International Glory: ગુજરાતનું નામ આંતરરાષ્ટ્રીય સ્તરે રોશન કરતી ઘટના સામે આવી છે. દાહોદ જિલ્લાના દેવગઢ બારિયાની પ્રતિભાશાળી દીકરી મેસબાબાનું એ મલેશિયા ખાતે યોજાયેલી પ્રતિષ્ઠિત MBW International Open Taekwondo Championship માં ભારતનું પ્રતિનિધિત્વ કરીને શાનદાર સફળતા હાંસલ કરી છે. આ આંતરરાષ્ટ્રીય સ્પર્ધામાં મેસબાબાનું એ એકસાથે ૩ મેડલ જીતીને દેશ, રાજ્ય અને પોતાના વતનનું નામ ગૌરવાન્વિત કર્યું છે.
International Glory: ૧૫ દેશોના ખેલાડીઓની સ્પર્ધામાં ડંકો વગાડ્યો
મલેશિયામાં યોજાયેલી આ ગ્લોબલ તાઇકોન્ડો ચેમ્પિયનશિપમાં દુનિયાભરના ૧૫ જેટલા દેશોના શ્રેષ્ઠ ખેલાડીઓએ ભાગ લીધો હતો. આ કઠિન સ્પર્ધા વચ્ચે દેવગઢ બારિયાની આ દીકરીએ અડગ મનોબળ અને ઉત્કૃષ્ટ ખેલદિલીનું પ્રદર્શન કરી મેદાનમાં પોતાનો દમ દેખાડ્યો હતો.
International Glory: મેસબાબાનુંની મેડલ વિજેતા સફર:
- સિલ્વર મેડલ: ક્યોરુગી (Kyorugi) વિભાગમાં શાનદાર પ્રદર્શન કરી રજત ચંદ્રક મેળવ્યો.
- સિલ્વર મેડલ: પૂમસે (Poomsae) વિભાગમાં પણ ઉત્કૃષ્ટ પ્રદર્શન દાખવી બીજો સિલ્વર મેડલ પોતાના નામે કર્યો.
- બ્રોન્ઝ મેડલ: વર્ચ્યુઅલ સ્પર્ધા (Virtual Competition) માં કૌશલ્ય દાખવી કાંસ્ય ચંદ્રક હાંસલ કર્યો.
સમગ્ર પંથકમાં ખુશીનું મોજું
એક નાના નગરની દીકરીએ આંતરરાષ્ટ્રીય મંચ પર ત્રિરંગો લહેરાવીને જે સિદ્ધિ હાંસલ કરી છે, તેનાથી સમગ્ર દેવગઢ બારિયા અને ગુજરાતભરમાં ગૌરવની લાગણી ફેલાઈ ગઈ છે. મેસબાબાનુંની આ અદ્ભુત સફળતા બદલ સ્થાનિક અગ્રણીઓ, રમતગમત પ્રેમીઓ અને ગ્રામજનો તરફથી અભિનંદનનો ધોધ વરસી રહ્યો છે અને આ દીકરીએ અન્ય યુવાનો માટે પણ પ્રેરણા પૂરી પાડી છે.
વધુ સમાચાર વાંચવા માટે અંહી ક્લિક કરો: ગુજરાતમાં વરસાદનું જોર ઘટ્યું: ૧૦૯ તાલુકામાં મેઘમહેર, કપરાડામાં સૌથી વધુ ૨.૫ ઈંચ વરસાદ
