Hit and run in Vadodara: સંસ્કારી નગરી વડોદરામાં એકતરફ પોલીસ દ્વારા માર્ગ સલામતી અને હેલ્મેટને લઈને કડક ઝુંબેશ ચલાવવામાં આવી રહી છે, ત્યારે બીજી તરફ બેફામ વાહન ચાલકો નિર્દોષ લોકોના જીવ જોખમમાં મૂકી રહ્યા છે. શહેરના હરણી પોલીસ સ્ટેશન વિસ્તારમાં હીટ એન્ડ રનની એક ગંભીર ઘટના સામે આવી છે, જેમાં એક અજાણ્યા વાન ચાલકે સ્કૂટર સવાર દંપતીને જોરદાર ટક્કર મારી હતી.
Hit and run in Vadodara: શું હતી સમગ્ર ઘટના?
મળતી માહિતી મુજબ, ન્યૂ વીઆઈપી રોડ પર આવેલા સીતારામ નગર (વ્હાઇટ વુડાના મકાન) પાસે રહેતા કનુભાઈ મારવાડી ગત ૨ મેના રોજ બપોરના સમયે તેમના પત્ની સાથે સ્કૂટર પર જઈ રહ્યા હતા. તેઓ જ્યારે હરણી પોલીસ સ્ટેશન હેઠળના બ્રહ્માનગર પાસેથી પસાર થઈ રહ્યા હતા, ત્યારે કાળમુખી બનેલી એક પૂરપાટ ઝડપે આવતી વાને તેમના સ્કૂટરને અડફેટે લીધું હતું.
Hit and run in Vadodara: દંપતીને ગંભીર ઈજાઓ
વાનની ટક્કર એટલી જોરદાર હતી કે દંપતી રોડ પર ફંગોળાયું હતું અને બંનેને શરીરે નાની-મોટી ગંભીર ઈજાઓ પહોંચી હતી. અકસ્માત સર્જ્યા બાદ માનવતા દાખવવાને બદલે વાન ચાલક પોતાનું વાહન લઈને ઘટનાસ્થળેથી ફરાર થઈ ગયો હતો. ઈજાગ્રસ્ત દંપતીને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યું છે.
Hit and run in Vadodara: પોલીસ તપાસ તેજ
આ ઘટનાને પગલે હરણી પોલીસે ગુનો નોંધીને કાયદેસરની કાર્યવાહી હાથ ધરી છે. ફરાર કારચાલકને પકડવા માટે પોલીસે ઘટનાસ્થળ અને આસપાસના વિસ્તારોના CCTV ફૂટેજ મેળવવાની તજવીજ શરૂ કરી છે. ટૂંક સમયમાં જ આરોપી ચાલકની ધરપકડ કરવામાં આવશે તેવું પોલીસ સૂત્રો જણાવી રહ્યા છે.
વધુ સમાચાર વાંચવા માટે અંહી ક્લિક કરો
