Massive Corruption Crackdown: અમદાવાદ મ્યુનિસિપલ કોર્પોરેશન (AMC) માં ભ્રષ્ટાચાર સામે ઝીરો ટોલરન્સની નીતિ હેઠળ મોટી કાર્યવાહી કરવામાં આવી છે. AMCના ક્લાસ-1 ચીફ ફાયર ઓફિસર અમિત ડોંગરે અને તેના વતી ₹36,000ની લાંચ લેતા ભાવસિંહ ઝાલાને એન્ટી કરપ્શન બ્યુરો (ACB) દ્વારા ઝડપી પાડવામાં આવ્યા બાદ, AMC પ્રશાસને તેને સસ્પેન્ડ કરવાના બદલે સીધો નોકરીમાંથી બરતરફ (હકાલપટ્ટી) કરી દીધો છે. આરોપીઓ વિરુદ્ધ કોર્ટે 4 દિવસના રિમાન્ડ મંજૂર કર્યા છે.
Massive Corruption Crackdown: શું હતો મામલો?
- લાંચની માંગ: 6 બિલ્ડિંગોની ફાયર NOC (નો ઓબ્જેક્શન સર્ટિફિકેટ) મંજૂર કરવા માટે પ્રતિ બિલ્ડિંગ ₹6,000 લેખે કુલ ₹36,000 ની લાંચ માંગવામાં આવી હતી.
- ACBની ટ્રેપ: એસીબીએ છટકું ગોઠવીને વચેટિયા ભાવસિંહ ઝાલાને ચીફ ફાયર ઓફિસરના વતી લાંચ લેતા રંગે હાથે ઝડપી લીધો હતો, ત્યારબાદ અમિત ડોંગરેની પણ ધરપકડ કરવામાં આવી હતી.
Massive Corruption Crackdown: ACBની તપાસમાં મોટા ખુલાસા:
- ઘર અને બેંક પર દરોડા: ACBએ અમિત ડોંગરેના ઘરેથી ₹1.10 લાખની રોકડ કબજે કરી છે. આ ઉપરાંત તેના 3 બેંક એકાઉન્ટ અને 1 લોકર ફ્રીઝ કરવામાં આવ્યા છે.
- પ્રતિબંધિત પ્રોબેશન પિરિયડ: એસીબીના ટ્રેપના ઇતિહાસમાં આ પહેલીવાર બન્યું છે કે કોઈ ક્લાસ-1 અધિકારીને માત્ર સસ્પેન્ડ કરવાને બદલે સીધો નોકરીમાંથી બરતરફ કરાયો હોય, કારણ કે અમિત ડોંગરે પ્રોબેશન પિરિયડ પર હતો.
- FSO મારફતે ચાલતું રેકેટ: તપાસમાં ખુલાસો થયો છે કે ફાયર વિભાગમાં NOC રિન્યુ કરાવવાનું મોટું રેકેટ ચાલી રહ્યું હતું. ખાનગી સંસ્થાના ફાયર સેફ્ટી ઓફિસર (FSO) ઓનલાઇન અરજી કર્યા બાદ NOC એપ્રૂવ કરાવવા માટે ફાયર અધિકારીઓ સાથે સાંઠગાંઠ કરતા હતા અને લાંચના નાણાં ખાનગી FSO મારફતે સ્વીકારવામાં આવતા હતા.
- અન્ય તપાસ: એસીબી દ્વારા છેલ્લા દોઢ વર્ષમાં આપવામાં આવેલી તમામ NOC ની સઘન તપાસ શરૂ કરવામાં આવી છે. વાંચ ગામ ખાતેની ફટાકડા ફેક્ટરીઓને આપેલી NOC માં પણ લાંચ લેવાઈ હતી કે કેમ તેની તપાસ ચાલી રહી છે.
Massive Corruption Crackdown: કોર્ટ અને રિમાન્ડ:
એસીબીએ બંને આરોપીઓના 7 દિવસના રિમાન્ડની માંગણી કરી હતી, જેની સામે કોર્ટે 12 ઓગસ્ટ સાંજે 5 વાગ્યા સુધીના (4 દિવસના) રિમાન્ડ મંજૂર કર્યા છે.
હવે તપાસ એજન્સી અમિત ડોંગરેના મોબાઈલ ફોનની ફોરેન્સિક તપાસ કરીને આ કૌભાંડમાં અન્ય કોઈ ડિવિઝનલ ફાયર અધિકારી સંડોવાયેલા છે કે કેમ અને તેની પૂર્વ નિમણૂક કાળ દરમિયાન થયેલી પ્રવૃત્તિઓની પણ ઊંડાણપૂર્વક તપાસ કરશે.
વધુ સમાચાર વાંચવા માટે અંહી ક્લિક કરો
ભરૂચ જિલ્લાના જંબુસરના કહાનવા ગામે અરેરાટી: તલાવડીમાં ડૂબી જવાથી વૃદ્ધ મહિલાનું કરૂણ મોત
