મનીષ સિસોદિયાને સુપ્રીમ કોર્ટનો આંચકો, આગામી 3 મહિના માટે જામીનના રસ્તા બંધ

#Manishsisodia Liquor Scam Case : મનીષ સિસોદિયાને દારૂ કૌભાંડ કેસમાં સુપ્રીમ કોર્ટમાંથી જામીન મળ્યા નથી. જામીન અરજી પર સુનાવણી દરમિયાન સુપ્રીમ કોર્ટે કહ્યું કે આ કેસમાં 338 કરોડ રૂપિયાની મની ટ્રેલ અસ્થાયી રૂપે સાબિત થઈ છે. સાથે જ કહ્યું કે ટ્રાયલ 6 થી 8 મહિનામાં પૂર્ણ થવી જોઈએ. જો 6 થી 8 મહિનામાં ટ્રાયલ પૂર્ણ નહીં થાય તો મનીષ સિસોદિયા (#Manishsisodia) ફરીથી જામીન અરજી દાખલ કરી શકે છે. સુપ્રીમ કોર્ટે (सुप्रीम कोर्ट) કહ્યું કે તપાસ એજન્સીએ અમારા મોટાભાગના પ્રશ્નોના યોગ્ય જવાબો આપ્યા નથી.

સુપ્રીમ કોર્ટના જસ્ટિસ સંજીવ ખન્ના અને જસ્ટિસ એસવીએન ભાટીની બેન્ચે આ નિર્ણય આપ્યો છે. બેન્ચે 17 ઓક્ટોબરે બંને અરજીઓ પર પોતાનો નિર્ણય અનામત રાખ્યો હતો. સુપ્રીમ કોર્ટે 17 ઓક્ટોબરના રોજ એન્ફોર્સમેન્ટ ડિરેક્ટોરેટ (ED)ને કહ્યું હતું કે, જો દિલ્હી એક્સાઇઝ પોલિસી બદલવા માટે કથિત રીતે આપવામાં આવેલી લાંચ ‘ગુનાની આવક’નો ભાગ ન બને તો, સિસોદિયા (#Manishsisodia)  સામે મની લોન્ડરિંગનો આરોપ ફેડરલ એજન્સી સમક્ષ સાબિત કરવું મુશ્કેલ બનશે.

ચુકાદો આપતી વખતે સુપ્રીમ કોર્ટે કહ્યું કે એજન્સીએ અમારા મોટાભાગના પ્રશ્નોના યોગ્ય જવાબો આપ્યા નથી. સુપ્રીમ કોર્ટે પોતાના નિર્ણયમાં કહ્યું કે, રૂપિયા અને પૈસાની લેવડદેવડની કડીઓ સ્પષ્ટ છે. કોર્ટે કહ્યું કે જો ત્રણ મહિનામાં ટ્રાયલની ગતિ ધીમી રહેશે તો સિસોદિયા ફરીથી જામીન માટે અરજી કરી શકે છે. આનો સીધો અર્થ એ થયો કે મનીષ સિસોદિય (#Manishsisodia) માટે આગામી ત્રણ મહિના સુધી જામીનના રસ્તા બંધ રહેશે.

સેન્ટ્રલ બ્યુરો ઑફ ઇન્વેસ્ટિગેશન (CBI) એ 26 ફેબ્રુઆરીએ સિસોદિયાની એક્સાઇઝ પોલિસી ‘કૌભાંડ’માં કથિત ભૂમિકા બદલ ધરપકડ કરી હતી. ત્યારથી તે કસ્ટડીમાં છે. ED એ સીબીઆઈ એફઆઈઆરના આધારે મની લોન્ડરિંગ કેસમાં 9 માર્ચે તિહાર જેલમાં સિસોદિયાની પૂછપરછ કર્યા બાદ ધરપકડ કરી હતી. સિસોદિયાએ 28 ફેબ્રુઆરીએ દિલ્હી કેબિનેટમાંથી રાજીનામું આપી દીધું હતું.

