Gujarat Rain Fury: રાજ્યમાં મેઘરાજાએ ફરી એકવાર ધમાકેદાર બેટિંગ કરી છે, જેના કારણે સૌરાષ્ટ્ર, ઉત્તર, મધ્ય અને દક્ષિણ ગુજરાતમાં જળબંબાકાર જેવી સ્થિતિ સર્જાઈ છે. છેલ્લા ૨૪ કલાકમાં રાજ્યના ૨૫૭ તાલુકાઓમાં વરસેલા વરસાદમાં મોરબીમાં સૌથી વધુ ૮.૭૮ ઇંચ વરસાદ નોંધાયો છે. ભારે વરસાદના કારણે અનેક વિસ્તારોમાં પાણી ભરાયા છે અને નદી-નાળા છલકાઈ ગયા છે.
Gujarat Rain Fury: મુખ્ય વિશેષતાઓ:
- વરસાદના આંકડા (૨૪ કલાક):
- મોરબીમાં સૌથી વધુ ૮.૭૮ ઇંચ અને ટંકારામાં ૭.૬૪ ઇંચ વરસાદ નોંધાયો.
- સુરેન્દ્રનગરના ધ્રાંગધ્રામાં ૭ ઇંચ અને મોરબીના હળવદમાં સાડા છ ઇંચ વરસાદ ખાબક્યો.
- રાજ્યના ૨૫ તાલુકાઓમાં ૩ થી ૬ ઇંચ અને ૧૦૨ તાલુકામાં ૧ થી ૨ ઇંચ વરસાદ નોંધાયો છે.
- ડેમો અને તળાવો ઓવરફ્લો: સુરેન્દ્રનગરનો વઢવાણ ભોગાવો-૨ (ધોળીધજા) ડેમ અને ધ્રાંગધ્રાનું રણમલ તળાવ ઓવરફ્લો થયા છે.
- હળવદમાં ડ્રામેટિક રેસ્ક્યૂ ઓપરેશન: હળવદના જૂના માલણીયાદ ગામ પાસે કંકાવટી નદીમાં આવેલા ઘોડાપૂર વચ્ચે ખેતર-વાડીમાં ફસાયેલા ૨ મહિલા સહિત ૧૨ લોકોનું NDRF, SDRF અને સ્થાનિક તંત્ર દ્વારા સફળતાપૂર્વક રેસ્ક્યૂ કરવામાં આવ્યું છે.
- ૪ સિસ્ટમ સક્રિય અને યલો એલર્ટ: હાલ રાજ્ય પર વેલમાર્ક લો પ્રેશર, મોનસૂન ટ્રફ, શિયર ઝોન અને વેસ્ટર્ન ડિસ્ટર્બન્સ એમ ચાર સિસ્ટમ સક્રિય છે. આજે ૮ જિલ્લામાં ભારે વરસાદને લઈને ‘યલો એલર્ટ’ જાહેર કરવામાં આવ્યું છે.
- સિગ્નલ અને સીઝનલ વરસાદ: દરિયાઈ સ્થિતિ ઉગ્ર બનતા રાજ્યના તમામ બંદરો પર નંબર-૩નું ચેતવણી સિગ્નલ લગાવાયું છે. રાજ્યમાં અત્યાર સુધી સરેરાશ કરતાં ૧૬ ટકા વધુ (કુલ ૪૩૯.૯ મીમી) વરસાદ નોંધાઈ ચૂક્યો છે.
વધુ સમાચાર વાંચવા માટે અંહી ક્લિક કરો: ખેડા જિલ્લાના વસોમાં જળપ્રલય: ૨૦ વર્ષ બાદ સર્જાયેલી વિકટ પરિસ્થિતિમાં ગામ જળમગ્ન, તંત્ર સામે રોષ
