Rihanna at Ambani wedding: રિલાયન્સ ઈન્ડસ્ટ્રીઝના ચેરમેન મુકેશ અંબાણીના સૌથી નાના પુત્ર અનંત અંબાણીના લગ્ન રાધિકા મર્ચન્ટ સાથે થઈ રહ્યા છે. 1 માર્ચથી ગુજરાતના જામનગરમાં પ્રી-વેડિંગ ફંક્શન શરૂ થશે.
અનંત અંબાણી અને રાધિકા મર્ચન્ટના લગ્ન પહેલાના ફંક્શનમાં અનેક સેલિબ્રેટેસ હાજરી આપશે. આ લગ્નમાં ઇન્ટરનેશનલ અને નેશનલ બંને પ્રકારના જાણીતા કલાકારોની લાઇનઅપ દ્વારા મનોરંજન પૂરું પાડશે. આ લગ્નમાં અનેક સેલિબ્રેટિસ જેવી કે રીહાન્ના, ડેવિડ બ્લેન, અરિજિત સિંહ, અજય-અતુલ અને દિલજીત દોસાંઝ પર્ફોર્મન્સ આપશે.
રીહાન્નાની નેટવર્થ | Rihanna net worth
21મી સદીના સૌથી પ્રભાવશાળી કલાકારોમાંની એક ગણાતી રીહાન્ના (Rihanna)એ અનેક એવાર્ડ જીત્યા છે, જેમાં 9 ગ્રેમી એવોર્ડ્સ, 12 બિલબોર્ડ મ્યુઝિક એવોર્ડ્સ અને 6 ગિનિસ વર્લ્ડ રેકોર્ડ્સનો સમાવેશ થાય છે.
રીહાન્નાનું ગ્લોબલ રેકોર્ડ વેચાણ USD 250 મિલિયનને વટાવી ગયું છે, અને તેના કોસ્મેટિક્સ સાહસ, ફેન્ટી બ્યુટીએ નોંધપાત્ર સફળતા હાંસલ કરી છે.
ફોર્બ્સના જણાવ્યા અનુસાર, આ સફળતાએ તેણીને $1.4 બિલિયન (અંદાજે રૂ. 11,000 કરોડ) ની અંદાજિત નેટવર્થ સાથે રીહાન્નાને વિશ્વભરની સૌથી ધનાઢ્ય મહિલા સંગીતકાર બનાવે છે.
રીહાન્નાની આવકના મુખ્ય સ્ત્રોત | Rihanna Major Sources of Income
મ્યુઝિક ટૂર:
રિહાન્નાએ 2010માં ‘લાસ્ટ ગર્લ ઓન અર્થ ટૂર’ પરથી $40 મિલિયન (અંદાજે રૂ. 331 કરોડ)ની કમાણી કરી. આ સફળતા બાદ, તેણીની લાઉડ ટૂર, આલ્બમ લાઉડને પ્રમોટ કરતી વખતે, આશ્ચર્યજનક રીતે $90 મિલિયન (અંદાજે રૂ. 745 કરોડ) કમાયા.
વધુમાં, 2013 માં તેણીની ડાયમન્ડ્સ વર્લ્ડ ટૂર અત્યંત આકર્ષક સાબિત થઈ, જેણે $140 મિલિયન (અંદાજે રૂ. 1100 કરોડ) ની કમાણી કરી, 2014 માં, સિંગરે ટૂર માટે રેપર એમિનેમ સાથે ટાયઅપ કર્યું, જેમાં માત્ર છ શો હોવા છતાં, $36 મિલિયન (અંદાજે રૂ. 298 કરોડ) ની પ્રભાવશાળી આવક મેળવી.
એન્ડોસમેન્ટ:
રિહાન્નાના ઇન્સ્ટાગ્રામ પર 152 મિલિયનથી વધુ ફોલોઅર્સ છે, જ્યાં તે ઘણી બ્રાન્ડ્સને સપોર્ટ કરે છે. badgalriri અને puma સાથે તે કનેક્ટેડ છે.
