India US Trade Deal: ભારત અને અમેરિકા વચ્ચે થયેલા ઐતિહાસિક વ્યાપાર કરાર (Trade Deal) ને મુખ્યમંત્રી શ્રી ભૂપેન્દ્ર પટેલે વધાવી લીધો છે. તેમણે આ ડીલને વિશ્વ મંચ પર ‘નવા ભારતની શક્તિ’નો પરિચય ગણાવતા વડાપ્રધાન શ્રી નરેન્દ્ર મોદીના નેતૃત્વની પ્રશંસા કરી છે. મુખ્યમંત્રીએ વિશ્વાસ વ્યક્ત કર્યો છે કે આ કરારથી ગુજરાતના મેન્યુફેક્ચરિંગ હબ અને MSME સેક્ટરને સીધો અને મોટો ફાયદો થશે.
India US Trade Deal: ગુજરાતના આ ક્ષેત્રોને થશે બમ્પર ફાયદો:
મુખ્યમંત્રીએ ખાસ નોંધ્યું હતું કે ગુજરાત જે ક્ષેત્રોમાં અગ્રેસર છે, તેને આ ડીલથી વૈશ્વિક બજાર મળશે:
- ટેક્સટાઇલ અને ફાર્મા: નિકાસમાં ધરખમ વધારો થશે.
- કેમિકલ અને પેટ્રોલિયમ: વૈશ્વિક સ્પર્ધામાં ગુજરાતની પકડ મજબૂત બનશે.
- જેમ્સ એન્ડ જ્વેલરી: અમેરિકી બજારમાં ભારતીય આભૂષણોની ચમક વધશે.
India US Trade Deal: 18% ટેરિફમાં ઘટાડો: ઉદ્યોગ જગત માટે ‘ગેમ ચેન્જર’
મુખ્યમંત્રીએ આંકડાકીય વિગતો સાથે જણાવ્યું કે:
- અમેરિકા દ્વારા ભારતીય ઉત્પાદનો પર ટેરિફમાં 18% નો ઘટાડો કરવો એ MSME અને નિકાસકારો માટે સંજીવની સમાન છે.
- આનાથી ‘મેઈક ઇન ઇન્ડિયા’ અભિયાનને વેગ મળશે અને રાજ્યમાં હજારો નવી રોજગારીની તકો ઊભી થશે.
- ગુજરાતના સ્ટાર્ટઅપ્સ માટે અમેરિકા જેવા વિશાળ બજારના દ્વાર ખુલશે.
વશ્વ કલ્યાણ’ની ભાવના ચરિતાર્થ થઈ
મુખ્યમંત્રીએ આ કરારના વ્યૂહાત્મક પાસા પર ભાર મૂકતા કહ્યું:
“જ્યારે વિશ્વની બે સૌથી મોટી લોકશાહી સાથે મળીને આગળ વધે, ત્યારે સાચા અર્થમાં વિશ્વ કલ્યાણની ભાવના ચરિતાર્થ થાય છે. આ ડીલ માત્ર ઉદ્યોગ પૂરતી સીમિત નથી, પરંતુ બંને દેશોના નાગરિકોના હિત માટેનો દસ્તાવેજ છે.”
આ પણ વાંચો : 1 એપ્રિલથી આવક અને જાતિ સહિતના 18 પ્રમાણપત્રો ઓનલાઈન મળશે, 80 લાખ પરિવારને સીધો લાભ
