Political Storm Erupts: લોકસભા ચૂંટણીના માહોલ વચ્ચે કોંગ્રેસ અધ્યક્ષ મલ્લિકાર્જુન ખડગેના એક વિવાદાસ્પદ નિવેદને રાજકીય વંટોળ ઉભો કર્યો છે. તમિલનાડુમાં એક પ્રેસ કોન્ફરન્સ દરમિયાન ખડગેએ વડાપ્રધાન નરેન્દ્ર મોદી વિશે કરેલી ટિપ્પણી બાદ ભારતીય જનતા પાર્ટી આક્રમક મૂડમાં છે અને આ મામલે ચૂંટણી પંચમાં ફરિયાદ પણ કરવામાં આવી છે.
Political Storm Erupts: શું હતો સમગ્ર વિવાદ?
તમિલનાડુમાં AIADMK પર નિશાન સાધતા મલ્લિકાર્જુન ખડગેએ કહ્યું હતું કે, “અન્નાદુરાઈનો ફોટો લગાવનારા AIADMK ના સભ્યો મોદીને કેવી રીતે ટેકો આપી શકે? તે આતંકવાદી છે. તેમની પાર્ટી સમાનતા અને ન્યાયમાં નથી માનતી.” આ નિવેદન વાયરલ થતા જ ભાજપે તેને વડાપ્રધાન પદની ગરિમા અને લોકશાહીનું અપમાન ગણાવ્યું હતું.
Political Storm Erupts: ભાજપના આકરા પ્રહાર: ‘માનસિક નાદારી’
- યોગી આદિત્યનાથ (CM, UP): યુપીના મુખ્યમંત્રીએ સોશિયલ મીડિયા પર આકરા પ્રહાર કરતા કહ્યું કે, “વડાપ્રધાન વિશે આવી બિનસંસદીય ટિપ્પણી અક્ષમ્ય છે. આ નિવેદન કોંગ્રેસની હતાશા અને માનસિક નાદારી દર્શાવે છે. તે 1.45 અબજ દેશવાસીઓનું અપમાન છે.”
- નીતિન નવીન (ભાજપ પ્રવક્તા): તેમણે આક્ષેપ કર્યો કે જ્યારે પણ કોંગ્રેસ વિકાસના મુદ્દે ઘેરાય છે, ત્યારે મુદ્દા પરથી ધ્યાન હટાવવા આવા હલકા નિવેદનો કરવામાં આવે છે.
- પ્રદીપ ભંડારી: તેમણે કોંગ્રેસને ‘ટુકડે-ટુકડે ગેંગ’ અને ‘અર્બન નક્સલ’ વિચારધારા ધરાવતી પાર્ટી ગણાવી હતી.
Political Storm Erupts: વિવાદ વધતા ખડગેએ આપી સ્પષ્ટતા
ભાજપના ભારે વિરોધ અને ચૂંટણી પંચમાં થયેલી ફરિયાદ બાદ મલ્લિકાર્જુન ખડગેએ બચાવ કરતા કહ્યું કે, “મેં ક્યારેય એવું નથી કહ્યું કે પીએમ મોદી આતંકવાદી છે. મારા કહેવાનો અર્થ એ હતો કે મોદી હંમેશા વિપક્ષોને ધમકાવે છે અને ડરાવે છે. ED, IT અને CBI જેવી તપાસ એજન્સીઓ દ્વારા ડરનું વાતાવરણ ઊભું કરવામાં આવે છે.”
આગામી કાર્યવાહી
ભાજપે આ મામલે ચૂંટણી પંચને કડક પગલાં લેવા વિનંતી કરી છે. ચૂંટણીના ટાણે આ પ્રકારની નિવેદનબાજીથી આવનારા દિવસોમાં બંને પક્ષો વચ્ચે શાબ્દિક યુદ્ધ વધુ તેજ બને તેવી શક્યતા છે.
વધુ સમાચાર વાંચવા માટે અંહી ક્લિક કરો
