India vs Zimbabwe: હરારે ખાતે રમાયેલા પ્રથમ T20 મુકાબલામાં ભારતીય ક્રિકેટ ટીમે ઝિમ્બાબ્વે સામે શાનદાર પ્રદર્શન કરતા ૭ વિકેટે વિજય મેળવ્યો છે. આ મેચમાં ભારતની જીતની સાથેસાથે યુવા બેટર વૈભવ સૂર્યવંશીએ આંતરરાષ્ટ્રીય ક્રિકેટમાં એક મોટો અને અદ્ભુત રેકોર્ડ પોતાના નામે કર્યો છે.
India vs Zimbabwe: વૈભવ સૂર્યવંશીનું પરાક્રમ: તોડ્યો મોટો રેકોર્ડ
મેચમાં પ્રથમ બેટિંગ કરતા ઝિમ્બાબ્વેની ટીમે ૨૦ ઓવરમાં ૭ વિકેટે ૧૨૫ રન બનાવ્યા હતા. ઝિમ્બાબ્વે તરફથી વેસ્લી મધેવેરેએ સૌથી વધુ ૩૯ રન અને તદિવાનાશે મરુમાનીએ અણનમ ૨૭ રનનું યોગદાન આપ્યું હતું. ભારત તરફથી મયંક યાદવ અને પ્રિન્સ યાદવે ઘાતક બોલિંગ કરતા ૨-૨ વિકેટ ઝડપી હતી.
૧૨૬ રનના સામાન્ય લક્ષ્યાંકનો પીછો કરવા ઉતરેલી ભારતીય ટીમ માટે ૧૫ વર્ષીય વૈભવ સૂર્યવંશીએ તૂફાની બેટિંગ કરી હતી. વૈભવે માત્ર ૧૯ બોલમાં ૫૦ રન (૪ ચોગ્ગા અને ૪ છગ્ગાની મદદથી) ફટકારીને ઇતિહાસ રચ્યો હતો. આ સાથે જ તે ૧૫ વર્ષ ૧૧૮ દિવસની ઉંમરે T20 ઇન્ટરનેશનલમાં અડધી સદી ફટકારનાર વિશ્વનો સૌથી નાની વયનો બેટર બની ગયો છે. તેણે જીબ્રાલ્ટરના લુઇસ બ્રુસ (૧૬ વર્ષ ૫૬ દિવસ) નો રેકોર્ડ તોડ્યો છે.
India vs Zimbabwe: શ્રેયસ અય્યરની કેપ્ટનશીપમાં પહેલી જીત
ભારતે ૧૩.૨ ઓવરમાં જ ૩ વિકેટ ગુમાવીને ૧૨૬ રનનો ટાર્ગેટ ચેઝ કરી લીધો હતો. વૈભવ ઉપરાંત ઈશાન કિશને ઉપયોગી ૩૫ રનનું યોગદાન આપ્યું હતું. આ જીત સાથે જ શ્રેયસ અય્યરની કેપ્ટનશીપમાં ભારતને T20 ફોર્મેટમાં પ્રથમ જીત મળી છે, જેનાથી ટીમમાં ખુશીનો માહોલ છે.
વધુ સમાચાર વાંચવા માટે અંહી ક્લિક કરો
