Rain Chaos in Surat: સુરત મહાનગરપાલિકાના વિકાસના દાવાઓ વચ્ચે વેસુ વિસ્તારના રહીશો માટે વરસાદ આફત બનીને આવ્યો છે. આજે પડેલા સામાન્ય વરસાદમાં વેસુના પોશ વિસ્તાર ગણાતા વીઆઈપી રોડ પર પાણી ભરાઈ જતાં સ્થાનિકો અને વાહનચાલકો ભારે હાલાકીમાં મુકાયા હતા.
Rain Chaos in Surat: મિનિટોના વરસાદમાં પાણી-પાણી
આજે સવારથી શરૂ થયેલા વરસાદના પગલે વેસુ વીઆઈપી રોડ પર પાણી ભરાઈ ગયા હતા, જેના કારણે પ્રખ્યાત શ્યામ મંદિર તરફ જવાનો માર્ગ સંપૂર્ણપણે બંધ થઈ ગયો હતો. રસ્તાઓ પર પાણી ભરાઈ જતાં વાહનચાલકો અને ખાસ કરીને રિક્ષાચાલકોને ભારે મુશ્કેલીનો સામનો કરવો પડ્યો હતો. રસ્તા પર પાણી ભરાયેલા હોવાથી વાહનચાલકોને પોતાની મુસાફરી અધવચ્ચેથી છોડીને પરત ફરવાની ફરજ પડી હતી.
Rain Chaos in Surat: આયોજન વગરની કામગીરી પર ઉઠ્યા સવાલો
સ્થાનિક રહીશો અને વાહનચાલકોમાં આ પરિસ્થિતિને લઈને ભારે રોષ જોવા મળી રહ્યો છે. લોકોનું માનવું છે કે:
- કોઈપણ જાતની સુદ્રઢ ગટર વ્યવસ્થા (Drainage System) કર્યા વગર અહીં કામગીરી કરવામાં આવી રહી છે, જેના કારણે આ વિસ્તારમાં વારંવાર પાણી ભરાવવાની સમસ્યા સર્જાય છે.
- વેસુ જેવા વિકસિત વિસ્તારમાં થોડાક વરસાદમાં જ પાણી ભરાઈ જવાની ઘટના પાલિકાના આયોજન પર મોટો પ્રશ્નાર્થ ચિન્હ મૂકે છે.
Rain Chaos in Surat: કાયમી ઉકેલની માંગ
સ્થાનિકોની માંગ છે કે, વેસુ વીઆઈપી રોડ વિસ્તારમાં પાણી ભરાવાની સમસ્યાનો કાયમી નિકાલ લાવવા માટે નવી અને મોટી ગટર વ્યવસ્થા નાખવી અનિવાર્ય છે. જ્યાં સુધી ક્ષમતા કરતાં વધુ ડ્રેનેજ લાઈનો નહીં નખાય, ત્યાં સુધી આ વિસ્તારના લોકોને દરેક ચોમાસે આ જ હાલાકી ભોગવવી પડશે.
તંત્ર દ્વારા આ સમસ્યાના નિવારણ માટે તાત્કાલિક અસરથી કામગીરી હાથ ધરવામાં આવે તેવી માંગ વેસુના રહીશો કરી રહ્યા છે.
વધુ સમાચાર વાંચવા માટે અંહી ક્લિક કરો: જામનગરની દીકરીનું ગૌરવ: સ્કાયરૂટ એરોસ્પેસમાં ‘કંટ્રોલ લીડ’ બની પૃથ્વી સંઘાણીએ સિદ્ધ કર્યો ઐતિહાસિક મુકામ
