Market Rally: ભારતીય શેરબજારમાં આજે એટલે કે 29 એપ્રિલે રોકાણકારો માટે ખુશીનો દિવસ રહ્યો છે. ગઈકાલના ઘટાડા બાદ આજે બજારે જોરદાર વાપસી કરી છે અને સેન્સેક્સ તેમજ નિફ્ટી બંને ગ્રીન ઝોનમાં બંધ થયા છે.
Market Rally: બજારની આજની સ્થિતિ (Closing Bell)
- સેન્સેક્સ: 609 પોઈન્ટ (0.79%) ના વધારા સાથે 77,496 પર બંધ.
- નિફ્ટી: 182 પોઈન્ટ (0.76%) ના ઉછાળા સાથે 24,178 પર બંધ.
- સ્મોલકેપ: નિફ્ટી સ્મોલકેપ 50 માં પણ 44 પોઈન્ટનો સુધારો જોવા મળ્યો છે.
કયા સેક્ટરમાં રહી ધૂમ ખરીદી?
આજના કારોબારમાં ખાસ કરીને ઓટો, IT, રિયલ્ટી અને FMCG શેરોમાં રોકાણકારોએ ભારે રસ દાખવ્યો હતો.
Market Rally: આજના ટોપ ગેનર્સ અને લૂઝર્સ
| ટોપ ગેનર્સ (નિફ્ટી) | વધારો (%) | ટોપ લૂઝર્સ (નિફ્ટી) | ઘટાડો (%) |
| આઈટીસી (ITC) | 3.79% | ઇન્ડિગો (IndiGo) | 2.31% |
| ટેક મહિન્દ્રા | 3.31% | ડો. રેડ્ડીઝ | 1.99% |
| રિલાયન્સ | 2.96% | એનટીપીસી (NTPC) | 1.66% |
Market Rally: તેજીનું મુખ્ય કારણ: UAE નો મોટો નિર્ણય
નિષ્ણાતોના મતે, UAE દ્વારા તેલ ઉત્પાદક દેશોના સંગઠન OPEC અને OPEC+ માંથી બહાર નીકળવાની જાહેરાતની બજાર પર પોઝિટિવ અસર પડી છે.
- આ નિર્ણયથી OPEC ની ક્રૂડ ઓઇલના ભાવ નિયંત્રિત કરવાની શક્તિ નબળી પડી શકે છે.
- આંતરરાષ્ટ્રીય સ્તરે તેલનો પુરવઠો વધવાથી ભાવમાં ઘટાડો થવાની શક્યતા છે, જેનો સીધો લાભ ભારત જેવા મોટા આયાતકાર દેશને મળશે.
ક્રૂડ ઓઇલની સ્થિતિ
જોકે, હાલમાં બ્રેન્ટ ક્રૂડ ઓઇલના ભાવ 110 ડોલર પ્રતિ બેરલની ઉપર ટ્રેડ કરી રહ્યા છે. ‘સ્ટ્રેટ ઓફ હોર્મુઝ’ ને લઈને વધેલી ચિંતા અને મજબૂત માગને કારણે તેલના ભાવમાં અત્યારે તેજી જોવા મળી રહી છે.
વિદેશી રોકાણકારો (FII) ની વેચવાલી
બજારમાં તેજી હોવા છતાં વિદેશી સંસ્થાકીય રોકાણકારો (FII) સતત વેચવાલી કરી રહ્યા છે. 28 એપ્રિલે FII એ 2,104 કરોડ રૂપિયાના શેર વેચ્યા હતા, જ્યારે તેની સામે ઘરેલું રોકાણકારોએ (DII) 1,712 કરોડની ખરીદી કરી હતી.
વધુ સમાચાર વાંચવા માટે અંહી ક્લિક કરો
‘અમે ના હોત તો તમે ફ્રેન્ચ બોલતા હોત’ કિંગ ચાર્લ્સે વ્હાઇટ હાઉસમાં ટ્રમ્પની ફિરકી લીધી!
