટે પ્રયાસ કરશે.
RRvsDC : ઈશાંતની ઈજાના કારણે દિલ્હીનું ટેન્શન વધ્યું
RRvsDC :ઇશાંત શર્માને ગત મેચમાંપગની ઘૂંટી પર ઈજા થયાના પણ સમાચાર છે.ઝડપી બોલર ઇશાંત શર્મા કેટલીક મેચોમાંથી બહાર થઈ શકે છે. ટીમને કુલદીપ યાદવ અને અક્ષર પટેલની સ્પિન જોડી પાસેથી પણ ઘણી અપેક્ષાઓ હશે. છેલ્લી મેચમાં, સવાઈ માનસિંહ સ્ટેડિયમની સૂકી પીચ પર, રાજસ્થાન રોયલ્સની ઓપનિંગ જોડી જોસ બટલર અને યશસ્વી જયસ્વાલને લખનૌ સુપર જાયન્ટ્સના બોલરો સામે મુશ્કેલીનો સામનો કરવો પડ્યો હતો.
જોકે, સંજુ સેમસનના અણનમ 82 રનની મદદથી રોયલ્સ ટીમ 20 રનથી જીતવામાં સફળ રહી હતી. સતત પાંચમી વખત રોયલ્સ સિઝનની પ્રથમ મેચમાં અડધી સદી ફટકારીને, સેમસને આગામી T20 વર્લ્ડ કપ માટે ભારતીય ટીમમાં વિકેટકીપર બેટ્સમેન તરીકેનો પોતાનો દાવો દાખવ્યો છે.
રિયાન પરાગ પણ સારા ફોર્મમાં જોવા મળી રહ્યો છે. રોયલ્સના ટોચના ચાર બેટ્સમેન દિલ્હીના બોલિંગ ઓર્ડરને નષ્ટ કરવાનો પ્રયાસ કરશે અને આવી સ્થિતિમાં કુલદીપ અને અક્ષરની ભૂમિકા મહત્વની રહેશે. રોયલ્સના બોલરો પણ સારા ફોર્મમાં જોવા મળ્યા હતા. જ્યારે બોલ્ટે નવા બોલથી પ્રભાવિત કર્યા છે, તો સંદીપ શર્માએ ડેથ ઓવરોમાં સારું પ્રદર્શન કર્યું છે. ટીમે છેલ્લી મેચમાં સુપર જાયન્ટ્સને છ વિકેટે 173 રન પર રોકી હતી. જો જોવામાં આવે તો IPLમાં અત્યાર સુધી દિલ્હી અને રાજસ્થાન વચ્ચે 27 મેચ રમાઈ છે. આ 27 મેચોમાંથી દિલ્હીએ 13માં જીત મેળવી છે જ્યારે રાજસ્થાને 14 મેચમાં જીત મેળવી છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો