GTvsMI : આજે રવિવારે IPLમાં ડબલ હેડર મુકબલો રમાશે, બપોરે ૩:30 વાગે રાજસ્થાન રોયલ્સ અને લખનૌ સુપર જાયન્ટ્સ વચ્ચે મેચ રમાશે, જયારે સાંજે 7:30 કલાકે અમદાવાદના નરેન્દ્ર મોદી સ્ટેડીયમમાં ગુજરાત ટાઇટન્સ અને મુંબઈ ઇન્ડિયન્સ વચ્ચે રોમાંચક મુકાબલો યોજાશે. મુંબઇને પાંચ ટાઇટલ અપાવનાર રોહિત શર્મા આ સિઝનમાં માત્ર બેટ્સમેન તરીકે જ રમશે અને તે વર્લ્ડ કપ પહેલા તેનું શ્રેષ્ઠ ફોર્મ હાંસલ કરવા ઇચ્છશે.
GTvsMI : ગુજરાત અને મુંબઈની મેચની વાત કરીએ તો હાર્દિક પંડ્યા રવિવારે તેની ભૂતપૂર્વ ટીમ ગુજરાત ટાઇટન્સ સામે ઇન્ડિયન પ્રીમિયર લીગ (IPL)માં પ્રથમ વખત મુંબઈ ઇન્ડિયન્સની કેપ્ટનશીપ કરશે, ત્યારે તે તેના ભૂતપૂર્વ કેપ્ટન રોહિત શર્માના વારસાને આગળ ધપાવવાનું લક્ષ્ય રાખશે. ઓલરાઉન્ડર હાર્દિકના નેતૃત્વમાં ટાઇટન્સે તેની ડેબ્યૂ સિઝનમાં જ ટાઇટલ જીત્યું હતું, જ્યારે છેલ્લી વખત તે રનર્સઅપ રહી હતી.
જોકે, તે આ સિઝનમાં મુંબઈ પરત ફર્યો હતો જ્યાં તેને રોહિતની જગ્યાએ કેપ્ટન તરીકે નિયુક્ત કરવામાં આવ્યો હતો. આ સાથે હાર્દિક ODI વર્લ્ડ કપમાં ઈજાગ્રસ્ત થયા બાદ કેટલીક ટુર્નામેન્ટમાં રમશે. જૂનમાં અમેરિકા અને વેસ્ટ ઈન્ડિઝમાં યોજાનાર T20 વર્લ્ડ કપને ધ્યાનમાં રાખીને તમામની નજર બેટિંગ અને બોલિંગ બંને વિભાગમાં હાર્દિકના પ્રદર્શન પર રહેશે.
GTvsMI : શુભમન ગિલ ગુજરાતની કેપ્ટનશીપ કરતો જોવા મળશે
GTvsMI : ટાઇટન્સે હાર્દિકની જગ્યાએ શુભમન ગીલને પોતાના કેપ્ટન તરીકે નિયુક્ત કર્યા છે, જેમની પાસે કેપ્ટનશિપનો બહુ ઓછો અનુભવ છે. મુંબઈની ટીમ ફિટનેસ સંબંધિત સમસ્યાઓથી ઝઝૂમી રહી છે. તેના સ્ટાર બેટ્સમેન સૂર્યકુમાર યાદવને હજુ સુધી રમવાની પરવાનગી મળી નથી. ડાબા હાથના ફાસ્ટ બોલર જેસન બેહરેનડોર્ફ અને દિલશાન મદુશંકાને પહેલાથી જ IPLમાંથી બહાર કરી દેવામાં આવ્યા છે, જ્યારે નવોદિત ખેલાડી ગેરાલ્ડ કોએત્ઝી પણ હેમસ્ટ્રિંગના તાણમાંથી સ્વસ્થ થઈ રહ્યો છે અને શરૂઆતની કેટલીક મેચો ચૂકી શકે છે.
મુંબઈને પાંચ ખિતાબ અપાવનાર રોહિત શર્મા આ સિઝનમાં માત્ર બેટ્સમેન તરીકે જ રમશે અને તે વર્લ્ડ કપ પહેલા પોતાનું સર્વશ્રેષ્ઠ ફોર્મ હાંસલ કરવા ઈચ્છશે. મુંબઈના અન્ય ખેલાડી ઈશાન કિશનના પ્રદર્શન પર પણ સૌની નજર રહેશે.સ્થાનિક ક્રિકેટ રમવા માટે ભારતીય ક્રિકેટ બોર્ડની માર્ગદર્શિકાનું પાલન ન કરવાને કારણે તેણે બીસીસીઆઈનો સેન્ટ્રલ કોન્ટ્રાક્ટ ગુમાવવો પડ્યો હતો અને હવે તે પોતાની જાતને સાબિત કરવા માટે બેતાબ રહેશે. હાર્દિક ઉપરાંત મુંબઈ પાસે મોહમ્મદ નબી અને રોમારિયો શેફર્ડના રૂપમાં સારા ઓલરાઉન્ડર વિકલ્પો છે.
GTvsMI : ગુજરાત શમીને મિસ કરી શકે છે
GTvsMI : જ્યાં સુધી ટાઇટન્સની વાત છે, ગિલ માટે છેલ્લી બે સિઝનમાં ટીમમાં સાતત્ય જાળવી રાખવાનો પડકાર રહેશે. ગિલને ભારતના ભાવિ કેપ્ટન તરીકે પણ જોવામાં આવી રહ્યો છે પરંતુ તે પહેલા તેણે આઈપીએલમાં પોતાને સાબિત કરવું પડશે. ગિલ ગત સિઝનમાં સૌથી વધુ રન બનાવનાર ખેલાડીઓમાં સામેલ હતો અને તેની ટીમ આશા રાખશે કે કેપ્ટનશિપની જવાબદારી તેની બેટિંગ પર વિપરીત અસર ન કરે. ટાઇટન્સ ભારતીય ફાસ્ટ બોલર મોહમ્મદ શમીની ખોટ અનુભવશે જે હીલના ઓપરેશનને કારણે ટુર્નામેન્ટમાંથી બહાર છે. જો કે તેમના માટે સારા સમાચાર એ છે કે અફઘાનિસ્તાનનો સ્ટાર સ્પિનર રાશિદ ખાન પીઠની ઈજામાંથી સાજો થઈને વાપસી કરી રહ્યો છે.
IPL ના લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
