બેંગ્લોર – 189/9 , રાજસ્થાન – 182/6
એમ ચિન્નાસ્વામી સ્ટેડીયમ ખાતે IPLની ૩૨મી મેચ રોયલ ચેલેન્જર્સ બેંગ્લોર અને રાજસ્થાન રોયલ્સ વચ્ચે રમાઈ હતી. આ મેચમાં બેંગ્લોરનો ભવ્ય વિજય થયો હતો. રાજસ્થાન રોયલ્સે ટોસ જીતીને પ્રથમ બોલિંગ કરવાનો નિર્ણય લીધો હતો અને બેંગ્લોરને બેટિંગ માટે આમંત્રણ આપ્યું હતું. બેંગ્લોરની ઝંઝાવતી બેટિંગ સામે રાજસ્થાનના બોલર્સના પાયા ખખડી ગયા હતા. બેંગ્લોર તરફથી ડુ પ્લેસીએ ૩૯ બોલમાં ધુંઆધાર ૬૨ રન ફટકાર્યા હતા, જ્યારે મેક્સવેલે ૪૪ બોલમાં ૭૭ રનની ઇનિંગ રમી હતી. આમ ૨૦ ઓવરના અંતે બેંગલોરે ૯ વિકેટના ભોગે ૧૮૯ રનનો ખડકલો ઉભો કર્યો હતો. આમ મેચ જીતવા માટે બેંગલોરે રાજસ્થાનને ૧૯૦ રનનું લક્ષ્ય આપ્યું હતું. જોકે, રાજસ્થાન રન ચેઝ કરવામાં નિષ્ફળ ગયું હતું. રાજસ્થાન આ મેચમાં ૨૦ ઓવરમાં ૬ વિકેટના ભોગે 182 રન બનાવી શક્યું હતું. આ રોમાંચક મેચમાં બેંગ્લોરનો ૭ રને ભવ્ય વિજય થયો હતો. રાજસ્થાન તરફથી યશસ્વી જૈસ્વાલે ૩૭ બોલમાં ૪૭ રન અને પડીકકલે ૩૪ બોલમાં ૫૨ રન ફટકાર્યા હતા. બેંગ્લોર તરફથી હર્ષલ પટેલે ૩ વિકેટ ઝડપી હતી.