હાઈકોર્ટે 30 મેના રોજ સીબીઆઈ કેસમાં તેમને જામીન આપવાનો ઇનકાર કરતા કહ્યું હતું કે નાયબ મુખ્યમંત્રી અને આબકારી મંત્રી હોવાના કારણે તે ‘પ્રભાવશાળી’ વ્યક્તિ છે અને સાક્ષીઓને પ્રભાવિત કરી શકે છે. હાઈકોર્ટે 3 જુલાઈના રોજ તેમને મની લોન્ડરિંગ કેસમાં જામીન આપવાનો ઇનકાર કર્યો હતો અને કહ્યું હતું કે તેમની સામેના આરોપો ‘ખૂબ જ ગંભીર પ્રકૃતિના’ છે.

Manish Sisodia liquor scam case (દારૂ કૌભાંડ) ની કડીઓ :

• નવેમ્બર 2021: દિલ્હી સરકારની નવી દારૂ નીતિ, જેમાં દારૂના વેચાણની પદ્ધતિઓમાં ધરખમ ફેરફાર કરવામાં આવ્યો છે.
• જુલાઈ 2022: દિલ્હીના ગવર્નરે અનિયમિતતાઓની સીબીઆઈ તપાસની ભલામણ કર્યા પછી AAP સરકારે એક્સાઈઝ નીતિ પાછી ખેંચી.
• ઓગસ્ટ 2022: સીબીઆઈએ ગુનાહિત કાવતરું અને અનિયમિતતા અંગે ભ્રષ્ટાચારના કેસમાં FIR નોંધી. મનીષ સિસોદિયા સહિત અન્ય 14 લોકોને આરોપી બનાવવામાં આવ્યા.
• આરોપીઓમાં AAP કોમ્યુનિકેશન ઈન્ચાર્જ વિજય નાયર, હૈદરાબાદના બિઝનેસમેન અભિષેક બોઈનપલ્લી, દારૂના વેપારી સમીર મહેન્દ્રુ, એક્સાઈઝ વિભાગના ભૂતપૂર્વ અધિકારીઓ કુલદીપ સિંહ અને નરેન્દ્રસિંહ અને એમ ગૌતમ અને અરુણ રામચંદ્રપિલ્લઈનો સમાવેશ થાય છે.
• નવેમ્બર 2022: સીબીઆઈએ વચેટિયા અને દારૂના વેપારીઓ સહિત 7 લોકો સામે ચાર્જશીટ દાખલ કરી.
• ડિસેમ્બર 2022: દિલ્હીની કોર્ટે સાત લોકો સામે સીબીઆઈની ચાર્જશીટની નોંધ લેતા કહ્યું કે આ કેસમાં આગળ વધવા માટે પૂરતા આધાર-પુરાવા છે.
• 8 ફેબ્રુઆરી 2023: તેલંગાણાના મુખ્યમંત્રીની પુત્રી કે કવિતાના ભૂતપૂર્વ CA બુચીબાબુ ગોરંતલાની CBI દ્વારા ધરપકડ કરવામાં આવી. બાબુ એફઆઈઆરમાં નામ આપવામાં આવેલા કેટલાકને મળ્યો હતો, જેમાં દક્ષિણની લોબી સાથે વાતચીત કરનારાઓમાં એક મહત્વપૂર્ણ નામનો પણ સમાવેશ થાય છે.
• 19 ફેબ્રુઆરી 2023: સીબીઆઈએ મનીષ સિસોદિયાને (#Manishsisodia) સમન્સ પાઠવ્યું પરંતુ તેમણે બજેટને ટાંકીને લાચારી વ્યક્ત કરી.
• 26 ફેબ્રુઆરી 2023: સીબીઆઈ દ્વારા મનીષ સિસોદિયાની ધરપકડ કરવામાં આવી

EDનો મની લોન્ડરિંગ કેસ સેન્ટ્રલ બ્યુરો ઓફ ઈન્વેસ્ટિગેશન (CBI) ની FIR પર આધારિત છે. CBI અને ED અનુસાર, દિલ્હી એક્સાઇઝ પોલિસી 2021-22માં સુધારો કરતી વખતે અનિયમિતતાઓ કરવામાં આવી હતી અને લાઇસન્સ ધારકોને અયોગ્ય લાભો આપવામાં આવ્યા હતા.