Gujarat Weather Update: ગુજરાતમાં અસહ્ય કાળઝાળ ગરમીથી પરેશાન નાગરિકો માટે રાહતના સમાચાર આવ્યા છે. હવામાન વિભાગ દ્વારા રાજ્યમાં આગામી પાંચ દિવસ સુધી ભારે પવન અને ગાજવીજ સાથે વરસાદની આગાહી કરવામાં આવી છે. રાજ્યના પાટનગર ગાંધીનગર અને આર્થિક પાટનગર અમદાવાદ સહિત વિવિધ જિલ્લાઓમાં 40થી 50 કિલોમીટર પ્રતિ કલાકની ઝડપે તોફાની પવન ફૂંકાવાની અને હળવોથી મધ્યમ વરસાદ પડવાની સંભાવના છે. બદલાતા હવામાનને પગલે હવામાન વિભાગે રાજ્યના અનેક જિલ્લાઓમાં ‘યલો ઍલર્ટ’ જાહેર કર્યું છે.
Gujarat Weather Update: આ જિલ્લાઓમાં ‘યલો ઍલર્ટ’ની જાહેરાત
હવામાન વિભાગ દ્વારા શુક્રવાર અને શનિવાર એમ બે દિવસ માટે રાજ્યના જુદા-જુદા ભાગોમાં વરસાદનું યલો ઍલર્ટ આપ્યું છે:
- શુક્રવાર (5મી જૂન) નું એલર્ટ: બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, સુરત, ડાંગ, નવસારી, વલસાડ, સુરેન્દ્રનગર, રાજકોટ, જૂનાગઢ અને અમરેલી.
- શનિવાર (6ઠ્ઠી જૂન) નું એલર્ટ: અરવલ્લી, પંચમહાલ, દાહોદ, વડોદરા, છોટા ઉદેપુર, નર્મદા, અમરેલી, ભાવનગર, ગીર સોમનાથ અને દીવ.
Gujarat Weather Update: અમદાવાદમાં તાપમાન ગગડ્યું, પણ વરસાદ અંગે નિષ્ણાતોમાં મતભેદ
હવામાનમાં આવેલા પલટાને કારણે અમદાવાદમાં ગરમીનો પારો થોડો નીચે ઉતર્યો છે. શહેરમાં સરેરાશ મહત્તમ તાપમાન 41.4 ડિગ્રી નોંધાયું હતું, જે સામાન્ય કરતાં બે ડિગ્રી ઓછું છે. આગામી દિવસોમાં પણ તાપમાન 40 ડિગ્રીની આસપાસ રહેવાની ધારણા છે.
જોકે, અમદાવાદમાં વરસાદને લઈને હવામાન વિભાગ અને સ્થાનિક નિષ્ણાતોના મતમાં તફાવત જોવા મળી રહ્યો છે:
| પક્ષ | આગાહી/અનુમાન |
| હવામાન વિભાગ (IMD) | અમદાવાદમાં આવતીકાલથી પાંચ દિવસ સુધી 40થી 50 કિમીની ગતિએ પવન ફૂંકાશે અને ગાજવીજ સાથે હળવોથી મધ્યમ વરસાદ પડી શકે છે. |
| સ્થાનિક હવામાન નિષ્ણાતો | અમદાવાદ શહેરમાં આગામી 10 દિવસ સુધી વરસાદ પડવાની સંભાવના નહિવત્ છે, માત્ર પવનનું જોર વધુ રહેશે. |
Gujarat Weather Update: નાગરિકોને સાવચેત રહેવા અપીલ
ગાંધીનગર, રાજકોટ, સુરત, વડોદરા અને આણંદ જેવા મોટા શહેરોમાં પણ આગામી બે દિવસ વરસાદી માહોલ વધુ જોવા મળી શકે છે. તોફાની પવન અને ગાજવીજના કારણે કોઈ અણબનાવ ન બને તે માટે તંત્ર અને નિષ્ણાતો દ્વારા નાગરિકોને ભારે પવન અને ગાજવીજ વખતે ખાસ સાવચેત રહેવા અપીલ કરવામાં આવી છે.
વધુ સમાચાર વાંચવા માટે અંહી ક્લિક કરો
ગુજરાત રાજ્યસભા ચૂંટણી, ભાજપે 4 ઉમેદવારોના નામ જાહેર કર્યા; વિજય મુહૂર્તમાં ફોર્મ ભરાશે
