Junagadh Republic Day: આજે દેશભરમાં 75મા પ્રજાસત્તાક પર્વની ઉજવણી થઈ રહી છે. દેશ સહિત વિવિધ રાજ્યો પણ પ્રજાસત્તાક પર્વની ઉજવણીમાં વ્યસ્ત છે. ત્યારે રાજ્યકક્ષાના પ્રજાસત્તાક પર્વની જૂનાગઢમાં ઉજવણી થઈ હતી. જેમાં મુખ્યમંત્રી ભૂપેન્દ્ર પટેલ અને રાજ્યપાલ આચાર્ય દેવવ્રત જૂનાગઢમાં ઉપસ્થિત રહીને ધ્વજવંદન કર્યું હતુ.
Junagadh Republic Day : જૂનાગઢમાં શુક્રવારે રાજ્ય કક્ષાનો પ્રજાસત્તાક દિવસની ઉજવણી કરવામાં આવી હતી. ગુજરાતનાં રાજ્યપાલ આચાર્ય દેવવ્રતે પ્રજાસત્તાક દિવસ 2024ની ઉજવણી જુનાગઢ ખાતે કરી હતી, રાજ્યપાલ આચાર્ય દેવવ્રત મુખ્યમંત્રી ભૂપેન્દ્ર પટેલની હાજરીમાં ત્રિરંગો ફરકાવ્યો હતો. રાજ્યપાલ આચાર્ય દેવવ્રતે પીટીસી ગ્રાઉન્ડમાં ધ્વજ ફરકાવ્યો. તો CM ભૂપેન્દ્ર પટેલ અને રાજ્યપાલે જીપમાં સવાર થઈ પરેડની સલામી ઝીલી હતી.
Junagadh Republic Day : મુખ્યમંત્રી ભૂપેન્દ્ર પટેલે નાગરિકોને પ્રજાસત્તાક દિવસની શુભેચ્છા પાઠવી
Junagadh Republic Day : આ પ્રસંગે મુખ્યમંત્રી ભૂપેન્દ્ર પટેલે સૌ નાગરિકોને પ્રજાસત્તાક દિવસની શુભેચ્છા પાઠવી હતી . તેમણે ટ્વીટ કરીને લખ્યું કે, સૌ નાગરિકોને 75માં પ્રજાસત્તાક પર્વની હાર્દિક શુભકામનાઓ. ભારતમાતાની આઝાદી માટે જીવન સમર્પિત કરનારા સૌ સ્વાતંત્ર્યવીરો અને બંધારણ નિર્માતાઓને શત્ શત્ નમન. આવો, આઝાદીના અમૃતકાળમાં આપણે સૌ વિકસિત ગુજરાતથી વિકસિત ભારતના નિર્માણ માટે સંકલ્પબદ્ધ બનીએ.
નોંધનીય છે કે ગુજરાત વિધાનસભાના સ્પીકર શંકર ચૌધરીએ ગાંધીનગરમાં ગણતંત્ર દિવસ પર ધ્વજ વંદન કર્યું હતું, ભૂપેન્દ્ર પટેલ સરકારના મંત્રીઓ રાજ્યના વિવિધ જિલ્લાઓમાં ગણતંત્ર દિવસના ધ્વજવંદન કાર્યક્રમોની હાજર રહ્યા છે.
તમે આ પણ વાંચી શકો છો
Republic Day 2024 Live Updates: કર્તવ્ય પથ પરજોવા મળી ભારતની તાકાત