2014 માં, રિહાન્નાનો પુમા સાથેનો કોન્ટ્રાક્ટની કિંમત 1 મિલિયન ડોલર (અંદાજે 8 કરોડ રૂપિયા) થી વધુ હતી, ફોર્બ્સના જણાવ્યા અનુસાર, રિહાન્ના સાથેના લૂપ કર્યાના એક વર્ષ પછી, કંપનીનો નફો 11.2% વધ્યો હતો.
રોયલ્ટી:
ડેઇલી મેઇલ મુજબ, રિહાન્નાએ Spotify પર તેના ગીતોમાંથી લગભગ $97,000 કમાવ્યા હતા.
વૈભવી મેન્શન:
રિહાન્ના લોસ એન્જલસની બહાર હોલીવુડ હિલ્સમાં એક ભવ્ય હવેલી (A luxurious mansion)ની માલિકી ધરાવે છે, જે તેણે 2017માં $6.8 મિલિયન (અંદાજે રૂ. 56 કરોડ)માં ખરીદી હતી, આ મેન્શનમાં છ બેડરૂમ, 10 બાથરૂમ, એક પૂલ, થિયેટર અને અન્ય ઘણી વૈભવી સુવિધાઓ વચ્ચે એક સ્પા છે. રિહન્નાની માલિકીની બીજી હવેલી લોસ એન્જલસના ઉત્તરમાં પેસિફિક પેલિસેડ્સ મેન્શન છે, જેની કિંમત $6.9 મિલિયન (અંદાજે રૂ. 57 કરોડ) છે. આ હવેલીમાં 7 બેડરૂમ, 9 બાથરૂમ, એક રુફટોપ સનડેક અને ઘણી સુવિધાઓ છે.
મોંઘી કાર | Expensive cars
રિહાન્ના પાસે Lamborghini Aventador, Ferrari 488 GTB, Mercedes SLR McLaren અને Porsche 997 Turbo સહિતની કેટલીક સૌથી મોંઘી કાર છે.
Rihanna – ધંધાકીય સાહસો
રિહાન્નાએ સંગીત કારકિર્દી ઉપરાંત, તેના વ્યવસાયિક સાહસો માટે જાણીતી છે. તેણીએ કોસ્મેટિક્સ બ્રાન્ડ ફેન્ટી બ્યુટી (Fenty Beauty) અને લૅંઝરી બ્રાન્ડ સેવેજ એક્સ ફેન્ટી (Savage x Fenty) બનાવી.
સેવેજ એક્સ ફેન્ટી | Savage x Fenty
સેવેજ એક્સ ફેન્ટી, અંદાજે $270 મિલિયન (અંદાજે રૂ. 2,000 કરોડ) મૂલ્યની, 2018 માં રીહાન્નાએ સ્થાપેલી એક લૅંઝરી બ્રાન્ડ છે.
ફેન્ટી બ્યુટી | Fenty Beauty
ફેન્ટી બ્યુટી એ રીહાન્ના દ્વારા સ્થાપિત કોસ્મેટિક બ્રાન્ડ છે, અને 2017 માં લોન્ચ કરવામાં આવી છે. 2021માં ફેન્ટી બ્યુટીની કિંમત $2.8 બિલિયન (અંદાજે રૂ. 23,000 કરોડ) હતી.
રિહાન્ના ફ્રેન્ચ લક્ઝરી રિટેલર LVMH સાથે કંપનીની સહ-માલિક છે. 2018માં બ્રાન્ડ વાર્ષિક આવકમાં $550 મિલિયન (અંદાજે રૂ. 4000 કરોડ) ને વટાવી ગઈ છે.
વધુ સમાચાર માટે – અહી કલિક કરો, YouTube શોર્ટ્સ માટે – અહી કિલક કરો અને હિંદી સમાચાર વાંચવા – અહી ક્લિક કરો
