Paytm Crisis: ઓનલાઈન પેમેન્ટ કંપની Paytm એ Paytm Payments Bank થી અલગ થવાનો નિર્ણય લીધો છે. પેટીએમનું સંચાલન કરતી કંપની વન 97 કોમ્યુનિકેશન્સના બોર્ડ ઓફ ડિરેક્ટર્સે પેટાકંપની પેટીએમ પેમેન્ટ્સ બેંક પર આરબીઆઈની કાર્યવાહી વચ્ચે બંને વચ્ચેના ઇન્ટર-કંપની એગ્રીમેન્ટ કરારને સમાપ્ત કરવાની મંજૂરી આપી દીધી છે. One97 કોમ્યુનિકેશને શુક્રવારે આ નિર્ણયની જાણકારી આપી. Paytmની પેરેન્ટ કંપનીએ કહ્યું કે આ પગલું બંને કંપનીઓ વચ્ચે પરસ્પર નિર્ભરતા ઘટાડવા માટે લેવામાં આવ્યું છે.
કંપનીના બોર્ડ ઓફ ડિરેક્ટર્સે માર્ચ 1, 2024ના રોજ આ કરારોને સમાપ્ત કરવા અને શેરધારકોના કરારમાં સુધારાને મંજૂરી આપી હતી.
RBIની કડકાઈ બાદ Paytmની મુશ્કેલીઓ વધી
વાસ્તવમાં, Paytm Payments Bank લિમિટેડ નિયમોનું પાલન ન કરવા બદલ ભારતીય રિઝર્વ બેંક (RBI) તરફથી કડક કાર્યવાહીનો સામનો કરી રહી છે. આરબીઆઈએ 15 માર્ચ પછી પેટીએમ પેમેન્ટ્સ બેંક (RBI action on Paytm Bank) ને ગ્રાહક ખાતાઓ, વોલેટ્સ, ફાસ્ટેગ અને અન્ય સાધનોમાં નવી થાપણો અથવા ટોપ-અપ્સ સ્વીકારવા પર પ્રતિબંધ મૂક્યો છે.
Paytm App પહેલાની જેમ આપશે સેવા
Paytm એ અગાઉ જાહેરાત કરી હતી કે તે અન્ય બેંકો સાથે નવી ભાગીદારી પર હસ્તાક્ષર કરશે અને તેના ગ્રાહકો અને વેપારીઓને સીમલેસ સેવાઓ પ્રદાન કરવા માટે પગલાં લેશે. આ સાથે Paytm એ પુનરોચ્ચાર કર્યો કે Paytm App, Paytm QR, Paytm Soundbox અને Paytm કાર્ડ મશીનો કામ કરવાનું ચાલુ રાખશે.
RBI એ Paytm Payments Bank ની સમયમર્યાદા લંબાવી
આરબીઆઈએ 29 ફેબ્રુઆરી પછી પેટીએમ પેમેન્ટ્સ બેંકને ગ્રાહક ખાતા, વોલેટ, ફાસ્ટેગ અને અન્ય સાધનોમાં નવી થાપણો અથવા ટોપ-અપ્સ સ્વીકારવા પર પ્રતિબંધ મૂક્યો હતો. બાદમાં આ સમયમર્યાદા વધારીને 15 માર્ચ કરવામાં આવી હતી.
વિજય શેખર શર્માએ Paytm બેંકના ચેરમેન પદેથી રાજીનામું
મુશ્કેલીમાં ફસાયા બાદ Paytmના સ્થાપક વિજય શેખર શર્માએ Paytm Payments Bank ના પાર્ટ-ટાઇમ નોન-એક્ઝિક્યુટિવ ચેરમેન પદેથી રાજીનામું આપ્યું છે. તેના નવા બોર્ડ ઓફ ડિરેક્ટર્સની રચના કરવામાં આવી છે.
लेटेस्ट खबरो के लिए यहाँ क्लिक करे
यूट्यूब चैनल पर शॉर्ट्स देखने के लिए यहाँ क्लिक करे
पंजाब में और क्या चल रहा है – यहाँ से क्लिक कर के जाने
दिलचस्प खबरों के लिए यहाँ क्लिक करे
Discover more from VR LIVE GUJARAT: Gujarat News
Subscribe to get the latest posts to your email.
